Здравје

Коронавирусот незапипливо се шири , во светот има над 100 300 заразени

Бројот на заразени со коронавирус ширум светот денес надмина 100.300 , освен во кинеската провинција Хубеи , од каде што почна заразата , а во последните 24 часа нема ново заболени.

Се поголем број луѓе се соочуваат со новата реалност, многу компании бараат од своите вработени да останат дома, се затвораат училиштата, да откажуваат големи собири и настани, нема тоалетна хартија и гел за дезинфекција во продавниците , а маските за лице стануваат вообичаена глетка, пренесува Ројтерс.

Во Франција денес се потврдени 613 случаи на корорнавирус или 190 повеќе од претходниот ден, изјави директорот на Институтот за јавно здравје Жером Соломон.Тој на прес-конференција изјави дека 39 лица биле на интензивна нега.

Бројот на заразени со вирусот во Австрија се зголеми и достигна 55 докажани случаи ова попладне.Повеќето од пациентите се регистрирани во провинциите околу Виена и Долна Австрија, со 23 и 15, тестирани позитивно за Ковид-19.

Досега се извршени 498 тестови за корона вирусот во Словенија и потврдени се вкупно седум случаи на инфекција, тврдат словенечките здравствени власти.Сите заразени се откриени во последните два дена, а последните два случаи се пријавени од вработените во Универзитетскиот клинички центар во Марибор (УКЦ), каде е извршено дополнително тестирање на работниците, дезинфекција на просториите и откажани се неитни активности.

Пет лица со коронавирус во Москва се во критична состојба, додека состојбата на пациент од Нижни Новгород е задоволителна, соопштија руските власти.

Американскиот претседател Доналд Трамп денес потпиша предлог-закон за издвојување 8,3 милијарди долари за борба против коронавирусот.Парите ќе бидат наменети за федералните здравствени услуги за набавка на вакцини, тестови и медицински материјали, како и за да им помогнат на сојузните држави и локалните власти спремно да се соочат со ширење на коронавирусот, објави АП.

Уште две лица починале од вирусот во Франција, соопшти Министерството за здравство на земјата, со зголемување на бројот на починати на девет, со потврден број на загинати од 154 вчера на денешни 577.

Првиот случај на лице заразено со новиот коронавирус е пријавено во Перу, потврди претседателот Мартин Вискара.Пациентот е 20-годишен маж кој престојувал во Шпанија, Франција и Чешка, рече Вискара, додавајќи дека новооткриениот случај претставува почеток на понатамошно ширење на епидемијата во Јужна Америка.

Министерството за здравство на Египет соопшти дека 12 патници на крузер на реката Нил се позитивни на коронавирусот.Бродот се движел од Луксор на југот на земјата кон Асуан на север, соопшти денеска државната телевизија.

Властите во кинеската провинција Хубеи не објавија нови случаи на заболување од коронавирус во последните 24 часа, не сметајќи го градот Вухан.Вчера во Вухан се регистрирани 126 нови случаи, но нема нови инфекции во остатокот од покраината, се вели во соопштението на Националната здравствена комисија.

Австралија го затвори првото училиште поради епидемија на коронавирус, откако беше откриено дека 16-годишен ученик е коронавирус позитивен.Австралија досега регистрира 60 случаи на коронавирус, при што две постари лица починаа како резултат на заразата.

Хрватска го потврди 11-тиот случај на заболен со коронавирус.Според Хина, станува збор за член на семејство на заразен маж од Вараждин.

Меѓународниот економски форум во Санкт Петербург, закажан да се одржи од 3-6 јуни во градот, е откажан поради епидемијата на коронавирус, изјави претседателот на организациониот комитет Андреј Белошов.Белошов рече, обраќајќи им се на новинарите, дека одлуката е донесена заради претходната одлука на Светската здравствена организација да прогласи вонредна состојба со меѓународно значење заради епидемијата на коронавирус и заради информациите за нејзиното ширење во земји чии претставници ќе учествуваат на форумот.

Во Словенија се пријавени вкупно шест случаи на инфекција со коронавирус.Синоќа во земјава се пријавени три нови случаи, потврдени од инфектолози и претставници на Министерството за здравство, така што бројот на заразени се искачи на шест.

Во САД бројот на загинати од корона вирус се зголеми на 12 откако Кинг Каунти во државата Вашингтон објави нова жртва.

Од 12 починати, 11 се од државата Вашингтон и еден е од Калифорнија, пренесува Ројтерс.

Македонија

Мицкоски: Очекувам ДУИ да прави изборни нерегуларности, истураат многу кеш во предизборието

Ако ме прашувате за изборните нерегуларности кои што беа случај во првиот изборен круг, а за кои причина беше Демократската унија за интеграција, јас очекувам такво нешто да се случи и во вториот круг. 

Ние до претставниците на меѓународната заедница, до ОБСЕ и ОДИХР доставивме список на избирачки места каде што во определен временски интервал, гласањето е во просек помалку од една минута, што наведува на тоа дека таму имаме бројни нерегуларности. Односно, да бидам попрецизен, полнење на кутии и на тие избирачки места, чудно но вистинито, фингер принт, односно терминалите за отчитување на отисок од прстот, не работеле во тој период, рече претседателот на ВМРО-ДПМНЕ, Христијан Мицкоски запрашан дали очекува ДУИ повторно во вториот круг претседателски и прв парламентарни избори да прави изборни нерегуларности.

Додаде дека очекува нешто слично да се случува и во вториот круг, но и дека ВМРО-ДПМНЕ е подготвено и дека за тоа е информирано и министерството за внатрешни работи со цел на определените избирачки места да го зголеми бројот на безбедносните сили.

„Го информирав и министерството за внатрешни работи да ги засили своите сили таму, припадниците на МВР да вршат мониторинг на процесот на гласање во тие избирачки места. Генерално станува збор за избирачки места во скопски Сарај, Липково, Арачиново и така натаму. Треба македонската јавност и граѓаните на Македонија, дека ДУИ преку своите политики не ги освојува гласачите, туку таа буквално, под притисок и со мерки и средства кои што се недозволени во демократијата, ги добива гласовите. Така што, слободно можете оној резултат од првиот круг на Европеецот Османи да го поделите со два и ќе ја добиете реалната поддршка на Демократската унија за интеграција која што повеќе од 20 години на два начина добива гласови. Најпрвин со епската манипулација и повикување на 2001, а паралелно со тоа местење тендери и втората е преку притисок, закани, уцени и поткуп“, рече Мицкоски.

Мицкоски упати и повик до меѓународната заедница будно да го следи процесот и да не го факторизираат криминалот на ДУИ кои што истураат огромни количини на кеш пари, кои сакаат да бидат дел од власта за на исти начин да ги наплатат и повторно ги вратат тие количини на кеш.

„Тука ја повикувам и меѓународната заедница да не го факторизира криминалот на ДУИ, бидејќи тие сега истураат огромни количини кеш, ги знаеме и менувачниците каде се истураат тие огромни количини кеш, а потоа на тој начин сакаат да бидат дел од владата за да се наплатат и повторно ги вратат тие количини на кеш. Така што, уште еднаш апелирам и до меѓународната заедница будно да го следи процесот, бидејќи ова што се случува изминативе денови и ова што очекуваме да се случува во следниве денови, ги поминува, би рекол, условите во определени места да одржување избори во многу по неискусни демократии од македонската. И навистина ова што се случува е катастрофално за демократијата, во определени средини. Можам да кажам дека високи функционери, дури и членови на владата го прават ова придружувани од припадници на министерството за внатрешни работи кои што се легитимираат кога ќе бидат фатени еклатантно, односно во процесот кога се случуваат овие притисоци и поткупи“, истакна Мицкоски, се наведува во партиското соопштение.

Македонија

Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје.

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата смрт, соопштуваат од неговиот Кабинет.

Македонија

Нова Алтернатива: За нас единствена опција е да имаме системски силна и економски јака држава

Нова Алтернатива со нови луѓе и нова енергија за прв пат самостојно настапува на овие парламентарни избори со бројот 9. 

Во изминатите две години покажавме дека и покрај сите напади, безкомпромисно се бориме против секој што работи спротивно на интересот на граѓаните и државата.

Затоа неопходно е да се стави крај на оние кои пред избори ветуваат економски просперитет, подобар животен стандард и повисоки пензии и плати, а по избори единствен проект им е измена на Уставот и промена на името, а спротивно на желбите и интересот на сите нас кои живееме во Македонија.

Истото се случува и сега, едните отворено кажуваат дека ќе го сменат Уставот повторно, а другите срамежливо велат дека не се против измени во Устав но тоа да имало одложена примена по влезот на Македонија во Европската Унија.

Ниe од Нова Алтернатива јасно и категорично кажуваме НЕ, нема да прифатиме ниту да гласаме за промена на Уставот. Ставот е дециден, нема никогаш да поддржиме асиметричен договор каде Македонија е потценета страна, тоа не смее никогаш да се прифати.

Нашиот став е непроменлив, за разлика од тоа што можете да видите кај голем дел од политичарите кои секојдневно ги менуваат нивните изјави во јавноста согласно потребите, за да се додворат кон меѓународната заедница или кон своите потенцијални коалициски партнери.

За нас единствена опција е да имаме системски силна и економски јака држава. Кај нас континуирано луѓето се наоѓаат во една траорна состојба затоа што се на раб на сиромаштијата, состојба која корумпираните политичари ја искористуваат со својата реторика единствено во избори.

Затоа на овие избори одберете го бројот 9 и гласајте за Нова Алтернатива, за луѓе кои секогаш ќе се спротивстават на неправдите и ќе работат за подобар живот во Македонија.

Нова енергија, нови луѓе, Нова Алтернатива.

Политичка партија Нова Алтернатива

притисни ентер