Анкета на МЦМС и Институт за демократија: Најголема доверба граѓаните имаат во СДСМ и Зоран Заев

Актуелната партија на власт СДСМ има  водство од 1,7 проценти пред опозициската ВМРО-ДПМНЕ, покажува анкетата направена од Институтот за демократија и МЦМС. 

Доколку утре би се одржале изборите, СДСМ би освоила 22,1% од гласовите, а ВМРО-ДПМНЕ 20,4%. Трета е ДУИ со 6,6%. Со рејтинг од 1 до 3 проценти се појавуваат уште и Алијансата на Албанците, Левица и Беса на Касами.

Анкетата прави и поделба по региони, а според истражувањето владејачката СДСМ најголема поддршка има во Југоисточниот и источниот регион, додека опозициската ВМРО-ДПМНЕ најдобар рејтинг има во Југозападниот и Вардарскиот регион, ДУИ во Полошкиот. За останатите региони нема податоци.

Според истражувањето, и двете најголеми партии имаат пад на рејтинзите, споредбено со ноември минатата година. Незадоволството од двете главни партии го потврдува и податокот дека половина од испитаници рекле дека има потреба од нова партија.

Во истражувањето, мерен бил и личниот рејтинг на политичарите.. Прв е Заев со 16,5, а веднаш зад него е Христијан Мицкоски со 14,2. Трет е Али Ахмети со 6,9 проценти, а на четврто место е претседателот Пендаровски со 4,2%. На листата со рејтинг од околу 2 % се појавуваат уште и Никола Димитров и Зијадин Села.

Муцунски:Во сложениот геополитички контекст во Европа мораме да бидеме одговорна членка на НАТО

Дводневната работна посета на Брисел, Муцунски ја продолжува и со средби со претставници на Европската унија.

Како членка на НАТО мораме да бидеме одговорна земја посебно во период на навистина сложен геополитички контекст на континентот на којшто ние живееме, изјави дека во Брисел министерот за надворешни работи Тимчо Муцунски по средбата со генералниот секретар на алијансата, Јенс Столтенберг во седиштето на НАТО.

Дводневната работна посета на Брисел, Муцунски ја продолжува и со средби со претставници на Европската унија.

Роналдо и Георгин купиле земјиште на остров во форма на морски коњ во Дубаи за 25 милиони евра

Роналдо и Георгина купиле земјиште на остров во форма на морски коњ во Дубаи за 25 милиони евра, двојката таму ќе изгради замок

Кристијано Роналдо купил земјиште на остров во Дубаи за 25 милиони евра.

Португалскиот напаѓач заедно со партнерката Георгина Родригез станаа сопственици на дел од „Џумеира Беј“ во Дубаи. Ова е вештачки остров во форма на морски коњ, поврзан со Дубаи со мост од 300 метри.

Парот планира таму да изгради замок за себе и за своите пет деца. Работата треба да заврши до крајот на годинава.

Сега 39-годишниот напаѓач на Ал-Наср, Роналдо игра за Португалија на Евро 2024 година.

Софија: Повторното преговарање само дополнително ќе го одалечи Скопје од почеток на преговорите

Повторното преговарање за веќе преземените меѓународни обврски само дополнително ќе го одалечи Скопје од почеток на преговорите со ЕУ.

Бугарското Министерство за надворешни работи денеска со соопштение реагира на изјавата македонскиот премиер Христјан Мицкоски дека доколку има политичка волја можно е решение со Бугарија и промена на преговарачката рамка со ЕУ.

- Министерството за надворешни работи упорно потсетува дека европскиот консензус постигнат во летото 2022 година меѓу 27-те земји-членки на ЕУ и самата Македонија јасно го опишува чекорите за постигнување вистински напредок во евроинтегративниот процес на соседната земја. Исто така, принципот на едногласност во процесот на проширување на ЕУ е вграден во Договорот за Европската унија и во преговарачките рамки на сите претходни и сегашни проширувања. Покренувањето идеи за повторно преговарање за веќе преземените меѓународни обврски само ќе доведе до дополнително оддалечување од почетокот на преговорите за членство во ЕУ. Потсетуваме дека како резултат на непотребните провокации и конфронтации со соседните земји, Северна Македонија веќе изгуби премногу време во процесот на отворање на пристапните преговори, се наведува во соопштението.

За властите во Софија, како што се посочува, „неприфатлива е искажаната намера на новата влада на Северна Македонија да го отфрли легитимното барање на дел од сопствените граѓани да ги гарантира правата и слободите на рамноправна основа со сите други заедници во Северна Македонија, вклучителни преку нивно вметнување во уставот“.

- Подеднакво неприфатлива е и искажаната намера на Северна Македонија да не се придржува до меѓународните обврски и потпишаните договори. Ваквиот став е некомпатибилен со напредокот на европскиот пат. Остава сериозна загриженост дека во својата политика кон Бугарите и Бугарија, актуелната влада во Скопје ризикува да биде заробена од догмите на една минато време, отфрлена од сите демократски општества. Бугарската позиција е јасно наведена во Одлуката на Народното собрание од 24 јуни 2022 година, поддржана од сите политички сили. Тоа е израз на волјата на бугарските граѓани да ја поддржат Северна Македонија во процесот на исполнување на критериумите за членство во ЕУ, под услов соседната земја да се придржува до највисоките стандарди во областа на човековите права и да ги исполни меѓународните обврски преземени во добро вера. Оваа позиција на национално ниво нема да се менува, стои во соопштението од бугарското МНР.

притисни ентер