Мемети: Годинава рекорден број поплаки за детските права, најмногу во образованието

  Годинава се уште не е завршена, а веќе имаме примено рекорден број на поплаки за детските права за разлика од другите години во кои сме имале помалку, од 150 до 160. 

Во оваа година досега имаме над 200, а најголемиот дел од поплаките се во сферата на образованието.

Ова денеска го истакна народниот правобранител Иџет Мемети, одговарајќи на новинарско прашање по повод Светскиот ден на правата на децата.

Тој додаде дека поплаки има и во сферата на здравството, во семејните односи, видувањата на родителите, како и за врсничкото насилство во училиштата. Оваа година имало доста поплаки во однос на тоа дека децата не можат да го остваруваат нивното загарантирано право на образование поради тоа што не се вакцинирани.

– Спроведовме, односно ги анализиравме сите состојби, имајќи ги предвид и Уставот и одлуката на Уставниот суд и дојдовме до заклучок како институција дека не смее да се занемари правото на образование кое е исто така фундаментално. Затоа, подготвивме посебна информација која ја упативме до Владата и побаравме од нив сите овие деца што останаа надвор од градинките и од училиштата, да се формира мултидисциплинарен тим и поединечно, случај по случај, да се проверуваат сите деца. Само на таков начин ние ќе покажеме дека имаме волја, водиме реална грижа и за правото за добро здравје и за здравјето на луѓето, но и за фундаменталното право за образование, посочи Мемети.

Тој вели дека ако се анализира правната регулатива, лесно се доаѓа до констатација дека имаме добра правна регулатива, почнувајќи од Уставот до законите, но ако реално се гледаат состојбите како тие права зацртани во Законот се спроведуваат во пракса има голема разлика во однос на запишаното и тоа што реално се остварува.

– Зошто е тоа така? Секако дека лесно е да пропишеш добра норма со висок стандард, но од друга страна треба да си подготвен и економски и кадровски за да создаваш услови реално таа норма да ја спроведеш, вели Мемети.

Како институција не се согласуваат со тоа дека родителите се проблем затоа што се децата на улица и оти тие ги терале да питачат. Смета дека тоа е покомплексен феномен или проблем.

– Ние како институција не сметаме дека и родителите треба повеќе да работат со нивните деца. Но, од моментот кога тоа дете треба да е во училиште, кога родителот нема допир со него, што прават наставниците? Со тоа сакам да кажам што прави државата, системот, образованието. И во овој сегмент бараме многу повеќе да се работи. Ние, како што знаете, имаме и неевидентирани деца. Во образовниот систем сме нашле и сме воделе неколку постапки за деца кои се образуваат надвор од нашиот систем. Загрижувачки проблем. Како институција сме реагирале, сме ги информирале надлежните, бараме постапување. Министерството за образование ги знае сите наши наоди по однос на девијантните состојби во целиот образовен систем, рече Мемети.

Тој рече дека овој ден, кога се одбележува Светскиот ден на детето и три децении од усвојувањето на Конвенцијата за права на детето од страна на Генералното собрание на ОН, е можност сите ние, како семејство, установи, како органи, институции да се запрашаме дали мерките и активностите што ги преземаме за децата се доволни, дали успеваме да обезбедиме пристап до правата за сите деца онака како што налага Конвенцијата и колку реално децата ги остваруваат истите.

– Како Народен правобранител апелирам денеска, секој од нас, без разлика на која позиција е, за миг да го погледне светот низ детската призма и реално да ги види потребите на децата затоа што само на тој начин ќе согледа дали и колку тоа што е определено во Конвенцијата сме го претвориле во реалност за секое дете, а веќе од утре и секој нареден ден посветено да работиме за поефикасно и поцелосно остварливи права на децата затоа што децата имаат потреба од остварување на истите сите 365 дена во годината, посочи Мемети./МИА.

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.

Аугсбург заврши 11-ти со 39 бодови./МИА

притисни ентер