Беровско Ратево подготвено за 12 издание на карневалот ,,Ратевски Бамбурци"

Традицијата стара 600 години наречена ,,Ратевски Бамбурци” и оваа година продолжува во беровското село Ратево. 

Таканаречените ,,Бамбурци” се група луѓе кои се маскираат во кожи кои достигнуваат тежина и до 70 килограми и се главни носители на карневалот на кој годинава, како што информираат организаторите се очекува да настапат над 300 маски од Македонија и Бугарија.

– Подготовките за овогодишниот карневал се при крај, така што во понеделник на 20 јануари 2020 година, кога христијаните го чествуваат ,,Св. Јован Крстител”, Ратево уште еднаш ќе биде домаќин на старата беровска традиција. Според она што ни го кажувале нашите предци станува збор за традиција стара 600 години, која настанала кога поради појава на болест, тогашните жители на Ратево со маски ги бркале лошите духови и болеста од селото. Традицијата еве и денеска по шест века и по 12 пат како карневал ќе се одржи во Ратево, велат организаторите.

Главното случување на настанот како што дополнија започнува во 10 часот кога сите учесници ќе продефилираат пред присутната публика која се очекува во бројка од 3000 посетители.

– Учесниците со својата маска, поединечна или групна имаат можност околу 5-10 минути да се претстават пред публиката и жири комисијата, по што околу 13 часот имаме одлука која маска е првонаградена на 12-тото издание на карневалот. Обезбедени се награди за трите најдобри маски како и благодарници за сите учесници, додаваат организаторите.

Локалниот обичај поврзани со Ратевските Бамбурци започнува рано наутро на 20 јануари на денот посветен на ,,Св. Јован Крстител” и има една цел, со танцот на Бамбурците да се избрка злото од Малешевијата. /МИА

Четворицата пратеници на БЕСА од денеска независни, но остануваат во коалицијата „Можеме"

Пратениците од БЕСА кои во Собранието влегоа преку листите на СДСМ денеска преку допис го известиле собранискиот претседател Талат Џафери дека дека ќе дејствуваат во рамки на коалицијата „Можеме" со СДСМ, но како независни.

Тие, како што потврдуваат од Кабинетот на Џафери за МИА, го информирале претседателот на Собранието, дека со ова нема да се промени ништо во функционирањето на Коалицијата, туку само сакаат да се водат како независни пратеници од партијата БЕСА.

БЕСА, бидејќи има само четворица пратеници, не може да формира пратеничка група и затоа овие пратеници ќе се водат како независни.

Минатата недела до собранискиот спикер Талат Џафери стигнаа известувања за формирање четири пратенички групи и тоа на коалицијата „Можеме" предводена од СДСМ и Беса, од ДУИ, од коалицијата „Обнова за Македонија" предводена од ВМРО ДПМНЕ и од коалицијата Алијанса и Алтернатива за Албанците.

За да се формира пратеничка група според собранискиот деловник потребни се најмалку пет пратеници. Координаторите на пратеничките групи учествуваат на состаноците кај собранискииот спикер за текот на седниците и точките на дневен ред./МИА

Наместо карго аеродром во Штип - инфраструктурни проекти

Водовод, канализации, градинки, училишта...

Се само дел од проектите кои ќе се градат со парите, со кои тав македонија, требаши да гради карго аеродром во Штип. Станува збор за скоро 50 милиони евра, а за овие средства веќе аплицирале општини од земјава, изјавија министерот за економија Крешник Бектеши и генералниот директор на ТАВ Македонија Алпер Ерсој.

Општина Кисела Вода не се откажува од намерата да се донесе урабистичкиот план за Расадник

Општина Кисела Вода не се откажува од намерата да се донесе урабистичкиот план за Расадник кој предвидува изградаба на стотина згради.

Велат дека сега се разгледуваат забелешките од граѓаните кои во најголем дел се однесуваат на габаритот на градбите и недостатокот на зеленило, но и на сопствениците на парцелите, за кои општината има разбирање.

-Тие инсистираат на што поскоро донесување на овој ДУП, бидејќи со години на назад плаќаат данок за земјиште кое не можат да го користат. Го разбираме нивното незадоволство и токму затоа се надеваме дека ДУП-от ќе го донесеме што поскоро со што и овој нивен проблем ќе биде надминат - велат од Општината..

Според процедурата, откако комисијата за урбанизам ќе го дефинира планот, ќе испрати до Град Скопје, а последниот филтер ќе биде Министерството за транспорт и врски..

Градоначалникот Шилеговвели дека вложиле максимални напориколку што може да се намали површината на идниот комплекс.

„Според првичната проекција таму беа предвидени 400.000 метри квадратни станбена површина за таканаречен развој, па ние тоа сериозно го спуштивме по консултации со секторот за урбанизам во Град Скопје, но за жал заради решенијата во ГУП-от од 2012 не сме во можност целосно да го редуцираме.“вели Петре Шилегов градоначалник на Град Скопје.

Шилегов, министерот за транспорт Бочварски и директорот на агенцијата за просторно планирање Апостолски ставија потпис на три и пол годишен договор за кроење нов ГУП. Појдовните темели ќе бидатхуманопланско градење со повеќе зеленило.

Приоритет ќе добие северот на Скопје бидејќи, според властите, бил премногу запоставен па на негова сметка неконтролирано се ширел југот на градот.

притисни ентер