Вучиќ закажа седница на советот за безбедност поради аферата со рускиот шпион

Претседателот на Србија, Александар Вучиќ, за  денеска закажа седница на Советот за национална безбедност, поради можната шпионска афера во која наводно се вклучени руски разузнавач и српски агент.

Автентичноста на снимката на која се гледа како Георги Клебај му дава пари на наводен српски агент ја потврди Безбедносно-информативната агенција.

По седницата се очекува да бидат познати повеќе детали за овој случај на кој работат српските безбедносни служби.

Претходно, премиерката на Србија, Ана Брнабиќ, оцени дека, доколку се утврди дека во овој случај навистина станува збор за шпонажа, тоа ќе биде сериозен проблем кој бара сериозна реакција.

Утре меѓу 12:00 и 15:00 часот минирање на патот Радовиш – Штип, кај Пилав Тепе

Сообраќајот на државните патишта се одвива по суви коловози. Интензитетот на сообраќај на патните правци надвор од градските средини е умерен.

На граничните премини, од македонска страна, нема подолги задржувања за влез и за излез од државата.

Компанијата СТРАБАГ АГ со своите подизведувачи утре во период од 12:00 до 15:00 часот ќе врши минирање на патниот правец Радовиш – Штип околу местото викано Пилав Тепе.

АМСМ препорачува прилагодена брзина на движење, почитување на поставената сообраќајна сигнализација и исклучително внимателно управување со возилата, особено на патиштата низ клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Бесплатна телефонска линија на народниот правобранител на денот на изборите: 0800-54321

Во канцеларијата на Народниот правобранител  денеска  од 7:00 до 21:00 часот функционира бесплатната телефонска линија, на која граѓаните ќе можат да пријават каква било повреда на избирачкото право.

Од прес-службата на народниот правобранител соопштија дека отворени за граѓаните ќе бидат сите седум канцеларии на народниот правобранител и тоа во Скопје, Битола, Кичево, Куманово, Струмица, Тетово и Штип, со цел да им се помогне во остварувањето и заштитата на нивните избирачки права.

Отворени се сите избирачки места во шест општини од Југоистокот

Право на глас во овие шест општини имаат 110.291 граѓани на 198 избирачки места.

Сите избирачки места во општините Струмица, Радовиш, Василево, Босилово, Ново Село и Конче се отворени во 07:00 часот и гласањето се одвива без никакви проблеми согласно здравствените протоколи, информираат од општинските изборни комисии.

Право на глас во овие шест општини имаат 110.291 граѓани на 198 избирачки места.

Во овие општини граѓаните избираат пратеници од кандидатските листи поднесени во четвртата изборна единица, каде довербата од граѓаните ја бараат 12 партии и коалиции.

притисни ентер