Ноќта на Оскарите во 2020 ја остави речиси цела Македонија будна, во исчекување на двете категории каде што беше номинирана нашата „Медена земја“.Вонсериски документарец,кој со гордост можеме да го издвоиме како светла точка во изминатата 2020 година...

Екипата состави ремек дело во кое ја документираше приказната на една жена која несебично го чува кршливиот баланс помеѓу човекот и природата.

Земаме само половина, половина за нас, половина за нив..

Најсилен впечаток на екипата е кога ја запознале хероината, велат тоа беше моментална хемија, веднаш ги пленила духот и добрината на жената која мечтаела да се раскже нејзината приказна, како една од последните одгледувачки на диви пчели во Европа, но таа не ни сонувала дека светот ќе слушне за нејзиниот живот.

Пред еден ден ми кажуваше нешто дека ќе чујам добри вести, и таа вечер пуштив случајно радио и две номинации вика медената земја има и многу се радував.

Кај екипата емоциите и сеќавањата се уште се свежи...Се како да се случи вчера, по речиси година, жарот од „Медена земја“ се уште гори во мене и се надевам ќе потрае, вели Фејми Даут еден од кинематографите на „Медена земја“...

Фејми Даут и Самир Љума успеаја да ја освојат една од најпрестижните кинематографски награди, American Society of Cinematography, за која Даут вели дека мечтаел уште како студент.

,,Не ни замислував дека ќе постигнам таков успех. Додека бевме на академија, 2000та, ги читавми тие магазини на Американ синематографи, ги гледаш кој се постигнал успеси и награди и си викаш, дај боже некој ден и јас да се најдам на таа листа и се случи тоа.

Трудот во „Ханиленд“ не само што им ја донесе наградата, туку Даут и Љума станаа дел од историјата на АСЦ.

,,За прв пат се случува на АСЦ да се кандидираат документарни филмови, значи тоа не било претходно случај, и прв пат историски да ние го добиеме тоа како награда, мислам дека тоа повеќе ми значи отколку самата награда, да таа е вредна и секој би ја посакал од нашава фела, убаво е чувството.

Атиџе пак вели дека нема никогаш да го заборави првиот лет со авион во животот, кога со екипата патувала кон Швајцарија.

,,Тоа ми беше најинтересно, прв пат дека се возам со авион, па луѓето ме прашуваа дали ми беше страв. Викам како птица на небото, мислам дека целата тежина ја оставив во Швајцарија таму...

Од кочан зими до неподносливо високи температури, тригодишното снимање на „Медена земја“ не било воопшто медено, но одлучноста на Љубомир Стефанов, Тамара Котевска,Фејми Даут, Атанас Георгиев и Самир Љума била поголема од сите искушенија, па така го добивме „Ханиленд“, најнаградуваниот филм на Санденс фестивалот, односно документарецот кој освои преку 12 награди низ светот, вклучително две оскар номинации.

Позитивната критика за „Медена земја“ ечеше од секое светско ќоше, Њу Јорк Тајмс, го опиша како документарец кој содржи светови во една преубава приказна, а нивниот главен филмски критичар Ентони Оливер Скот го постави како најдобар меѓу најдобрите кои 2020та се бореа за престижниот оскар. Други пак велат, документарец, кој вљубениците во филмот чекаат со години да се произведе...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.