Властите овој потег го претставија како борба против безаконието , но за опозицијата станува збор за сузбивање на демократијата. Ова е еден од првите потези на новата Влада на Киријакос Мицотакис , кој лично се залагаше за укинување на студентскиот имунитет.
„Не сакаме полиција на факултетите. Но, сакаме да се ослободиме од групите што го загрозуваат животот на студентите“, рече Мицотакис во грчкиот парламент, мислејќи на анархистите.
Конзервативците веќе долго време тврдат дека идејата за факултети како засолништа веќе одамна го изгубила своето значење и се злоупотребува од криминалци, на што многу универзитетски професори се жалат за насилство и земање наркотици на јавни места без да се кријат.
Мицотакис додаде дека за време на нивното факултетско образование, студентите имале можност да видат како овие простори ги контролираат различни групи поврзани со дрога и дека подрумите на различни факултети се користат за производство на молотови коктели.
Азил на факултет е историско наследство од владеењето на диктаторот Пападопулос. Полицијата честопати вршела упад на факултетите, па на крајот на 1973 година студентите се дигнаа против неговиот режим и од тогаш полицијата нема пристап.