Вандали уништија урбана опрема во штипската населба „8 Ноември"

Вандали уништиле урбана опрема во еден од најубавите и најпосетените паркови во Штип. 

Јасминка Петешева вработена во ЈП „Исар"-Штип вели дека комплетно се уништени клупите во паркот и во летниковецот, како и детските реквизити во самото игралиште. Но, ова не е единствената штета која ја имаат забележано и покрај апелите на овие летни горештини да не се уништуваат и крадат славините на јавните чешми. Но, и покрај апелите во населбата Дузлак регистрирале комплетно уништена јавна чешма, која од пред неколку дена е приспособена за потребите на граѓаните.

-Уште еднаш ги замолуваме граѓаните да не се однесуваат вандалски кон урбаната опрема, која во текот на овие високи температури и тоа како им е потребна, како на повозрасните, така и на помладите, вели Петешева.

Таа истакна дека од денеска до крајот на неделава, штипското комунално претпријатие активно ќе ги мие улиците низ градот.

-Имајќи ги во предвид високите температури, активностите за миење на улиците ќе се одвива во текот на ноќните часови, вели Петешева./МИА

Од утре почнува со работа патарината кај Гевгелија

Новата наплатна станица Гевгелија од утре ќе започне со работа.

Како што соопштија вечерва од АМСМ,  патарината ќе започне со работа од 7 часот изутрина.

Според ценовникот на Јавното претпријатие за државни патишта – ЈПДП, цената за возила од Б категорија со две осовини ќе изнесува 100 денари додека при готовинско плаќање во евра таа ќе изнесува 2 евра. 

Ужас во Сараево -15 годишно момче со секира убил тинејџер

Момче на 15 годишна возраст , по кавга и физичка пресметка , со секира убило 17 годишно момче .

Во сараевската населба Сарај Поле околу 19 часот се случи трагедија , кога 15 годишно момче уби 17 годишник.

На убиството му претходела кавга и тепачка , по што едно лице завршило во болница.

Во тек е увидот и истрагата за овој случај што ја потресе БиХ.

Со дефиле како пред 75 години , Париз го одбележа ослободувањето од нацистите (ВИДЕО)

Париз денеска ја одбележа 75. годишнината од ослободувањето од нацистичката окупација во Втората светска војна.

Со дефиле со американски тенкови и други воени возила  од времето на Втората светска војна , со оддавање почит на припадниците на Движењето на отпорот и со дигање на француското знаме на Ајфеловата кула , Париз се сети на денот на ослободувањето .

Пожарникарите го подигнаа знамето на Ајфеловата кула во знак на сеќавање кога француската тробојка ја замени нацистичката.

притисни ентер