Свет

Министрите од ЕУ му се заканија на Ердоган: Нема да дозволиме уцени

Европската унија нема да дозволи да биде уценувана и ја повикува Турција да се придржува кон договорот за запирање на мигрантите, изјавија европските министри за надворешни работи од самитот во Загреб.

На вонредната министерска средба, ЕУ се обидува да се согласи за заеднички одговор на кризата што се закани со нов мигрантски бран кон Европа.

Шефовите на европската дипломатија ја поддржаа Грција пред состанокот, преземајќи ги сите неопходни чекори за заштита на надворешните граници на Унијата и го поздравија примирјето што вчера го постигнаа Русија и Турција.

Тие најавија дека ќе ја разгледаат иницијатива за создавање безбедна зона во северна Сирија и дополнителна финансиска помош за Анкара.

„Турција носи голем товар на грижата за бегалците, но во исто време е неприфатливо мигрантите да бидат средство за притисок“, изјави пред новинарите високиот претставник за заедничка надворешна и безбедносна политика, Џозеп Борел.

Европејците тврдат дека мигрантите кои со години биле сместени во Турција се движат кон грчката граница, а не оние што бегаат од насилството во Идлиб.

„Ова е јасен доказ дека ова движење е создадено и организирано од страна на Турција. ЕУ нема да дозволи инструментализација на човечките страдања“, истакна грчкиот министер за надворешни работи, Никос Дендијас.

Потврдувајќи ја заслугата на Турција во запирањето на мигрантскиот бран од 2015 година, хрватското претседателство со ЕУ ја повика Анкара да се врати на одредбите на договорот од 2016 година.

„Ова е она што го сакаме, верувам дека е единственото решение да не се повтори ситуацијата од пред четири и пол години“, рече хрватскиот премиер Андреј Пленковиќ.

Тој верува дека мигрантите кои пристигнале на грчката граница последниве денови треба да бидат вратени во Турција. „Сметаме дека ова е најсоодветно. Не станува збор за луѓе кои дошле заради сегашната состојба во Идлиб, туку за луѓе кои се наоѓаат во Турција веќе неколку години“, вели Пленковиќ.

Земјите-членки покажаа солидарност со Грција и ја поддржуваат да ги преземе сите неопходни мерки за одбрана на надворешната граница на ЕУ.

„Ние сме против насилството и за хуманитарен пристап. Веруваме дека има доволно мерки што може да се применат, а не нужно гумени куршуми“, рече Пленковиќ.

Шефот на холандската дипломатија смета дека треба да се земе предвид достоинството на мигрантите при заштитата на границата. „Јас не сум таму, на лице место, но сите треба да се третираат со почит“, рече Штеф Блок.

Регион

Вучиќ: Да живее челичното пријателство на Србија и Кина

Српскиот и кинескиот претседател Александар Вучиќ и Си Џинпинг пред почеток на официјалните разговори ги поздравија и им се обратија на повеќето илјади граѓани кои присуствуваа на церемонијата на пречекот

Српскиот и кинескиот претседател Александар Вучиќ и Си Џинпинг пред почеток на официјалните разговори ги поздравија и им се обратија на повеќето илјади граѓани кои присуствуваа на церемонијата на пречекот, при што Вучиќ порача „да живее челичното пријателство на Србија и НР Кина“, јави дописникот на МИА од Белград.

Тој во обраќањето кажа дека денес се пишува историја и дека за неколку години сите ќе се сеќаваат на овој ден и ќе знаат дека на овој ден е напишана иднината.

Како што имаме јасни ставови за кинескиот интегритет, дека Тајван е Кина, така и тие ја поддржуваат територијата на Србија без никаква резерва. Беа со нас во најтешките моменти, беа со нас и пред 25 години кога оваа земја беше рушена и бомбардирана, заедно со нас платија висока цена, и изгубија луѓе на денешен ден“, рече Вучиќ.

Тој се заблагодари на претседателот Си затоа што, како што рече, се што е изградено во Белград е „благодарение на посилната економија, поддршката за Железарата, рудникот во Бор, приватните инвестиции“.

„Можеме и мораме да направиме уште многу заедно, само небото е граница“, рече Вучиќ.

Македонија

Излезноста во Охрид и Дебрца до 11 часот изнесува 14 проценти

Излезноста во Охрид и Дебрца до 11 часот изнесува 14 проценти, избирачкиот процесот се одвива непречено.

Излезноста на Претседателските избори во Охрид до 11 часот е 14,59 отсто, додека на Парламентарните избори досега гласале 14,62 проценти од избирачите.

Според ОИК, гласањето се одвива непречено и без какви било проблеми.

На избирачките места на територијата на Општина Дебрца до 11 часот излегле 14 отсто од лицата со право на глас.

И во Дебрца нема никакви проблеми и изборниот процес се одвива непречено.

Во главниот избирачки список за денешните Парламентарни избори во Охрид се запишани 51.865 додека за вториот круг од Претседателските 51.717 избирачи.

Според главниот избирачки список, за Парламентарните избори во Дебрца е запишан 4.001 избирач, додека за вториот круг од Претседателските избори 4.009.

Шоу биз

Обезбедувач на Дрејк повреден во пукање од автомобил

 Имотот на Дрејк во Торонто, Канада, вчера бил цел на вооружен напад од автомобил. Канадскиот музичар е на безбедно и соработува со полициската истрага којашто сè уште не го открила мотивот.

Полицијата во Торонто во објава на „X“, соопшти дека по пукотниците во градскиот кварт Бридл Пет, еден маж е со „сериозни повреди“ и е пренесен во блиската болница. Се работи за лице од обезбедувањето на вилата.

- Тој стоел пред портите пред резиденцијата кога се случило пукањето. Засега нема познат мотив за пукањето од автомобил. Видеоснимката од безбедносните камери околу куќата на Дрејк се обезбедени и се чини дека пукањето е снимено. Имаме поединци кои очигледно го извршиле пукањето, и се гледаат во возилото. Засега немам опис на возилото или на осомничените. Повторно ќе речам, истрагата е во многу рана фаза, изјави претстаникот на полицијата.

Инаку, периодов се пишуваше за караницата меѓу Дрејк и неговиот колега-рапер Кендрик Ламар. Американецот ги турка своите наводи дека Канаѓанецот, наводно, е сексуален напасник и тоа ја прави кавгата сѐ пожестока. Полицијата сѐ уште не потврдува можна поврзаност.

притисни ентер