Свет

,,Тој е диктатор” – Демократите завршија со воведните зборови на судењето против Трамп

Демократите вчера ги затворија своите воведни забелешки на судењето на американскиот претседател пред Сенатот, предупредувајќи дека Доналд Трамп е закана за демократијата и повторно ќе ја злоупотреби власта ако остане на функција.

На третиот и последен ден од изјавите на обвинителите, демократите се обидоа да ги зацврстат обвиненијата , во кои се тврди дека републиканскиот претседател ја злоупотребил својата позиција вршејќи притисок врз Киев да го испита неговиот најверојатен противник на следните претседателски избори во САД, Џо Бајден, поранешен потпретседател на Соединетите држави, а потоа ја опструирал конгресната истрага за случајот со криење докази.

Демократите бараат повлекување на американскиот претседател.

„Ако се исполнат критериумите за заслужено отповикување, како што докажавме, не е важно дали ви се допаѓа. Не е важно ниту ако не го сакате“, рече претставникот Адам Шиф, кој ја заврши својата изјава на третиот ваков процес на отповикување во историјата на САД.

"Она што е важно е дали тој претставува закана за земјата - затоа што тој повторно ќе го стори истото. И никој од нас не може да биде сигурен, врз основа на тоа што досега го знаеме, дека нема да го стори тоа повторно ", рече Шиф .

Трамп ги негираше обвинувањата и целиот процес на отповикување го опишува како измама.

Неговиот правен тим денеска ќе започне воведните излагања и ќе има вкупно 24 часа на располагање во текот на три дена, исто како и обвинителите.

Претставничкиот дом, каде демократите имаат мнозинство, минатиот месец изгласаа две обвиненија, кои потоа беа донесени на судење во Сенатот во кој републиканците имаат мнозинство.

Демократот Хакем Џефрис, еден од демократите што ја игра улогата на обвинител на судењето, рече дека Трамп ги „влече конците“ во процесот на убедување на Украина да се меша во претседателските избори во САД во 2020 година и дека другите во Белата куќа му помагале да се обиде да ги скрие доказите за неговото однесување.

„Претседателот Трамп се обиде да измами, беше фатен и потоа се обиде да ја прикрие измамата.“, рече Џефрис, додавајќи дека во Белата куќа има „токсичен хаос“ што мора да се расчисти во интерес на американскиот народ.

Демократите го обвинија Трамп дека извршил притисок врз украинскиот претседател Владимир Зеленски во телефонски повик на 25 јули за да го испита Бајден и неговиот син Хантер, кој бил член на одборот на украинската енергетска фирма „Буризм“. Тие велат дека Трамп привремено ја одложил исплатата на 391 милиони американски долари воена помош на САД за Украина, како начин да изврши притисок за да му се исполнат неговите желби.

Свет

Работник бил прободен со шипка од 90 сантиметри- мислеле дека загинал, но се случило чудо

Градежен работник од Бразил имал неверојатна среќа што преживеал страшна несреќа откако се лизнал на скеле од пет метри.

Тој паднал директно на метална прачка долга 90 сантиметри, која го прободела од задникот до градите, ги прободела стомакот, црниот дроб и градите.

Несреќниот 57-годишник итно бил префрлен во болница во градот Куритиба, каде лекарите направиле рендген и сфатиле дека шипката допира до дијафрагмата, пишува Дејли Стар.

За среќа го промашила срцето, но неговата состојба била сериозна и морале брзо да делуваат. Хирурзите опишале како го спасиле, а операцијата започнала со стернотомија (сечење на градната коска).

Потоа го отстраниле оштетеното ткиво и ги санирале внатрешните повреди, по што му била извршена трансфузија на крв.

По неколку дена, пациентот можел да стане и да јаде, а неколку недели подоцна бил пуштен на домашно лекување.

Пред тоа, лекарите забележале големо ткиво со лузна на дел од уретрата, но не е јасно дали било преземено нешто во врска со тоа.

Медицинските експерти велат дека вакви несреќи се ретки, а најчесто се случуваат во градежништвото. Голем процент од нив се фатални, или подоцна доведуваат до компликации.

Живот

Спелеолог се борел 27 часа за воздух, заглавен во теснец, над 1.000 спасувачи не му помогнале

Пештерата Nutti Putti, во американската сојузна држава Јута, е озлогласена во спелеолошката заедница, но отсекогаш привлекувала авантуристи.

На крајот на 2009 година станала позната низ целиот свет по несреќата на истражувачот Џон Едвард Џонс. Неговата смрт е опишана како „најлошата што може да се замисли“.

Џон и неговите роднини решиле да ја истражат пештерата што се наоѓа југозападно од езерото Јута и на околу 50 километри од Солт Лејк Сити.

Експертите подоцна рекле дека тој практично се „закопал жив“, бидејќи решил да ги истражи тесните премини, каде што претходно се организирале спасувачки операции.

И покрај ризикот, Џон се заглавил во исклучително тесен премин што имал остар свиок на крајот. За жал, тој погрешил во немапираниот дел, каде што се заглавил.

Несреќниот човек се нашол во пукнатина широка меѓу 25 и 45 сантиметри, заглавен со главата надолу и тогаш почнува неговиот пекол, пренесува LadBible.

Не можел да се сврти, едната рака му била над главата, а другата покрај телото.

Роднините излегле надвор и повикале помош, а волонтерката Сузи Мотола подоцна изјавила дека Џон бил расположен и покрај незавидната ситуација.

„Тој ми рече: „Здраво Сузи, благодарам што дојде. Навистина сакам да излезам надвор“.

Меѓутоа, како минувале часовите, Џон го обзеде паника. Потоа рече:

„Овде ќе умрам. Не излегувам одовде, нели?“.

Повеќе од 1.000 спасувачи се обиделе да го извлечат несреќниот човек, користејќи јажиња, но напорите не вродиле со плод. Еден од нив му пришол на Џон и го прашал како се чувствува:

"Ужасно. Не ми се верува дека сум наопаку. Нозете ме убиваат“, одговорил веќе исцрпено.

По 27 часа исцрпувачка борба за воздух, Џон почнал да губи сила. Спасувачите го слушнале како плитко дише, но не можеле да му помогнат.

На крајот бил прогласен за мртов на 25 ноември, откако срцето му застанало.

Надлежните сметале дека е премногу опасно да се обидат да го извлечат безживотното тело, па одлучено е да се бетонира влезот во пештерата.

Пештерата Нути Пути станала гробница на Џон Едвард Џонс, а неговата трагедија служи како предупредување за сите спелеолози во светот.

Свет

Тела на четворица Украинци се извлечени од водите на реката Тиса на границата со Романија

Во изминатите неколку дена од реката Тиса на границата на Украина со Романија се извлечени тела на четири удавени лица, од кои најмладиот имал само 20 години, соопшти Државната гранична служба на Украина.

„Во соработка со колегите од МВР, граничарите добиле информација дека се пронајдени телата на двајца мажи, од кои едниот имал само 20 години“, соопштија од граничната служба.

Еден од удавените го пронашол локален рибар. На местото на настанот биле повикани спасувачи и полиција.

Претходно, на брегот на Тиса било пронајдено уште едно тело на маж.

„Средовечен маж почина со знаци на долготрајна изложеност на вода. Романските граничари го открија телото на нивната страна од границата, а во тек е идентификација на удавениот“, соопшти Државната гранична служба.

Претходниот ден локалните медиуми објавија дека се пронајдени телата на шест удавени лица, а судејќи по состојбата на некои од нив, тие долго време поминале во планинската река.

Во март, украинската гранична служба ја објави 22-та смрт од давење во реката Тиса од почетокот на конфликтот во февруари 2022 година, а десет мртви биле извлечени од Тиса минатата година.

Според официјалните податоци, минатата година 5.400 Украинци илегално ја преминале романската граница во обид да избегнат воен рок, а наводно околу 2.000 од нив успеале да ја препливаат Тиса.

притисни ентер