Атинскиот аеродром планира влез на берзата и продажба на 30 од акциите - Канал 5

Балкан

Атинскиот аеродром планира влез на берзата и продажба на 30 од акциите

Од атинскиот аеродром посочија дека компанијата е управувана и работи како трговско претпријатие од приватниот сектор, при што грчката држава поседува 55 отсто од акциите, од кои 30 проценти се преку Фондот за развој на приватен имот на Грција.

Атинскиот аеродром планира влез на берзата и продажба на 30 од акциите

Меѓународниот аеродром во Атина „Елефтериос Венизелос“ соопшти дека планира да влезе на атинската берза и да продаде 30 отсто од акциите во сопственост на Фондот за развој на приватен имот, јави дописничката на МИА од Атина.

Од атинскиот аеродром посочија дека компанијата е управувана и работи како трговско претпријатие од приватниот сектор, при што грчката држава поседува 55 отсто од акциите, од кои 30 проценти се преку Фондот за развој на приватен имот на Грција (ТАИПЕД), а останатите 25 отсто се на компанијата за холдинг и имот (EESYP), додека пак најголемиот приватен акционер е AviAlliance со нешто повеќе од 40 проценти, а семејството Копелузос поседува околу пет отсто.

Во однос на предложената понуда објаснија дека акциите што моментално ги поседува ТАИПЕД ќе бидат на продажба преку јавна понуда до приватни и институционални инвеститори во Грција и преку понуда за квалификувани меѓународни институционални инвеститори надвор од Грција.

Актуелниот акционер AviAlliance ќе има право да склучи договор за основен инвеститор за купување на 10 отсто од понудени акции, а семејството Копелузос ќе имаат право на еден процент.

Котација на акциите на Друштвото се очекува да биде во февруари годинава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нови 7 осомничени за транспорт на марихуана во Србија, двајца склучиле спогодби за казни под 4 години

Јавното обвинителство ја прошири истрагата против седум нови лица за шверцот на пет тони марихуана во Србија, во јануари годинава.

Нови 7 осомничени за транспорт на марихуана во Србија, двајца склучиле спогодби за казни под 4 години

Со нив, за случајот во Македонија осомничени се вкупно 13 лица. Тие, заедно со шестмината уапсени во Србија, и други засега непознати лица организале најмалку 5 транспорти на марихуана, соопшти Обвинителството.

Како параван било користено правното лице во скопје кое поседува одобрение за одгледување канабис за медицински цели, а за транпортот користеле товарни возила и царински декларации со кои се прикажувало дека се превезува текстилна, прехранбена и друг вид стока. Откако наркотичната дрога ќе била пренесена преку државната граница, организирале нејзино складирање во месноста Коњух кај Крушевац, каде марихуаната се препакувала и дистрибуирала за натамошна продажба.

Според досега обезбедените докази, истиот modus operandi бил применет при најмалку пет транспорти, за кои биле користени различни патнички и товарни моторни возила. Кај товарните возила со претходно царинета и пломбирана стока се отстранувала пломбата и се вадел дел од царинетата стока, а на нејзино место се ставале кутии со наркотична дрога марихуана со тежина приближно еднаква на тежината на извадената стока. Потоа товарното возило се упатувало кон ГП Табановце, при што било следено од некој од осомничените со патничко моторно возило. На овој начин марихуаната била транспортирана прикриена како прехранбени производи, перници и јоргани. – соопшти Обвинителството..

Од таму додаваат дека во меѓувреме, двајца од првично шестмината осомничени, склучиле спогодби со Обвинителството, кои на 10 август биле потврдени од кривичниот суд.. Едниот добил 3 ипол години затвор, а вториот три години и 8 месеци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лабораториски извештај за квалитетот и безбедноста на водата за пиење: Сите примероци ОДГОВАРААТ на Правилникот за барања за безбедност и квалитет

Неделен лабораториски извештај за квалитетот и безбедноста на водата за пиење.

Лабораториски извештај за квалитетот и безбедноста на водата за пиење: Сите примероци ОДГОВАРААТ на Правилникот за барања за безбедност и квалитет

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 10.08.2026 до 14.08.2026 зема 211 примероци за физичко-хемиска и 211 примероци за микробиолошка анализа на вода за пиење од 45 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18), стои во соопштението од ЈП Водовод и канализација – Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се уште е активен пожарот кај селото Чаниште, останува уште еден крак од огнената линија , вчера изгореа куќи

Се уште е активен пожарот кај селото Чаниште, останува уште еден крак од огнената линија тимот на Дирекцијата за заштита и спасување составен од доброволни пожарникари од Битола .

Се уште е активен пожарот кај селото Чаниште, останува уште еден крак од огнената линија , вчера изгореа куќи

Работеше цела ноќ, а продолжува со работа и утринава ова утринава го изјави за Канал 5 директорот на дирекцијата Стојанче Ангелов.

Според него изгорени се напуштени куќи или куќи во кои се пртестојаувало ретко .Нема повредени жители ниту пожарникари.селото е оддалечено околу 35 километри од прилеп.

Поради лошиот и кривулест пат, на екипите им бил потребен околу еден час за да стигнат до населеното место.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер