Капитулира ли работата на македонско-бугарската мешовита Комисија?Отворените историски прашања, според последните информации од Софија, најверојатно ќе ја чекаат пролетта. Според бугарските медиуми, следна шанса Комисијата ќе има во мај, по изборите во Македонија. Разговорите меѓу историчарите се во своевиден ќорсокак, оценија на пред малку завршениот брифинг, предводникот на бугарската страна, Ангел Димитров и неговиот колега Драги Ѓоргиев, пренесува БГНЕС.
-Она што го договоривме е толку мало и незначително, што ми е тешко дури и да се сетам на тоа. Не сме во состојба да зборуваме за какви било резултати. Направивме се што можеме, сега нештата се префрлаат на политичко ниво, изјави Ангел Димитров.
-Поради предизборието во Македонија , предложивме комисијата да паузира извесен период . Не може од работатат на комисијата да зависи европскиот пат на Македонија , рече меѓу другото Драги Ѓорѓиев.
Неуспехот можеше да се насети уште вчера, по првиот работен ден, кога Ѓоргиев и Димитров се соочија на Бугарската национална телевизија. И двајцата признаа дека непредок за прашањето за средновековниот период во учебниците, а уште помалу за Гоце Делчев.
-Доколку оваа Коамисија инсистира да утврди дали Гоце Делчев бил Бугарин или Македонец, решение нема да има. Во тоа време не станува збор за „еден црно-бел свет" и не постоела јасна поделеност на бугарска или македонска свест, вели Ѓоргиев.
-Ако не се знае каков е човекот, не можеме точно да го оцениме неговото дело. Гоце Делчев сам кажал каков е. Тоа го кажало и неговото семејство, вели Димитров
Ова беше девета и последна предвидена средба за годинава, на кои двете страни постигнаа напредок само за неколу прашања.