Македонија

Макрон ќе ја посети Македонија,новата методологија ќе биде готова до март

Отворен и динамичен разговор, но без јасни временски гаранции кога Париз ќе ја крене рампата за Македонија.

По средбата со францускиот колега, Макрон, шефот на државата Пендаровски вели дека во фокусот на разговорите бил неформалниот предлог за новбата методологија на преговарање, која веќе ги имала првите контури, но оти се очекувала да биде финализирана напролет.

За време на средбата, Пендаровски нагласил дека Македонија нема да прифаќа друга алтернатива, освен полноправното членство во Унијата, став кој бил поддржан од Макрон. Воопшто не биле споменати други реформи, ниту станало збор за Законот за јавно обвинителство, а францускиот лидер на покана на Пендаровски прифатил да ја посети земјава, најдоцна до првата половина на следната година, кога како што нагласил Макрон, на македонскиот народ ќе му ја изложел потребата од продлабочување на Унијата. Како следна шанса за Македонија, Макрон го посочил мајскиот Самит во Загреб.

– Сите опции се отворени со тоа што Макрон на средбата децидно кажа дека одлагањето е затоа што на ЕУ и треба повеќе време. Тој ми рече „моја стара заложба е продлабочување на ЕУ и промена на методолгијата, знам дека можат да одат паралелно, вие сега сакате само отворање тоа ми е јасно", му рекол Макрон на Пендаровски и во ниту еден момент не му споменал дополнителни реформи, ниту законот за обвинителство како услов за отворањето преговори.

Иако март не бил споменат како тајминг кога Македонија може да добие датум за преговори, синоќа таква можност веднаш по средбата со Макрон, изложи српскиот претседател Вучиќ.

-Тие (ЕУ) ќе бараат да биде март, за да не се чека Загреб во мај, затоа што се плашат од резултатот на изборите во Скопје. Изборите во Скопје се на 12 април и тие не сакаат да бидат виновни за поразот на некој, кому му ветиле нешто дека претходно ќе го направат. , изјави Александар Вучиќ, претседател на Србија

Дека притисокот врз Макрон ќе расте, покажа и синоќешната порака на новоизбраната претседателка на Европската Комисија, Урсула Фон Дер Лејен. Таа во говорот по повод 30-годишнината од падот на Берлинскиот ѕид рече дека францускиот лидер со блокадата врз двете земји и ја отворил вратата на Русија на Западен Балкан.

Македонија

Од понеделник учениците на еднонеделен пролетен распуст

За учениците од основните и средните училишта денеска е последен учебен ден по што ќе следува пролетниот распуст кој за прв пат се воведува годинава.

Од понеделник започнува пролетниот распуст за учениците од основните и средните училишта, кој ќе трае до 6 мај. Ден потоа на 7 мај учениците во чии училишта ќе се гласа се враќаат на настава, но со скратени часови и работно време до 11 часот. На 8 мај на денот на изборите училиштата нема да работат.

За прв пат годинава има промена и во календарот за настава, со што учебната година за основците, наместо на 10 ќе заврши на 17 јуни. Причина за ова е да се исполни годишниот фонт од 180 часови. Средношколците пак на летен распуст ќе одат на 10ти јуни…

Директорите на училиштата ја подржуваат ваквата одлука. Велат дека навремено биле известени за промената и се подготвени за реализација на распустот.

-Генерално сметавме дека е добар потег, бидејќи ова второ полугодие имаме малку денови неработни, па пролетниов заедно со Велигден и со мај ни дојде како споено, така да позитивни се до некаде реакциите.-Фоника Станоева - директор на ООУ Љубен Лапе – Аеродром.

За разлика од раководствата на училиштата, граѓаните со скепса гледаат на промената.

-Доволно е зимски распуст и летен распуст, а пролетен распуст мислам дека нема потреба. Се нарушува наставата и така не се добро опремени со книги со такви работи немаат за учење и сега плус и со наставата.

-Не е добра идеја. Сега можеби е добра затоа што има празници инаку пролетен распуст воопшто не го одобрувам. Кога децата ќе навлезат во учењето ние им даваме одмори, само што се навлезени во учење тогаш се оценките, тогаш се писмени работи.

Дополнително од МОН ги задолжија директорите на училиштата да организираат обработка на наставата од двата изборни дена и неработниот ден од Советот на министри на ОБСЕ, преку подолг престој на учениците во училиштата во денови од работната недела, а во рамки на шестчасовното работно време на наставниците.

Свет

САД соопштија дека уништиле беспилотни летала на Хутите

Војската на САД денеска соопшти дека коалициските сили „ангажирале и уништиле“ два беспилотни летала во деловите на Јемен контролирани од Хутите, откако бунтовниците поддржани од Иран лансирале балистичка ракета во Аденскиот Залив.

Противбродскиот проектил лансиран вчера не предизвикал повреди или оштетувања, се вели во соопштението на американската Централна команда (CENTCOM).

Неколку часа подоцна, американската војска „успешно ангажираше и уништи еден брод без екипаж и едно беспилотно летало во областите во Јемен контролирани од Хутите, соопшти командата.

Бунтовниците од ноември извршија десетици ракетни и беспилотни напади насочени кон бродовите, велејќи дека тие дејствуваат во знак на солидарност со Палестинците за време на војната меѓу Израел и Хамас во Газа. /МИА

Свет

Блинкен: Студентските протести во САД се дел од демократијата

Американскиот државен секретар Ентони Блинкен денеска изјави дека студентските протести во САД поради ситуацијата на Блискиот Исток се дел од „демократијата“.

„Белег на нашата демократија е тоа што нашите граѓани во секое време го изразуваат своето мислење, загриженост, гнев“, изјави Блинкен за новинарите за време на посетата на Кина.

Студентските протести во САД почнаа на Универзитетот Колумбија во Њујорк.

Некои од престижните универзитети, како Харвард, Јеил и Принстон, се приклучија на студентското движење и демонстрации. /МИА