Влада: Се иницира нов закон за решавање на правниот статус на дивоградбите

На 166-тата седница Владата предложи зголемување на прагот за задолжителна регистрација за ДДВ на 2.000.000 денари, се укинува сметко-потврдата како задолжителен документ придружен со фискална сметка, а усвоена е и Стратегијата за транспарентност.

На денешната редовна 166-та седница, Владата ја разгледа и усвои Информација за потребата од донесување на нов Закон за утврдување на правен статус на бесправни објекти, и го задолжи Министерството за транспорт и врски да достави Предлог на Закон за утврдување на правен статус на бесправни објекти до Владата на Република Северна Македонија, во рок од 15 дена од денот на усвојувањето на оваа информација.

Се задолжува Министерството за транспорт и врски во Предлогот на Закон за утврдување на правен статус на бесправни објекти, како предмет на законот да ги опфати бесправните објекти кои ќе претставуваат градежна и функционална целина заклучно до 1 октомври 2019 година, како и бесправните објекти од јавен интерес утврден со закон чии иматели се државни органи или единици на локална самоуправа или правни субјекти основани од Република Северна Македонија односно од единиците на локална самоуправа, кои ќе претставуваат градежна целина, а не и функционална целина до денот на влегување во сила на законот.

Од предлог законот треба да бидат иземени сите видови на бесправни објекти изградени во границите на Охридскиот регион во кој се наоѓа природното и културното наследство запишано во Списокот на светското природно и културно наследство на Конвенцијата на УНЕСКО, утврдени со Законот за управување со светското природно и културно наследство во Охридскиот регион.

Во Предлогот на Закон за утврдување на правен статус на бесправни објекти треба да се утврди висината на надоместок за уредување на градежно земјиште, решение со кое од плаќање на надоместокот ќе бидат ослободени барателите кои се корисници на парична помош од социјална заштита, други јавни субјекти, како и верските објекти.

На оваа своја седница, Владата го утврди Предлог-законот за задолжување на Македонија со заем кај Меѓународната банка за обнова и развој - Светска банка по Договорот за заем за финансирање на Проектот за поврзување на локални патишта.

Со средствата во висина од 70 милиони евра ќе се активира проектот за поврзување на локални патишта во 80 општини со реализација на градежни активности за рехабилитација, реконструкција и надградба на локални патишта и улици со вкупна должина до 450 километри за подобра безбедност и за социјална вклученост со поврзување на оддалечените и загрозените заедници и со зголемување на достапноста на транспортната мрежа на локално ниво.

Министрите во Владата денеска ја усвоија Уредбата за начинот на доделување на договори за набавки на Владата со влади на странски држави.

Уредбата се изготвуваше во тесна соработка со Министерството за одбрана на Република Северна Македонија, а нејзиното донесување е неопходно од причина што уредува материја која не подлежи на примена на процедуралните правила утврдени во Законот за јавните набавки во областа на одбраната и безбедноста, а станува збор за набавки кои ќе се интензивираат со пристапувањето на Република Северна Македонија во НАТО.

На оваа седница е утврден текстот на Предлог-законот за изменување и дополнување на Законот за данокот на додадена вредност, со одлука да биде доставен на усвојување во Собранието на државата.

Со предложениот закон се врши зголемување на прагот за задолжителна регистрација за целите на данокот на додадена вредност од 1.000.000 денари на 2.000.000 денари, и се пропишува можност даночните обврзници кои се регистрирани за цели на данокот на додадена вредност да имаат право на одбивка на претходен данок со поседување на фискална сметка чиј вкупен промет не надминува 6.000 денари издадена согласно со Закон за регистрирање на готовински плаќања.

Со оваа новина во законот се укинува сметко-потврдата како задолжителен документ придружен со фискална сметка за промет до 6000 денари, со што во голема мерка се заштедува на време, хартија и на административна постапка.

Истовремено, предложениот закон има за цел да овозможи ослободување од плаќање на данок на додадена вредност на добрата кои се увезуваат од страна на воените сили на други држави кои се членки на НАТО.

На предлог на Министерот без ресор задолжен за комуникации, отчетност и транспарентност, на денешната седница е усвоена Стратегијата за транспарентност на Владата за периодот 2019-2021 година, со Акциски план, за унапредување на амбиентот за транспарентност и доверба во работата на институциите во пресрет на интеграцијата на земјата во ЕУ и НАТО.

Владата ја усвои Информацијата и донесе решението за назначување на членови на Националниот совет за сајбер безбедност, и ги задолжи Министерството за информатичко општество и администрација, Министерството за внатрешни работи и Министерството за одбрана да назначат членови на Меѓуресорска работна група за стручно-оперативна и логистичка поддршка на Националниот совет за сајбер безбедност, меѓу другото и за да се забрза усогласувањето на прашањата за сајбер безбедност согласно стандардите на НАТО.

Владата на оваа седница даде согласност за превземање обврски во програмите опфатени со развојниот дел од буџетот, за чие плаќање е потребно користење на буџетски средства во наредните 2020 и 2021 година на Министерството за образование и наука, да отпочне постапката за јавна набавка за склучување на повеќегодишен договор за продолжување со изградба на ООУ „Димитар Македонски“, Општина Аеродром, Скопје, во вкупна вредност од 58.788.000,00 денари.

Заев од Крива Паланка: Изборна единица три на 15 јули гласа за број 3, на ниво на цела држава победуваме со разлика до 50.000 до 120.000 гласови

Во изборната единица 3 ќе покажеме дека политичари кои не калкулираат со својот рејтниг, не се водат од популизам, туку напротив, му служат на својот народ и прават се за својата татковина.

,, Ја заслужуваат и ја добиваат довербата на изборите, порача вечерва од граѓанската трибина во Крива Паланка, претседателот на СДСМ и носител на изборната листа во ИЕ 4, Зоран Заев.

- Како што им ветив и пред една година на ВМРО-ДПМНЕ, ќе ги победиме со разлика од 50.000 до 120.000 гласови разлика на ниво на цела држава. Нашата понуда и во изборната едница 3 и низ целата држава е понуда на чесни, одговорни личноста. Покажавме дека можеме повеќе, можеме подобро, покажавме дека правиот пат нема алтернатива, тие се трите работи кои ќе донесат победа во изборна единица три и во сите други изборни единици, посочи претседателот Заев,се наведува во соопштението на СДСМ.

Лукаревска со граѓаните во општина Бутел: Дури и во криза не баравме изговори- градиме, ги поддржуваме бизнисите, младите,парите ги враќаме кај граѓаните

Со граѓаните на општина Бутел носителката на изборна листа во ИЕ2 Сања Лукаревска, разговараше за приоритетните комунални прашања, за поддршата на бизнис секторот, за можностите на младите, соопштуваат од СДСМ.

-Дури и во криза не баравме изговори, градиме, ги поддржуваме бизнисите да ја преживеат здравствената криза и да ги зачуват работните места, парите ги враќаме кај граѓанитте. Посетив компанија која е корисник на правото за добивање на финансиски средства за исплата на плата за вработени. Финансиската поддршка за исплата на минимална плата им помага на компаниите во време на тешката глобална здравствено - економска криза да ги зачувува работните места. За месец мај околу 21 илјади компании и 5 800 самостојни вршители на дејност се корисници на финансиката поддршка за исплата на плати. Заедно ги надминуваме економските последици од Covid-19. За тие на кои најмногу им се потребни, обезбедивме финансиска поддршка преку платежни картички. Покажавме дека се грижиме за сите граѓаните. Започнавме да градиме силна држава еднаква за сите.

-Младите се охрабрени од активните младински политики и од предложените мерки, со што ќе создадеме уште по поволен амбиент за нивно напредување.Ќе донесеме Закон за младинска гаранција со што ќе се институционализира оваа форма на поддршка на младите до вработување.Ќе формираме фонд за стипендирање на млади луѓе за потребите на занаетчиството. Во поранешното „Македонско село" кое сега е сопственост на државата, ќе формираме „Старт-ап село" („Start-Up Village. Ќе продолжиме и со решавање на комуналните прашања на граѓаните. Нашиот фокус го насочуваме кон изградба на нови 500 километри водовод и канализација, за што ќе обезбедиме 100 милиони евра за сите општини. Ќе изградиме 950 километри локални патишта, 777 социјални станбени единици, се обврзуваме дека ќе продолжиме напред со засилено темпо, со главен фокус на граѓаните.

Заев од Крива Паланка: Ги отворивме вратите кон ЕУ и НАТО, со обезбеден идентитет, со признат јазик, тоа е вистински патриотизам тоа е вистински успех

Ја исполнивме првата стратешка цел, членство во НАТО, ја остваруваме и втората со почеток на преговори за членство во ЕУ и нема да дозволиме да се враќаме назад во изолација.

Ова го порача вечерва од граѓанската трибина во Крива Паланка, претседателот на СДСМ и носител на изборната листа во ИЕ 4, Зоран Заев.

- Денеска имаме имотен лист, имаме обезбедени граници и загарантирана безбедност со членството во НАТО. Денес нашиот идентитет е загарантиран, нашиот јазик е признаен од сите, последен доказ за тоа е потврдата од ЕУ, целото законодавство на Унијата ќе биде преведено на македонски јазик. Тоа е првиот чекор во станувањето на македонскиот јазик како еден од јазиците на Европската Унија. Ова е шанса ова е можност да си го јакнеме македонскиот идентитет, сите да знаат и за Македонецот и за македонскиот јазик. Тоа е успех, тоа е патриотизам, посочи претседателот Заев.

притисни ентер