Македонија

СДСМ: 300 кривични пријави против кадри на ВМРО-ДПМНЕ на локално ниво мора да добијат правен епилог

Од овие 300, досега се процесирани 129 кривични пред надлежни судови.

Откако се случија демократските промени на локално ниво, до денес за 2,5 години од страна на градоначалници, општини и други надлежни институции поднесени се речиси 300 кривични пријави против поранешни градоначалници, претседавачи на совети и раководители на локално ниво, кадри на режимската ВМРО-ДПМНЕ.

Од овие 300, досега се процесирани 129 кривични пред надлежни судови.

Но многу од овие слуачи се чуваат заглавени во судско-обвинителските лавиринти од страна на остатоците од заробената држава во судството.

Структурите од сваровски судството ја опструираат правдата на секое ниво.

Тоа е уште една потврда дека е потребно прочистување и сеопфатни реформи во правосудството.

Истовремено, покажува дека нема разлика помеѓу ВМРО-ДПМНЕ на Никола Груевски и ВМРО-ДПМНЕ на Христијан Мицкоски.

Процесите мора да добијат правен епилог, правдата мора да биде задоволена, а секој оној за кој ќе се докаже дека сторил криминал, да одговара.

Бројот на поднесени и процесирани кривични пријави покажува дека ништо не е сменето во ВМРО-ДПМНЕ. Таму се уште е присутна криминалната матрица.

Затоа за опозицијата главен приоритет и натаму е одбрана на криминалот од нивното 11 годишно уништување на државата.

Затоа, граѓаните на 12 април ќе им испорачаат нов пораз на Мицкоски и ВМРО-ДПМНЕ и јасно ќе порачаат дека враќање на режимот нема да има!

Центар за комуникации со јавност на СДСМ

Свет

Столтенберг: Кина мора да престане да ја поддржува Русија, ако сака добри односи со Западот

„Кина мора да престане да ја поддржува Русија и нејзината војна во Украина ако сака да има добри односи со Западот“, предупреди Јенс Столтенберт, генерален секретар на НАТО.

Како што пренесува порталот „Укринформ“, Столтенберг тврди дека Кина на Русија ѝ дава електроника и технологија за производство на ракети, дронови и други видови оружје.

Генералниот секретар на НАТО зборуваше во Брисел по повод дискусијата за иднината на алијансата на Самитот на младите:

„Војната во Украина покажа дека безбедноста не е регионално, туку глобално прашање. Главната земја што ѝ помага на Русија да ја продолжи својата агресија и војна против Украина во Европа е Кина. Тие се убедливо најголемиот трговски партнер на Русија. Кина ѝ дава на Русија со клучни компоненти за нејзиното оружје, микроелектрониката и напредна технологија што ѝ овозможува на Русија да произведува ракети, беспилотни летала и разни други оружја, што е клучно во војната против Украина“, рече Столтенберг.

Тој истакна дека покрај Кина, клучни партнери на Русија кои ѝ овозможуваат војна се Северна Кореја, која обезбедува муниција и оружје, и Иран, кој ја снабдува Русија со беспилотни летала:

„Затоа идејата дека можеме да ја одвоиме Азија од Европа повеќе не функционира. Ова е меѓусебно поврзано, а ние, се разбира, треба да се справиме со безбедносните предизвици што Кина ги претставува за нашата безбедност“, додаде Столтенберг.

Според него, НАТО има околу 40 партнерски земји ширум светот, додека четири од нив - Јапонија, Јужна Кореја, Австралија и Нов Зеланд - се наоѓаат во индо-пацифичкиот регион. Според генералниот секретар, ова партнерство е од особено значење за НАТО.

Столтенберг нагласи дека Алијансата била и ќе остане регионален одбранбен сојуз на Северна Америка и Европа, а членот за колективна одбрана ќе се однесува на заштитата на сојузниците во Европа и Северна Америка. Во исто време, целата оваа северноатлантска област се соочува со глобални закани - во сајбер, вселенски и други домени.

„Не се работи за преместување на НАТО во Индо-Пацификот, туку за Кина и глобалните закани што ни се отвораат. Ја гледаме Кина во сајбер просторот, ги гледаме во Африка, ги гледаме на Арктикот, ги гледаме како се обидуваат да ја контролираат критичната инфраструктура во нашите земји. Значи, сето тоа е важно за нашата безбедност на многу начини“, заклучил Столтенберг.

Тенис

Американски невролог со загрижувачка изјава за Ѓоковиќ: Беше погоден во витален дел од главата

Некои го напаѓаат, други го бранат и двете страни тврдат дека се во право, но факт е дека Новак Ѓоковиќ не е истиот откако му падна металното шише на глава во Рим.

На прв поглед, сè изгледаше безопасно, но познатиот американски невролог, д-р Шон Мулен, истакнува дека тоа шише исто така можело да влијае на Ѓоковиќ.

Мулен работи на Универзитетот во Илиноис и на социјалните мрежи објави:

- Неодамна го анализирав инцидентот со тениската ѕвезда Новак Ѓоковиќ кој случајно беше погоден во главата од нешто што изгледаше како делумно полно метално шише со вода. За да го разберам физичкиот удар, користев вештачка интелигенција за да ја пресметам силата на шишето што удри во главата на Новак. Пресметките сугерираат дека шишето кое паднало од два метри со минимална почетна сила, удрило со сила од околу 79,2 Њутни, што е како куче со средна големина да скокне врз вас - рече споменатиот невролог и додаде.

- Уште поважно, од невролошка перспектива, ваквиот удар на предниот париетален лобус може да биде многу загрижувачки. Оваа област на мозокот е клучна за функциите поврзани со координацијата на движењето и обработката на сетилните информации. Почетните симптоми може да варираат од главоболки и гадење до големи когнитивни нарушувања како што се тешкотии со концентрирање и запомнување стратегија и игра. За спортист како Ѓоковиќ, чиј стил на игра се заснова на прецизност, издржливост и стратешко размислување, дури и најмалата штета може да влијае на перформансите.

Мален продолжи да објаснува.

- Во првите 24 до 48 часа по ваков инцидент, најважно е да се следат знаците на потрес на мозокот или други невролошки нарушувања. Овие симптоми може потенцијално да влијаат на неговите перформанси на тековните турнири, времето на реакција и одлучувањето под притисок. Затоа, неопходно е медицинските работници да направат проценка за да се осигураат дека нема сериозна повреда и безбедно да го упатат назад на теренот.“

Свет

„Мува“ е прекарот на нарко босот, поради кого е нападнат полициски конвој во Франција (ВИДЕО)

Затвореникот Мохамед А., познат како „Мува“, наводно побегнал откако вооружена група нападнала полициски конвој во Франција.

Во нападот загинаа најмалку двајца затворски чувари.

Мохамед (30) бил осуден за тешка кражба, а претходно бил обвинет и за обид за убиство, јавуваат француските медиуми.

Полициски извори наведуваат дека тој бил шеф на наркомафија.

Според првите информации, „Мува“ избегала со четворица напаѓачи со „ауди“ кое полицијата го пронашла запалено на неколку километри подалеку.

Нападот се случил додека „Мува“ во конвој бил вратен во затвор од Обвинителството каде бил на распит.

притисни ентер