Фото:Французите повторно имаат луксузна лимузина во Европа

Премиум марката „DS“ која е во сопственост на компанијата Пежи- Цитроен, го претстави новиот луксузен седан на европскиот пазар.

Моделот „DS 9“ поставен е на „PSA“ механичката платформа „EMP2“ со преден погон, која на пример ја користи и Пежо 508.

Кинеската варијанта од „DS 9“ дебитираше минатата година а сега е претставена и верзија која ќе се продава во Европа.

Автомобилот е механички базиран на Пежо „508 L“ со продолжено меѓуосовинско растојание, кој исто така се продава во Кина.

„DS9“ во почетокот ќе биде достапен со хибриден погонски систем кој се состои од бензински мотор и електромотор со вкупна комбинирана сила од 225 коњски сили.

Батеријата со капацитет од 11,9 kWh му обезбедува автономија во возење на струја помеѓу 40 и 50 км, додека брзината во електричниот режим е ограничена на 135 км/ч.

Подоцна понудата на моторите ќе биде проширена со две бензински опции, верзија со 250 коњски сили со преден погон и топ модел со 360 коњски сили и погон на сите 4 тркала.

Првото појавување на „DS 9“ пред публиката ќе се случи на претстојниот саем за автомобили во Женева а продажбата на европскиот пазар започнува во втората половина на 2020. Цените не се соопштени.

притисни ентер