Македонија

Нема предизборна коалиција ДУИ-СДСМ

Ахмети е дециден – предизборна колаиција со СДСМ нема да има, бидејќи корист од неа, според него, нема да има ниту ДУИ ниту партијата на Заев.

За некои национални прашања, Ахмети вели дека се уште немаат заеднички јазик. Според претседателот на најголемата албанска партија логични се коалициите за локалните и претседателските избори, но не и за парламентарните.

„Мислам дека таква предизборна коалиција нема да му користи ниту на СДСМ ниту на ДУИ. Не мислам дека ние ќе бидеме спасители и да влеземе во такви предизборни коалиции поради атер. Тоа нема да му помогне ниту на СДСМ ниту на ДУИ. Се уште постојат разлики во програмите. Ние имаме програмски разлики на национални линии“,вели Али Ахмети – претседател на ДУИ.

Шанси за предизборна коалиција веројатно нема, но лидерот на СДСМ, Заев, очекува соработката со ДУИ да продолжи. Вели дека има доверба во Ахмети бидејќи, како што вели, сегашната коалиција им била склучена врз основа на политичките програми, и ќе продолжи се додека се почитува таа програма.

„Дома може да се сакаме и да си веруваме, си веруваме овде додека служиме добро на граѓаните. Во првиот момент може да се разделиме, да ја зајакнеме соработката или да не сменат граѓаните на кои служиме“,истакна Зоран Заев – претседател на Влада.

Засега надвор од коалициите превдодени од СДСМ и ВМРО-ДПМНЕ, можна е предизборна соработка уште кај албанските опозициски партии – БЕСА и Алијанса за албанците.

Свет

Полска ја зајакнува границата кон Русија и Белорусија

Премиерот на Полска, Доналд Туск денеска изјави дека почна осовременувањето и утврдувањето на источна граница со Белорусија и Русија, за што се наменети 2,3 милијарди евра.

- Тој план за одбрана и одвраќање го нарековме „Штит на Истокот“ … кој ќе нè брани од потенцијалните напади од исток, но пред сè ќе има за цел да го одврати непријателот. Системот на утврдувања, зајакнување, модернизирањето на 400 километри од границата со Русија и Белорусија ќе биде фактор на одвраќање, стратегија да се избрка војната од нашата граница, истакна Туск.

Тој најави дека следната недела ќе објави нови мерки за спречување провокации, саботажи и диверзии во рамките на хибридните напади од Русија и од Белорусија.

Зборуваме за потребата да се изгради силна држава, отпорна на саботажи и саботажи. Полска ќе биде отпорна држава и безмилосна до болка кон секој што ќе се обиде да ја дестабилизира ситуацијата во нашата земја, наведе Туск. Претходната влада на конзервативната партија Право и правда на границата подигна ограда висока повеќе од пет метри за да ги запре мигрантите.

Полска без оглед кој е на власт тоа го третира како руски и белоруски хибриден напад и обид за префрлање на десетици илјади бегалци во Полска со цел да се дестабилизира земјата но и другите членки на Европска Унија./МИА

Свет

Евакуирани околу 10.000 луѓе од украинската област Харков

По копнениот напад на руската армија приближно 10.000 луѓе се евакуирани од областа Харков, североисточна Украина.

Гувернерот на Харков, Олег Синегубов наведе дека украинската армија одбила два обиди за пробивање на одбраната во текот на ноќта, но оти ситуацијата е „под контрола“.

Руските сили нападнаа неколку градови, вклучувајќи го и Вовчанск, на само пет километри од границата.

Во периодот од 9 до 15 мај руските сили зазедоа 278 квадратни километри украинска територија, што е најголем напредок од крајот на 2022 година./МИА

Македонија

Лидерите на ВЛЕН на средба со Курти во Приштина

Додека завршуваат разговорите за формирање на новата влада во Скопје, денеска во Приштина се одржува средба меѓу лидерите на коалицијата ВЛЕН и премиерот на Косово, Албин Курти, најавија партиски извори.

Според овие извори, Арбен Таравари, Изет Меџити, Африм Гаши, Билал Касами и Беким Ќоку денеска во Владата на Косово биле примени од премиерот Курти.

Тема на разговорите, ќе биде соработката меѓу владата на Косово и новата влада во Македонија.

Извор: Лидери.мк