Култура

Концертите како современ начин на заштита на културното нематеријално наследство

 Концертот на Здружението на Срби и Македонци КУД „Бранко Чајка" од Тетово што се одржи вчера е наша главна активност во насока на заштитата на недвижното, движното и нематеријалното културно наследство, порачаа од Здружението. 

Во рамки на проектот Експериментално-едукативна работилница за фолклор" здружението спроведе и низа активности во чиј фокус беа фолклорните компоненти, а концертот завршна програмска активност.

-Задача на овој проект беше членовите на фолклорната секција на Здружението, покрај основните чекори и кореографија, да научат и нешто повеќе за фолклорот, за значењето на поимот фолклор, за карактеристиките на македонскиот и српскиот фолклор, за потеклото и значењето на ората кои ги играат. Во тој дел предавања одржа Ненад Вукојичиќ, етномузиколог и член на оркестарот на Здружението. Снежана Ефковска, кореограф на фолклорната секција на Здружението го водешеа делот на работилницата на кој се изработуваа делови на народните носии: машни, венчиња, шарени торбички, појаси и слично. Тука Здружението оствари соработка со Основното училиште „Вук Караџиќ" од Дољевац, Република Србија и се вклучи во нивниот проект „Плетемо торбицу за Добрицу" (во чест на поетот Добрица Ериќ), и изработените шарени торбички се испратени во училиштето во Дољевац на продажна акција, истакна претседателката на Здружението, Соња Андонов.

Покрај оркестарот и фолклорната секција на Здружението на Срби и Македонци КУД „Бранко Чајка" од Тетово вчерашниот концерт го збогатија и гости од Србија. Настапија членовите на пеачката група на Здружението на Македонци „Јабука" од Јабука, како и изведбата монолози и песни од делото „Коштана" на актерот Драган Станковиќ од Народниот театар „Бора Станковиќ" од Врање и Тијана Вучковиќ, вокален солист од истиот град.

Фолклорната секција на КУД Бранко Чајка настапи со „Билјана платно белеше" и „Тресеница" , а оркестарот и вокалниот солист Драгиша Аврамовски, со песните за тетовските убавици-Трпана, Епса Димушева, Ѓорушица, Благуња Пожаранка, Аџи Зора и други.

Македонија

ЈО: Истрага за разбојништво со автоматска пушка во казино во Лешок

Јавен обвинител од Основното јавно обвинителство Тетово донесе Наредба за спроведување истражна постапка против 28-годишен жител на Непроштено, осомничен за разбојништво и поседување автоматска пушка.

На 24 април, осомничениот, маскиран со „фантомка“, влегол во казино во Лешок и со автоматска пушка која на граѓаните им е забранета им се заканил на вработениот во обезбедувањето и на уште едно присутно лице. Ја репетирал автоматската пушка и им наредил на оштетените да легнат на подот, по што од фиоките на касите одзел 329.780 денари.

На овој начин осомничениот сторил кривично дело – Разбојништво по член 237 став 4 во врска со став 1, како и кривично дело – Неовластено изработување, држење, посредување и тргување со оружје или распрскувачки материи по член 396 став 2 во врска со став 1 од Кривичниот законик.

Јавниот обвинител до судијата на претходна постапка од Основниот суд во Тетово достави предлог за определување мерка притвор за осомниченото лице, бидејќи постои опасност од бегство, можност тој да влијае врз сведоците и да го повтори делото. Судот го прифати предлогот и определи притвор во траење од 30 дена.

Живот

Бројот на Австријци кои живеат во сиромаштија се зголеми за повеќе од 50 проценти

 Бројот на Австријците во апсолутна сиромаштија е зголемен за повеќе од 50 отсто, од 201.000 во 2022 година на 336.000 минатата година, соопшти Заводот за статистика на земјата.

Според бројките презентирани од Статистика Австрија, погодените луѓе не можеле да си дозволат многу секојдневни работи како кирија, греење или храна.

Децата и младите се релативно почесто погодени од сиромаштија отколку возрасните.

Во опасност од сиромаштија се 41 отсто од самохраните родители и 31 отсто од семејствата со најмалку три деца.

Според податоците, процентот на жители во ризик од сиромаштија би изнесувал дури 42 отсто без државна социјална помош.

Свет

Универзитетот Колумбија го одложи рокот што им го даде на демонстрантите против војната во Газа

Американскиот универзитет Колумбија го одложи рокот, кој истекува на полноќ, што им го даде на пропалестинските студенти да го расчистат кампусот, каде што протестираат против војната во Газа.

- Преговорите напредуваа и продолжуваат според планираното, соопшти кабинетот на претседателот на Универзитетот во Њујорк Минуш Шафик, негирајќи дека била побарана полициска интервенција.

- Не нарекуваат терористи, нè нарекуваат насилници. Но единствената алатка што ја имаме е нашиот глас, рече еден од студентите на собирот.

Пропалестинските студентски демонстрации во САД, кои се проширија на неколку универзитети, почнаа на Универзитетот Колумбија во Њујорк.

Некои од најпрестижните универзитети во светот, како Харвард, Јеил и Принстон, се приклучија на студентското движење и демонстрации.

притисни ентер