Технологија

Астронаутите заробени на МВС, излегоа на прва заедничка вселенска прошетка (ФОТО)

Двајца астронаути на НАСА, Сунита Вилијамс и Бери Буч Вилмор, кои пристигнаа на Меѓународната вселенска станица за да останат 8 дена во јуни, но беа блокирани поради дефект на Starliner, ја изведоа својата прва заедничка вселенска прошетка.

Ова се случи по речиси осум месеци подоцна, објави ABC News.

За време на оваа прошетка, која траеше 5 часа и 26 минути, Сани Вилијамс го собори рекордот за времетраење што поминала една жена во вакуумот на вселената, објави Меѓународната вселенска станица на својата сметка на мрежата Х.

Вилијамс помина вкупно 62 часа и шест минути во вселенскиот вакуум за време на неколку вселенски прошетки, вклучувајќи ја и денешната, надминувајќи ја поранешната астронаутка Пеги Витсон, која претходно го држеше рекордот поставен во 2017 година од 60 часа и 21 минута, пишува порталот Space com .

Вилијамс и Вилмор ја напуштија станицата за да извршат работи за одржување и да ја избришат надворешноста на станицата за докази за какви било микроби кои можеби се уште се живи.

„Тука сме“, рече Вилмор додека излегуваше од станицата 420 километри над Шпанија.

Вилијамс пред две недели изведе вселенска прошетка со друг астронаут, а за Вилмор тоа беше прва прошетка во вселената за време на ова вселенско патување, иако и двајцата се искусни во вселенски прошетки.

Кога астронаутите пристигнаа на станицата минатиот јуни, се очекуваше да останат во вселената само една недела, но капсулата Старлајнер на Боинг наиде на проблеми и НАСА одлучи да го врати вселенското летало на Земјата без патници.

Вилијамс и Вилмор се очекува да се вратат на Земјата кон крајот на март или почетокот на април, според ABC News.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда, Џенифер Лопез во исхраната и рутината за вежбање за да изгледа вака супер на 57 години.

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“.

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.