Македонија

СДСМ: Ја унапредуваме здравствената заштита и условите за работа на медицинскиот персонал

Владата предводена од СДСМ постојано вложува во унапредување на здравствената заштита и подобрување на условите за работа на медицинскиот персонал.

Мерките и политиките ги насочуваме кон обезбедување на достојни услови за работа и привлекување на младите доктори.

Веднаш по завршувањето на образованието тие имаат отворена шанса за работа во здравствените установи.

Веќе се објавени два јавни повика за шест месечна платена работа за лекари и патронажни сестри.

Сите 290 заинтересирани и пријавени кандидати ќе започнат со работа во следниот период.

За првпат, Владата предводена од СДСМ обезбеди средства за приватните специјализанти и одобрени се 931 специјализација за четири годишниот период.

Платите во здравството постојано растат.

Покачена е платата за 10 отсто на медицинските сестри и 15 отсто на докторите специјалисти.

Со ребалансот на буџетот, септемвриската плата во во здравството се зголемува за дополнителни 5 отсто.

Остануваме на нашето ветување до крајот на мандатот, платата на лекарите специјалисти да изнесува 100 илјади денари.

Матичните лекари од следниот месец ќе добијат поголема капитација со што ќе се реши уште еден долгогодишен проблем наследен од ВМРО-ДПМНЕ.

Ги зголемивме коефициентите за исплата на дежурства, ноќен труд и дополнителна работа на здравствените работници. Со тоа ги мотивираме лекарите и медицинскиот персонал, да останат тука, да продолжат да работат во јавното здравство.

Како одговорна партија преку конкретни мерки остануваме посветени на грижата кон пациентите и здравствените работници.

Го унапредуваме здравственот систем во интерес на граѓаните, лекарите и медицинскиот персонал.

СДСМ

Центар за комуникации со јавноста

Македонија

Сообраќајот непречено по наместа влажни коловози

 Сообраќајот на државните патишта се одвива непречено, по наместа влажни коловози. Интензитетот на сообраќај на патните правци надвор од градските средини е умерен. 

На граничните премини од македонска страна, нема подолги задржувања за влез и излез од државата, соопшти АМСМ.

Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај мост на река Шемница на Државен пат Р1101 км 85+903, делница Прилеп - Битола", и тоа од 27.03.2024 ќе има целосно затворање на делницата.

На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.

Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.

Македонија

Пожар во Дом за стари лица во струмичко Банско, нема повредени

Пожар синоќа избил во Дом за стари лица во село Банско, Струмичко. Нема повредени лица, предизвикана е само материјална штета, соопшти Центарот за управување со кризи (ЦУК).

Според Регионалниот центар за управување со кризи - Струмица, пожарот бил пријавен околу 23.30 часот. Во гаснењето на пожарот интервенирале седум пожарникари со две противпожарни возила. Пожарот целосно е изгаснат во 50 минути по полноќ.

- Прво биле евакуирани лица од катот каде што бил пожарот, потоа од долните катови. По целосното гаснење на пожарот, евакуираните лица полека се вратени на местата, собите од каде што биле евакуирани. Причината за пожарот и материјалната штета дополнително ќе бидат утврдени, појаснуваат од ЦУК.

Во денешното соопштение се наведува и дека изминатото деноноќие имало вкупно 1.759 повици на единствениот повикувачки број за итни случаи - 112 во ЦУК.

Свет

Шолц го осуди нападот врз европратеник од германската Социјалдемократска партија

„Мораме јасно да ставиме до знаење дека никогаш не смееме да трпиме такви акти на насилство“, рече Шолц на конгресот на Партијата на европските социјалисти (ПЕС) во Берлин.

Германскиот канцелар Олаф Шолц остро го осуди синоќа нападот во кој беше претепан европратеник од неговата германска Социјалдемократска партија и изрази загриженост дека ваквите акти на насилство се зголемуваат и „се закана“ за демократијата во земјата.

„Мораме јасно да ставиме до знаење дека никогаш не смееме да трпиме такви акти на насилство“, рече Шолц на конгресот на Партијата на европските социјалисти (ПЕС) во Берлин.

Тој предупреди дека „демократијата е загрозена од таквите постапки“.

На конгресот во Берлин, партијата објави во декларација дека гласачите може да сметаат на европските социјалисти дека ќе се спротивстават на крајната десница.

„Никогаш нема да соработуваме, ниту да коалицираме со екстремната десница“ – ова е цврстото ветување на гласачите што левичарските политички лидери денеска го дадоа во декларацијата што ја усвоија во германската престолнина.

притисни ентер