Иако без конректни рокови, уверуваат дека во следниот период интензивно ќе се работи на Кичево –Охрид и Скопје – Блаце .
Министерот за транспорт и врски Горан Сугарески уверува дека првите 2км од автопатот кон Блаце ќе бидат отпочнати оваа година. Се чека одобрение на проектот за конечно да се објави тендерот. Во меѓувреме се работи на проектирање на останатите 10,5км.
-Ревизијата на градежен завршува доколку нема забелешки веднаш ќе се објави тендерот. Најбрзо очекуваме првите 2км оваа година да бидат отпочнати. Другите 10,5км се работи, наредна година да се заврши проектот за кога ќе се завршат тие 2км, паралелно да се почне и со тие 10,5км, изјави Горан Сугарески, министер за транспорт и врски.
Откако кинеската Ексим банка одобри ефтин кредит за да продолжи Кичево – Охрид, министерот очекува веќе наредната година возачите да може да возат и по половина од автопатот. Очекувањата се првите 30км од Охрид до Врбјани да бидат оспособени за возење.
Ние сме известени дека се одобрени парите и очекуваме овој период да се пристапни и да се динамизира процесот. Планираме наредната година да пробаме тие 30км од Охрид до Врбјани да ги оспособиме да се вози тој пат. Половина автопат да биде во функција, а другиот дел согласно рокот 2021 да е целосно завршен, истакна Горан Сугарески, министер за транспорт.
Сугарески денеска со градоначалникот на општина Бутел, Велимир Смилевски, извршија увид во градежните работи во индустриската зона Визбегово, каде се поставува нова водоводна мрежа, која според најавите треба да биде целосно изградена до март следната година. До сега поставени се 25%, а до септември годинава треба да биде објавен тендер и за нов канализациски систем.