Здравје

Се зголемува капитацискиот бод на сите матични лекари од општа пракса, гинекологија и стоматологија

 Висината на надоместокот на приватните специјалисти ортодонти од 97.000 денари се зголемува на 111.000 денари месечно или приближно 15 проценти. 

За осум денари се зголемува вредноста на капитацискиот бод на сите матични лекари од општа пракса, гинекологија и стоматологија, беше истакнато на прес-конференција во Владата на премиерот Зоран Заев, министерот за здравство Венко Филипче и директорите на Фондот за здравствено осигурување Ден Дончев и Орхан Рамадани.

Заев рече дека за ова зголемување на капитацискиот бод се обезбедени 465 милиони денари од Буџетот, пари на граѓаните кои сега се враќаат кај нив како поддршка на работата на матичните лекари за помотивирани здравствени услуги и појасни дека станува збор за 18 проценти зголемување на капитацијата.

Тој посочи дека го зголемуваат и надоместокот за приватните специјалисти кои имаат договор со Фондот и од сега натаму, надоместокот на приватните специјалисти стоматолози по протетика и орална хирургија, наместо сегашните 90.000 денари ќе добиваат 103.000 денари месечно или приближно 15 проценти зголемување.

– Висината на надоместокот на приватните специјалисти ортодонти од 97.000 денари се зголемува на 111.000 денари месечно или приближно 15 проценти. Тоа значи дека тие ќе имаат можност на граѓаните да им понудат поширок спектар услуги и да го зголемат бројот на пациенти кои имаат потреба од овој тип здравствени интервенции. Има зголемување на надоместокот за сите останати приватни специјалисти од другите дејности кои имаат договор со Фондот кое изнесува 15 проценти. За овие зголемувања за специјалистичко – консултативната здравствена заштита за приватните здравствени установи се обезбедени 62,5 милиони денари, рече Заев.

Целта на реформите во примарната здравствена заштита за 2020 година, потенцира, е да се воведе модел на на нејзино плаќање, кој ќе придонесе кон обезбедување сеопфатна примарна здравствена заштита од страна на здравствените работници на примарно ниво, како и да се подобри квалитетот на примарната здравствена грижа.

Според премиерот, оваа стимулација со повисока вредност на капитацијата ќе мотивира поголем број лекари од општа пракса да специјализираат семејна медицина, а прошитувањето на поголем број услуги од страна на медицинските сестри очекуваме да поттикне вработување на трет член или четврти член во тимовите на матичните лекари.

Во врска со укинувањето на квотите за лекови од 1 октомври, рече дека овој месец граѓаните можеа да се уверат, има достапни лекови во текот на целиот месец.

– Со овие, како и со сите други мерки што ќе следуваат Владата останува посветена на изградба на достапен, квалитетен и долгорочно-финансиски одржлив систем на здравствена заштита со посебна грижа за достоинствена здравствена професија со граѓаните во центарот на здравствениот систем, додаде Заев.

Во врска со зголемувањето на капитацискиот бод, министерот Филипче рече дека станува збор за мерка во рамките на реформата, која не значи само зголемување на сумата на средства која лекарите ја земаат, туку поголем број услуги како и превентивни мерки кои ќе ги почувствуваат пациентите, како и мерки кои ќе го олеснат водењето на хроничните болести за кои во добар дел пациентите досега беа упатувани во болниците.

– Ќе има точно одредени дијагностички сродни групи врз основа на кои матичните лекари ќе бидат обврзани да повикаат пациенти согласно ризик факторите и возраста со цел да направат прегледи и рано да се откријат болести кои потоа многу успешно ќе можат да се лекуваат. Матичните лекари за прегледите ќе направат електронски запис. Ќе им биде дозволено на матичните лекари да препишуваат терапија за која досега пациентите беа упатувани во болниците и беа барани соодветни печати и напатствија од специјалисти. Продолжуваме со зголемувањето на платите на лекарите со цел да се постигне нашето ветување од 100.000 денари за лекар специјалист, додаде Филипче.

Директорот на Фондот, Дончев во врска со зголемувањето на капитацискиот бод рече дека целта е подобрување на техничките капацитети на матичните лекари во примарното здравство и нивна поголема ефикасност, а осигурениците ќе добијат квалитетна здравствена услуга уште во ординацијата, со што ќе се намали потребата за натамошно упатување. Посочи дека со тоа ќе се растоварат лекарите и здравствениот систем на секундарно и терциерно ниво, се поттикнува превентивата во примарната здравствена заштита, се олеснува и административната работа во примарната здравствена установа…

– Фондот донесе одлука од 1 ноември да се зголеми и надоместокот за аптеките со кои имаат склучено договор за издавање лекови на рецепт на товар на Фондот од 16 проценти на 18 проценти додека надоместокот за скапите лекови ќе изнесува 180 денари по рецепт. Оваа мерка комбинирана со неодамнешното укинување на квотите на аптеките ќе придонесат за уште поефикасно, квалитетно и непрекинато издавање лекови на рецепт кои се на товар на Фондот, додаде Дончев.

Македонија

Николоски од Гевгелија: Во исто време се градат 10 спортски игралишта, така ќе продолжиме

Навистина е големо задоволство да се присуствува повторно на отворање на проекти кои што ги реализира општина Гевгелија.

Честитки за градоначалникот навистина импресивно во исто време се градат 10 спортски игралишта, 10 вакви комплекси и со училиштата во општината мислам само зборува за тоа колку работи општината и градоначалникот.

По парламентарните избори и извесната победа на ВМРО-ДПМНЕ и формирањето на влада предводена од ВМРО-ДПМНЕ, ние ќе помагаме многу во општина Гевгелија. Знаете дека планираме да ги децентрализираме буџетските средства и сериозна сума на средства планираме да се впуштаат тука во Гевгелија како би се решиле сите инфраструктурни проекти. Секако тука доаѓа и инвестирањето во економскиот развој, има сериозна индустрија во Гевгелија, пред се во земјоделскиот сектор или преработувачка индустрија, каде планираме да дадеме сериозна поддршка, пред се на извозните фирми.

Она што исто така би сакал да го споменам, можеби и нема подобро место од Гевгелија, тоа е поврзано со нашата сериозна одлука да ги испратиме ДУИ во опозиција и да одговараат за криминалот.

Мислам дека од овде е право време и место да повторно го прашам Артан Груби каква е неговата улога во индициите за криминал што ги има во Лотарија на Македонија, зошто токму тој притискаше толку силно за измените на Законот за игри на среќа, која е неговата улога во нелегалното доделување на втора лиценца за видео лотарија, како и која е неговата улога во нелегалното доделување на три лиценци за онлајн игри на среќа. Од една страна велеа дека сакаат да ги отстранат местата за обложување за да не се обложувале децата, а од друга страна дадоа три лиценци за онлајн игри на среќа при што на секое дете веќе на телефон му е веќе можноста да се обложува што секако ќе се согласите не е во ред.

Сето ова ќе го испитаме по парламентарните избори и по формирањето на влада на ВМРО-ДПМНЕ без ДУИ, а мислејќи дека и имајќи во предвид дека Артан Груби не сака да одговори на јавноста ќе треба да одговара пред соодветните органи во Република Македонија.


Македонија

За Велигден претежно сончево и потопло време

Во недела и понеделник времето во земјава за најголемиот хртистикански празник Велигден ќе биде претежно сончево и потопло, соопшти Управата за хидро - метеоролошки работи.

Во вторник локално ќе има изолирана појава на пороен дожд и ретки грмежи. Под влијание на нов влажен бран во среда и четврток на повеќе места ќе биде нестабилно со пороен дожд и грмежи, локално во форма на невреме.

Утре времето ќе биде променливо облачно, наместа со повремени врнежи од дожд. Ќе дува умерен, повремено засилен ветер од северен правец. Утринската температурата ќе се движи од 1 до 11 степени Целзиусови, а максималната дневна од 9 до 21 степени. Во Скопје слично време со температура до 19 степени.

Фудбал

Марио Гомез за изгледот на Озил: Не знам која му е целта

Поранешниот германски репрезентативец Месут Озил (35) се повлече од играњето на почетокот на 2023 година и оттогаш работи на трансформирање на своето тело.

Озил низ кариерата беше слаб, лесен напаѓачки играч за врска, но во последно време тренира со тегови во теретана. Резултатите се видливи, а снимките и фотографиите ги објавува на Инстаграм.

Озил ја помина својата кариера играјќи на врвно ниво. Започна во Германија, играше за Шалке и Вердер, а потоа се пресели во Реал Мадрид и Арсенал. Кариерата ја заврши во Турција. Освои десет клупски трофеи, а со германската репрезентација беше светски првак во 2014 година.

Сонародникот на Озил и пензиониран напаѓач на Баерн, Марио Гомез (38) зборуваше за физичката промена на Озил во подкастот на Билд: „Се восхитувам како се справува со тоа. Но, јас сум поддржувач на средината бидејќи доживеав осцилации во двете насоки и знам дека екстремите не водат кон ништо добро не знам која му е целта.

Не е за мене, но не е тоа поентата. Кога ќе ја завршите кариера во која сте фалени и охрабрувани со години, природно е да го барате она што ве исполнува. Месут изгледа го нашол во теретана. Играше со Роналдо и можеби помислил: „Сега имам време да станам мал Кристијано“.

Гомез зборуваше и за Кристијано Роналдо, еден од најдобрите фудбалери на сите времиња, кој освои сѐ што можеше и кој е познат по својата неверојатна индивидуална работа, поради што и на 39 години се уште игра за Саудиска Ал Наср.

„Можете да мислите што сакате за Роналдо, но кога зборуваме за инфлуенсери, тој имаше позитивно влијание на цела генерација. Секој ден покажува колку труд треба да се вложите за да имате такво тело, а младите играчи го следат Веќе не пијат алкохол, во слободно време се во теретана, имаат приватен физиотерапевт и сите пијат филтрирана вода.

Посветеноста и професионалноста се многу повисоки денес и тоа има многу врска со Кристијано. Дури и Лионел Меси е на пат да стане Роналдо. Одеднаш и тој виси во теретана затоа што знае дека треба да удри гас. Тоа е моќта што социјалните мрежи можат да ја имаат“, рече Гомез.

Гомез во текот на својата професионална кариера играше за Штутгарт, Баерн, Фиорентина, Бешикташ и Волфсбург. Шест пати беше најдобар стрелец во различни натпреварувања, освои осум клупски трофеи и ја заврши својата играчка кариера во 2020 година. Денес работи како технички директор на РБ Лајпциг.

притисни ентер