Александра, која има повеќе од 1,9 милиони фанови на Инстаграм под прекарот Алексас Морган, заработува околу 200 000 фунти годишно со објавување голи и провокативни содржини, пренесуваат британските медиуми.
За разлика од другите влијателни девојки на социјалните мрежи, таа се обидува нејзината содржина да биде смешна, што е со воодушевување прифатено од нејзината навивачка армија. Во некои од нејзините омилени пози, Александра се облекува како бабичка, наречена Мими.
Таа заработува по 2.000 фунти од објава на Инстаграм, а има и дополнителни приходи од платформата onlyfans.com, каде споделува ексклузивни фотографии и видеа, за кои фановите плаќаат 8 фунти месечно.
Американката од Флорида има обожаватели од Аргентина, Шпанија, Индија и од целиот свет, а профитабилната кариера секојдневно и носи илјадници комплименти, покрај парите и славата на интернет.
„Вака изгледа рајот“, „дефиницијата за сексипил“, пишуваат нејзините фанови. „Кој не сака ваква баба“, се шегуваат некои, но славата на интернет и ’ја донесоа и неизбежните тролови. Иако некои ја нарекуваат пластична, таа не им обрнува внимание.
Вели дека сака да ги натера луѓето да се смеат и дека повеќето од нив го сакаат тоа што го прави и тоа е единствената работа што е важна за неа. „Дури и мајка ми. Таа ми е голема поддршка“, вели Алексас. Додава дека пораснала во скромно семејство со три сестри.
Кога стана интернет sвезда, таа го промени планот - вели дека планира да има неколку работни места во следните пет до 10 години, како и да инвестира во недвижнини.