Македонија

Се чека одговор од пратениците за автентичното толкување

Претседателот на Собранието Талат Џафери и координаторите на пратеничките групи денеска на редовната понеделничка средба треба да се договорат дали и кога Законодавно-правната комисија ќе заседава и ќе го разгледа барањето на СДСМ

Претседателот на Собранието Талат Џафери и координаторите на пратеничките групи денеска на редовната понеделничка средба треба да се договорат дали и кога Законодавно-правната комисија ќе заседава и ќе го разгледа барањето на СДСМ за автентично толкување на членот 11 од Законот за помилување.

Целта на автентичното толкување, според подносителите, е да се спречат обидите за избегнување на правдата и обезбедување неказнивост за сериозни кривични дела, односно активирање на незаконските помилувања дадени од поранешниот преседател Ѓорге Иванов, а во контекст на можната одлука на Уставниот суд за укинување на членот 11-а од Законот за дополнување на Законот за помилување од 2016 година.

Од Кабинетот на Џафери информираат дека барањето за автентично толкување што пристигнало во петокот веднаш е проследено до пратениците.

Уставниот суд во средата одлучи да поведе постапка за оценување на членот 11 – а од Законот за дополнување на Законот за помилување од 2016 – та година. Членот 11 – а овозможува претседателот на државата да повлече веќе донесена одлука за помилување. Тоа, според правните експерти, може директно да влијае врз актуелните обвиненија и истраги, и предметите што ги почна СЈО врз основа на прислушуваните разговори. Дополнувањето на членот 11, со став 11 а, го направи претходниот собраниски состав кога мнозинството во Парламентот го имаше коалицијата предводена од ВМРО-ДПМНЕ. Претседателот Ѓорге Иванов донесе одлука за аболиција на педесеттина лица во 2016 година, но по протестите и реакциите од меѓународната заедница ја повлече одлуката.

Министерката за правда Рената Тренеска Дескоска побара автентично толкување од Собранието, а пратеничката група на СДСМ во петокот го достави до претседателот на Парламентот Талат Џафери.

Според собраниската процедура, барањето за автентично толкување најпрвин треба да помине низ ситото на Законодавно-првната комисија.

Во Законодавно-правната комисија мнозинство немаат ниту владејачките партии, ниту опозицијата, но тоа не значи дека автентичното толкување на СДСМ нема да добие поддршка. Освен од СДСМ, пратениците од најголемите партии ДУИ и ВМРО-ДПМНЕ се уште директно не кажале во јавноста како ќе гласаат. Помалите парламентарни партии како ЛДП, Алијанса за Албанците и Движењето Беса посочуваат дека не поддржуваат амнестија.

Министерката Дескоска во петокот го повика Собранието да даде автентично толкување на членот 11 од Законот за помилување. Зад овој повик застанаа пратениците на СДСМ и поднесоа барање за автентично толкување. Собранието, како што очекуваат од владејачката партија, треба да ги искористи своите механизми и со автентично толкување на членот 11 од Законот за помилување да потврди дека членот 11 на кој поранешниот претседател Ѓорге Иванов ги засноваше своите масовни помилувања, не постоел, односно дека одлуката на Уставниот суд од март 2016 година за укинување на Законот за изменување и дополнување на Законот за помилување од 2009 година, не го оживеал стариот член 11 од законот.

Премиерот и лидер на СДСМ Зоран Заев вчера имаше видео – обраќање во кое наведе дека изминативе две и пол години се покажа дека судството останало последната тврдина на „заробената држава", под контрола на одреден број судии и обвинители на моќни позиции. Според него, овие последни упоришта на „заробената правда" продолжиле да ги контролираат судските процеси во кои беа осомничени токму протагонистите на режимот.

Од СДСМ побараа од лидерот на ВМРО-ДПМНЕ Христијан Мицкоски да ги повика пратениците од неговата партија да го поддржат автентичното толкување. Според власта, опозициската партија стои зад иницијативта прес уставен суд.

Од ВМРО-ДПМНЕ нема јасен став како ќе гласаат нивните пратеници, а се уште е непознато исто така како ќе се изјаснат и поранешните нивни пратеници кои ја формираа Независната пратеничка група. Официјален став викендов немаше ниту од ДУИ.

Лидерот на ВМРО-ДПМНЕ Христијан Мицкоски на прес-конференција вчера рече дека нема граѓанин кој не е согласен со фактот дека криминалците остануваат неказнети и дека правниот систем е целосно девастиран и оти токму во овие моменти, власта на маса ја става темата со Уставниот суд, која исклучиво му одговара на Заев и СДСМ и тоа за да се вратат старите теми и да не се одговара за актуелните скандали. Тврди дека не поддржува аболиција и оти темата со Уставниот суд покажала дека мора да има механизми за заштита од злоупотреба на амнестијата како алатка. Бара да се направат законски измени со кои ќе се забрани секое лице кое ќе добие амнестија, да се занимава со политика или да врши јавна дејност во државата и да се отвори дебата, да се консултира правната фела и да се донесат решенија во насока на забрана на аболиција на лица кои се занимавале со политика.

За лидерот на ЛДП Горан Милевски неделава што следи маските ќе паднат кај сите бидејќи конечно ќе видиме кој е оној во оваа држава што се бори за правдата и кои се оние мрачни сили кои сакаат да ја држат Македонија и да има привилегирани луѓе за кои законот нема да важи односно ќе ги штити криминалците.

Доколку не помине автентичното толкување за Законот за помилување предложен од владејачката СДСМ а кое е поврзано со враќање во игра на амнестиите за функционери на поранешната Влада од страна на поранешниот претседател Ѓорге Иванов, Милевски вели дека за него ќе се доведе во прашање и владината коалиција.

-Јас ја доведувам во прашање и владината коалиција како таква ако не помине ова во Собранието, а исто така ова е една голема можност за ВМРО-ДПМНЕ да каже дали ќе продолжи по патот на заштита на криминалците или навистина ќе се огради од нив и навистина ќе го поддржи предлогот на министерката Дескоска за автентично толкување на овој закон, рече Милевски.

Собранието, како што истакна тој, мора да донесе одлука за автентично толкување на законот.

ДУИ официјално не се изјаснува со свој став, но дел од медиумите повикувајќи с ена партиски извори објавија дека тие пред да изградат свое мислење ќе консултираат правни експерти. /МИА

Свет

Њујорк Тајмс: Хамас планира да ги предаде останките на неколку заложници

Хамас планира да ги предаде останките на неколку заложници во првата фаза од прекинот на огнот.

Палестинското исламистичко движење Хамас планира да ги предаде останките на неколку заложници кои беа меѓу 33-те за кои рече дека ќе бидат ослободени во првата фаза од предложениот договор за прекин на огнот, јави денеска Њујорк тајмс.

Во извештајот, во кој се цитирани две лица блиски до преговорите за постигнување договор, се вели дека Хамас ги информирал посредниците дека повеќе не се живи сите оние што требаше да бидат ослободени.

Се очекуваше во првата фаза да бидат ослободени жени, деца, стари и болни лица, потсетуваат израелските медиуми.

Израел претходно инсистираше да се ослободат само живите заложници во таа фаза и се согласи со помалку од 40-те луѓе што првично ги бараше, со тоа што се подразбираше дека сите што требаше да бидат ослободени се живи.

Хамас синоќа соопшти дека го прифатил договорот предложен од посредниците.

Израел, пак, оцени дека договорот е многу поинаков од она на што се согласила земјата.

Претставници на Хамас рекоа дека првата фаза од договорот ќе вклучува 42-дневно примирје и ќе ослободи 33 израелски заложници во замена за голем број палестински безбедносни затвореници кои се чуваат во израелските затвори.

Кабинетот на израелскиот премиер Бенјамин Нетанјаху оцени дека понудата на Хамас не ги исполнува основните израелски барања, но најави дека ќе испрати преговарачи да продолжат со преговорите со американските, египетските и катарските посредници.

Се верува дека уште 128 заложници се држат во Газа, од околу 250 киднапирани во терористичките напади на палестинските екстремисти предводени од Хамас на 7 октомври минатата година, но се знае дека не се живи сите.

За време на еднонеделниот прекин на огнот на крајот на ноември минатата година беа ослободени 105 цивили, а пред тоа четворица.

Тројца живи заложници беа ослободени од војниците, а телата на 12 беа пронајдени, вклучително и тројца убиени по грешка од војниците.

Израелската војска ја потврди смртта на 35 заложници кои сè уште ги држи Хамас, повикувајќи се на нови разузнавачки информации од војниците кои дејствуваат во Газа.

Македонија

Приведени крадци во Скопје

На подрачјето на Центар, полициски службеници од Полициската станица Центар и од Единицата за интервентна полиција при СВР Скопје синоќа од 22.45 до 23.20 часот лишиле од слобода четири малолетници од Скопје.

Како што денеска соопштија од МВР, тие се сомничат дека околу 22.00 часот на подрачјето на Центар со закана со остар предмет од двајца други малолетници одзеле пари.

- Со малолетниците бил извршен службен разговор, а парите биле пронајдени и ќе бидат вратени на сопствениците. По целосно документирање на случајот, против нив ќе биде поднесена соодветна пријава, се наведува во соопштението од МВР.

Македонија

Во кочанскиот регион пријавени уште 164 лица кои ќе гласаат во домашни услови

Во четирите општини од кочанскиот регион се пријавиле уште 164 болни и изнемоштени граѓани кои побарале своето гласачко право да го остварат во домашни услови.

Тоа е зголемување од над 40 отсто во споредба со пријавените за првиот круг на претседателските избори, односно вкупниот број сега изнесува 436 лица.

Најголем број пријави биле доставени до Општинската изборна комисија во Кочани, но по разгледувањето на документацијата дел од нив биле одбиени.

- Во законскиот рок ни беа доставени уште 87 пријави, но комисијата утврди дека 11 од нив не ги исполнуваат условите. Кај една пријава е констатирано дека лицето не е запишано во избирачкиот список, за што има поднесено приговор, и ако добиеме позитивен одговор тоа ќе може да го оствари правото да гласа. Заедно со пријавените од првиот круг на претседателските избори, на територијата на општина Кочани има вкупно 245 болни и изнемоштени кои ќе гласаат во домашни услови, истакна Билјана Димовска Гичева, претседателка на Општинската изборна комисија – Кочани.

До Општинската изборна комисија во Виница се доставени уште 38 пријави и сите се прифатени, со што вкупно 99 лица ќе гласат во домашни услови.

Во процентуален износ најголем број новопријавени лица во однос на гласањето од пред две недели има во општина Зрновци. Порастот е за двојно поголем, односно ќе гласаат вкупно 22 болни и изнемоштени.

Во Општинската изборна комисија во Чешиново-Облешево добиле уште 39 пријави и вкупниот број сега изнесува 69 лица, за кои е констатирано дека ги исполнуваат условите за гласање во домашни услови.

притисни ентер