Министерот за надворешни на Грција, Дендиас во прва посета на Македонија

Во пријателска и отворена атмосфера помина првата средба на македонско тло, меѓу министерот за надворешни работи Никола Димитров и неговиот грчки колега Никос Дендиас. 

И покрај ставувањата од пред неколку месеци дека новата влада во Атина ќе прави опструкции во преведувањето на договорот по се изгледа сега токму владата на Мицоткис е онаа која инсистира на имплементација на одредбите. Преспанскиот договор е темел на соработката меѓу двете земји, а официјално Скопје може да смета на нашата комплетна поддршка со цел земјата што побрзо да ги почне преговорите со ЕУ, кажа Дендијас, кој очекува без разлика на можните резултати на изборите следната година во Македонија, договорот да продолжи да се спроведува.

Прашан за динамиката на спроведувањето на обврските кои ги има превземено грчката страна, како што се на пример промената на таблите на кој пишува ФИРОМ со новото име на земјава, Дендијас призна дека има задоцнување, но и план како процесите да се забрзаат.

Во однос на трговските марки Димитров кажа дека само со комплетна доверба и искреност може да се постигне договор, со кој и двете страни ќе бидат задоволни.

А дека се инсистира на дословна примена на Преспанскиот договор покажа и настанот на самата прес конференција, кога новинар од Грција побара од министерот Димитров да одговори на како што го нарече „вашиот јазик“...

Дендијас од МНР замина во владата на средба со премиерот Заев, а потоа и со претседателот Пендаровски, кој се заблагодари на големата поддршка која Грција ја дава во Евро интегративниот пат на земјава.

Српските власти идентификуваа19 адреси на електронска пошта од кои се праќани дојавите за бомби

Српските власти  досега идентификуваа локации на вкупно 19 адреси на електронска пошта од кои се праќани дојавите за наводно поставени бомби на различни места низ србија, соопшти синоќа српското МВР.

Според објавата од српското МВР, утврдено е дека осум од дојавите стигнале од Полска, четири од Гамбија, две од Иран и Нигерија и по една од Украина, Словенија и Русија.

За да се идентификуваат испраќачите на овие пораки, а со оглед дека се странски државјани кои не живеат во Србија, српските власти ќе спроведат меѓународна размена на податоците преку Европол и Интерпол со останати држави, како и со компанијата „Гугл“.

Според објавените податоци, за четири дена МВР процесуирало осум лица, српски државјани.

Двајца од нив се уапсени, а против шест малолетници се поднесени кривични пријави.

Од 11 март до денеска телефонски или преку електронска пошта, до различни институции во Србија стигнаа стотина дојави за наводно поставени бомби на јавни места и во објекти, како трговски центри и бројни училишта, мостови, плоштади итн.

За брзо возење казнети 147 возачи на територијата на цела држава

Во текот на вчерашниот ден во спроведената засилена акциска контрола за санкционирање на возила кои се движат со брзина поголема од дозволената на територијата на државата, казнети се 147 возачи.

Од МВР информираа дека од нив осум возила се движеле со брзина над 50 километри на час повеќе од дозволеното, а две возила се движеле со дури над 70 километри на час повеќе од дозволеното. Притоа, 31 возач ја пречекорил брзината во населено место, а 116 надвор од населено место.

Засилените акциски контроли продолжуваат и во наредните денови.

Приведени двајца крадци во Скопје, одземеното вратено на сопственикот

Службеници од Полициската станица Центар вчера во 17.40 часот на улица „Македонија" во Скопје ги лишија од слобода скопјаните Д.К.(19) и А.А.(28).

Како што денеска соопштија од МВР, тие биле затекнати при извршување „тешка кражба" во објект на улица „Македонија". Двајцата биле приведени во полициска станица и во службен разговор го признале делото. Кај нив биле пронајдени одземените предмети и биле вратени на сопственикот.

За настанот бил запознаен јавен обвинител и по целосно документирање на случајот против нив ќе биде поднесени пријава по член 236 од Кривичниот законик.

притисни ентер