Асемина Проедру и Елеонора Венинова го отворија 8. издание на МФФ Киненова - Канал 5

Култура

Асемина Проедру и Елеонора Венинова го отворија 8. издание на МФФ Киненова

„Киненова“ ги слави делата на новите филмски автори кои доаѓаат и ги предводат новите бранови во филмската уметност. 

Асемина Проедру и Елеонора Венинова го отворија 8. издание на МФФ Киненова

Со слоганот „Прв филм, осмо сетило“ во текот на следните шест вечери во кината на Синеплекс ќе може да се почувствува моќта на филмот.

Фестивалот синоќа го отворија македонската режисерка Елеонора Венинова и грчката режисерка Асемина Проедру, која се заблагодари на честа да го отвори фестивалот со проекцијата на нејзиниот филм „Зад стоговите сено“.

-Киненова е еден од ретките фестивали во Македонија и во регионот што ги слави првите, вторите и третите долгометражни филмови што за нас авторите е многу значајно. Ова е фестивал кој сака да ризикува и да открива нови филмски автори. Уште повеќе ми е драго што ќе го отвориме заедно со мојата колешка Асемина Проедру од Грција со која се запознавме пред десет години на фестивал во Драма, Грција, каде беа прикажани нашите кратки филмови, а сега десет години подоцна се среќаваме во Скопје на фестивал со нашите први долгометражни филмови, рече Венинова.

Следуваа проекции на краткиот филм на Ѓорче Ставревски „Дали си маж?“ и „Зад стоговите сено“ на Асемина Проедру, а на српскиот актер Бранислав Лечиќ му беше врачена наградата за особен придонес во филмската уметност.

-Филмскиот актер е тој што ги оживува и ги остварува сите замислени емоции и слики на авторот и режисерот. Актерот е тој кој ги носи најсилните пораки преку ликовите кои ги гради и оживува. А нашиот лауреат оживеа мнпгу ликови на филмското платно и со својот став и посебен актерски сензибилитет одбележа едно време на овие простори, беше речено при претставувањето на годинешниот лауреат на наградата за посебен придонес во филмската уметност, српскиот актер Бранислав Лечиќ.

Наградата на лауреатот му ја врачи директорот на Фестивалот, Небојша Јовановиќ, кој раскажа дека улогите на Лечиќ ја одбележале неговата младост.

-Во својот уметнички живот кој брои 45 години сум добил многу награди, како млад, во средни години, и театарски, и филмски, и меѓународни, и на домашен терен, и не само во Србија, туку и во целиот регион, но, морам да ви кажам дека оваа награда за мене претставува нешто особено. Таа гласи за посебен придонес во филмската уметност и навистина ми е драго што во таа уметност, која многу ја ценам можам некако да придонесам. Македонија ја сакам и ги ценам вашите уметници бидејќи имате квалитетни филмски уметници и актери. Секогаш сум бил инспириран кога сум се среќавал во вашите уметници и во театар и на филм. Наградите обично се добиваат на крајот од кариерата, тоа се награди кои некако сублимираат и прават некаков круг, собираат некаква работа, но јас оваа награда нема така да ја доживеам. Се чувствувам дека сум во полна сила, што можеби е парадокс, но тоа е навистина мое чувство и оваа награда ќе биде моја инспирација да дадам уште поголем придонес во филмската уметност, рече Лечиќ.

Присутните ги поздрави и Малгоржата Скулска, директорка на полскиот патувачки филмски фестивал „Вистула“, кој од минатата година соработува со Киненова и ја презентира полската кинематографија.

-Прв пат сум во Скопје и многу ми се допаѓа. „Вистула“ ја формиравме пред 16 години и полската кинематографија ја презентиравме досега во 28 држави. Четири полски филмови ќе бидат прикажани на Киненова и ве поканувам да ги погледнете, рече Скулска.

Годинава за филмовите во главна конкуренција ќе одлучуваат членовите на меѓународното жири: Лех Мајевски, режисер, сценарист, кинематографер од Полска, Дебора Ван Дам, сценаристка и режисерка од Холандија и Дејан Дуковски, драмски писател од Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп за масовните насилни протести во Франција: Исламот сака да ја преземе државата (ВИДЕО)

Американскиот претседател Доналд Трамп ги најави големите протести во Франција и тврдеше дека нивната причина не се проблемите во училиштата, туку масовната миграција и исламот.

Трамп за масовните насилни протести во Франција: Исламот сака да ја преземе државата (ВИДЕО)

„Она што се случува во Франција не е ништо повеќе од неконтролирана масовна миграција. Не станува збор за училишта, туку за исламот што сака да ја преземе некогаш големата земја“, напиша Трамп на Truth Social.

Ве потсетуваме дека протестите започнаа како студентско движење поради состојбата во средните училишта, недостатокот на персонал, условите за работа и другите проблеми во образовниот систем, а потоа се проширија на други групи.

Ученици, наставници, родители и синдикати учествуваат во протестите, додека дел од собирот беше обележан со судири со полицијата, палежи и немири.

Француското Министерство за внатрешни работи објави дека денес низ целата земја протестирале 256.000 луѓе, вклучувајќи 56.000 во Париз. Синдикатите тврдат дека имало 450.000 од нив, од кои 100.000 биле во главниот град.

Тагови: протести Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сталоне откри како се степал со Ричард Гир за време на снимање (ВИДЕО)

Силвестер Сталоне во своите нови мемоари опиша физичка конфронтација со Ричард Гир што се случила на снимањето на филмот во 1974 година. 

Сталоне откри како се степал со Ричард Гир за време на снимање (ВИДЕО)

Во книгата „Скалите“, објавена кон крајот на септември, 80-годишниот Сталоне пишува за тензиите за време на снимањето на „Господарите од Флатбуш“ што кулминирале со тепачка.

Почнува од аудицијата

Сталоне наведува дека проблемите со Гир (77) започнале уште на аудициите, на кои учествувал и Роберт Де Ниро. Иако импровизацијата со Де Ниро била продуктивна, со Гир тргнала во лоша насока. „Се сеќавам дека на почетокот со Де Ниро, сè одеше прилично добро. Се обидувавме да се надгласаме еден со друг и уживав во процесот“, пишува Сталоне.

Работата со Гир беше поинаква. „Импровизациите со Ричард Гир тргнаа наопаку. Тој ме зграпчи за кошулата и ноктите ми се забија во кожата. Му реков да се повлече, но тој го направи тоа повторно од вториот обид. Не можеше да знае, но почна да беснее во мене“, се вели во мемоарите.

Потоа Сталоне го праша режисерот Стивен Верона дали може да реагира на начинот на кој би реагирал во реалниот живот. „'Што би направил?' ме праша тој. 'Што? Ќе му ги скршев забите.' Тој одговори: 'Те молам немој.'“

Тепачка поради пилешко

Физичката пресметка се случила за време на паузата за ручек. Сталоне тврди дека го предупредил Гир да не прави неред со храната, по што Гир намерно го полил со пилешка маст. „Млад пилешка маст течеше од алуминиумската фолија врз мојата нога“, се присети Сталоне.

„Го удрив со лактот во градите, излегов од автомобилот, отидов до него и го извлеков од задното седиште“, опишува Сталоне. „„Еј човече, не сакам да се навредувам“, рече Гир. Јас реков: „Премногу доцна е...“ Стивен Верона застана пред Гир. На сите им беше јасно дека ова не функционира. Еден од нас мораше да си оди.“

Отказ и ново пријателство

По инцидентот, Гир беше отпуштен, а Де Ниро го напушти и проектот. Тие беа заменети со актерите Пери Кинг и Хенри Винклер. Промената во глумечката екипа доведе до доживотно пријателство меѓу Сталоне и Винклер, за кого Сталоне вели дека многу го поддржувал на почетокот на неговата кариера. Портпаролот на Гир не одговори на барањето за коментар за обвинувањата на Сталоне.

Тоа не беше единствениот забележан конфликт меѓу двајцата актери. Елтон Џон напиша во своите мемоари од 2019 година дека Сталоне и Гир речиси се скарале поради принцезата Дајана во деведесеттите години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Норвешка ги забранува паметните очила на плажи, во паркови и теретани

Норвешка подготвува привремена забрана за паметни очила на одредени јавни места. Забраната би се однесувала на паркови, плажи, музеи, трговски центри, училишта, градинки, здравствени установи, теретани и јавни настани. 

Норвешка ги забранува паметните очила на плажи, во паркови и теретани

Приватната употреба останува дозволена.

Торгеир Микаелсен, норвешки министер за дигитални работи, вели дека е загрижен што се воведува нова и моќна технологија каде што луѓето можат да бидат фотографирани, снимани со камера или микрофон без тие да знаат за тоа. Тој додаде дека не сака општество во кое луѓето се плашат дека некој ги снима без нивно знаење на места каде што се навикнати да не бидат следени.

Каде уште се ограничени паметните очила

Норвешка не е прва. Ограничувањата се множат низ целиот свет, а паметните очила веќе се забранети од судниците во Велика Британија и САД, како и од некои пабови, кина и ресторани чии сопственици се плашат за приватноста на своите гости.

Во Велика Британија, угостителот Џереми Кинг и синџирот пабови Wetherspoons веќе го кажаа тоа. Кино салите почнаа да го забрануваат или ограничуваат носењето очила во август, наведувајќи ги загриженоста за приватноста и пиратството на филмови.

Гувернерот на Калифорнија, Гевин Њусом, минатата недела стави вето на закон со кој би се забранувало снимањето на луѓе што носат очила без дозвола во соблекувални, лекарски ординации и други простории што се сметаат за приватни. Државата веќе има закони против нелегално снимање.

Француската група за заштита на децата E-enfance соопшти дека годинава добила околу 20 пријави за жени кои биле снимани без нивно знаење, од кои повеќето се однесуваат на очила Мета. Моделот е ист: млада девојка или жена на јавно место се снима, а снимката се објавува на социјалните медиуми како шега или улична анкета.

Мета, водена од Марк Закерберг, продава паметни верзии на очила за сонце Ray-Ban и Oakley. Продала најмалку девет милиони пара модели на Ray-Ban од почетокот на 2023 година. Компанијата вели дека секој пар со камера има LED светло што трепка бело додека снима, дека не може да се исклучи и дека камерата е оневозможена ако е покриена или оштетена.

Тагови: паметни очила

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер