Македонија

„Таргет-Тврдина": Мијалков го испрашуваше Костовски за „бомбите"

Во Кривичнот суд, во првиот дел од денешното рочиште за случајот „Таргет – Тврдина", обвинетиот Сашо Мијалков вкрстено го испрашуваше сведокот Звонко Костовски инженер во петтата управа во МВР.

Мијалков му поставуваше прашања во однос на тоа како се зачувувале снимените материјали од системот за следење на комуникации, за што Костовски кажа дека се зачувувале со преименување, односно дека се ставало името на говорниците и датумот на разговорот.

На прашање зошто се преземал ризик и од мемориски стик фајловите се префрлувале на ДВД и потоа се изнесувале од МВР, на што сведокот кажа дека така било договорено.

Во однос на тврдењето на Костовски дека тие разговори се снимени во МВР, Мијалков го праша дали може да го докаже тоа. Костовски одговори дека има неколку индикации за тоа. Прво дека со други системи не може да се постигне таков квалитет на разговорите. Исто така доколку има двојна линија, втората не се слуша. Трето, кога таргетот ќе заѕвони на некој со уредот се снимаат и разговори во просторијата, додека да крене соговорникот.

Се отвори дискусија за презентацијата на израелскиот систем за следење на комуникации, што била спроведена во МВР, во канцеларијата на Мијалков, при што Костовски наведе дека тој систем може да следи и до 30 броеви што во моментот остваруваат повик во радиус до еден километар од местото каде што е поставен уредот.

По неколку прашања во однос на системот, начинот на бирањето на броевите за следење, прописите за избор на броеви за следење, одобрувањето за презетација на системот… Костовски образложи дека не знае според кои прописи се одбираат броевите за следење, дека презентерите направиле случаен избор и дека слушале некој од тие броеви, објасни дека за да се следи комуникацијата на некоја личност на тој начин, човекот постојано физички треба да се следи.

Мијалков му постави неколку прашања на Костовски во однос на неговата затворска казна, поточно, дали ја отслужил целосно затворската казна, дали бил ослободен со аболицијата од претседателот, дали се вратил во затвор откако е укината аболицијата, Костовски кажа дека е вистина оти му била укината казната, но судечкиот совет одлучи другите прашања да не бидат одговорени.

Обвинетиот поранешен директор на УБК, поставуваше прашања во однос на тоа дали тој бил таргет во системот, на што Костовски одоговори дека не бил, туку, како што појасни Мијалков бил преслушуван како соговорник, односно биле експортитани неговите разговори.

Мијалков му посочи на Костовски дека во исказот кажал дека не земал пари за нелегално снимените разговори кои ги изнел од МВР за да послужат како доказ, нагласувајќи му дека сепак имал акции во вредност од 40.000 евра, на што Костовски кажа дека тоа не е вистина и оти Судот може да го провери тоа.

Рочиштетот продолжи со испитување на сведокот Сашо Трајковски, од страна на Специјалното јавно обвинителство.

Во предметот „Таргет-Тврдина" на СЈО се обвинети поранешниот началник на Петтата управа во МВР Горан Грујевски, Никола Бошкоски, поранешната министерка за внатрешни работи Гордана Јанкулоска, поранешниот директорот на УБК Сашо Мијалков, Тони Јакимовски, Владимир Варелов од УБК и уште пет други лица од Управата.

Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби.

Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Прислушувани биле над 20 илјади граѓани. /МИА

Живот

Потрошил 14.000 евра за да стане куче, а сега повторно шокира со новиот кучешки костум (ВИДЕО)

Претходно пишувавме за Јапонец, кој се крие зад прекарот Токо.

Тој потрошил повеќе од 14.000 евра на костим за куче, со цел да го исполни детскиот сон и да го запознае светот од перспектива на животното.

Сега тој повторно го шокира светот, откако претстави хиперреалистичен костим на маламут од Алјаска што му овозможува да прави „нови трикови“.

Потсетуваме, Јапонците ангажираа експерти од компанијата „Цепет“ на кои им биле потребни 40 дена за реализација на проектот.

Му дале импресивен костим на овчарско куче со густо крзно и анатомски исправни екстремитети, но неговата глава била „најслабиот“ елемент.

Сега Токо претстави нова инвестиција, а костимот од Alaskan Malamute изгледа импресивно, со можност за движење на опашката и устата, пренесува Oddity Central.

Тој признава дека ја крие својата страст од пријателите, семејството и колегите на работа, плашејќи се од суд, но не планира наскоро да се откаже од хобито.

Ако ништо друго, се чини дека тој е сѐ повеќе и повеќе опседнат со кучешкиот живот секој ден.

Живот

„Жешката“ полицајка која му играше во скут на шефот доби отказ, но не за снимката (ВИДЕО)

Њујоршката полицајка Вера Мекали (26) се најде во центарот на вниманието на јавноста откако беше објавено видео на кое таа танцува во скутот на тогашниот шеф.

Оттогаш поминаа три години, а жената сега е отпуштена - од други причини, објави Дејли Стар.

По жешкото видео од забавата, Вера продолжи да работи во службата, а нејзиниот шеф бил префрлен на ново работно место.

Сепак, иако не добила отказ, по две години од егзотичното танцување, Вера била суспендирана поради мешање во апсењето на нејзиниот девер кому се обидела да му помогне кога бил запрен поради возење во пијана состојба.

Вера ги нападна полицајците од Њу Џерси затоа што го фатиле, велејќи дека „не ја завршиле добро работата“.

Како што пренесуваат американските медиуми, таа боса втрчала во станицата и врескала дека е полицајка.

Таа барала да ѝ кажат зошто мажот е уапсен.

Истрагата покажала дека полицајците направиле сѐ по протокол, а Вера била исфрлена од полициските сили.

„Тато, згрешив, се срамам што те посрамотив тебе и семејството“, му рекла Вера на својот татко и додала дека сѐ „требало да биде шега“.

„Не бев свесна дека му ја уништив кариерата, сега изгледа како лош човек, извини“, рекла поранешната полицајка.

Свет

Во куќата на нацистички лидер се пронајдени човечки остатоци- сите немаат шаки и стопала

Група аматерски истражувачи пронашле коски од пет луѓе во куќа која некогаш му припаѓала на еден од најблиските соработници на Хитлер - Херман Геринг.

Остатоците се пронајдени во трошна зграда во близина на поранешното седиште на Адолф Хитлер, Волчјо дувло, во денешна Полска, пренесува Der Spiegel.

Во густо пошумена област покриена со бункери, националсоцијалистите изградиле добро обезбеден квази-мал град за нивното раководство - вклучувајќи кино, чајџилница и противвоздушни станици.

Речиси 80 години подоцна, Волчицата била обрасната со плевел и природата ги „голтнала“ куќите, а се верувало дека урнатините на куќата што некогаш ја користел Геринг биле добро истражени. Меѓутоа, кога археолози аматери од Полска и Германија почнале да бараат под дрвениот под, ископале човечки череп на длабочина од десет сантиметри.

Веднаш повикале полиција, но немало докази дека таму е извршено неодамнешно злосторство. Тогаш тимот истражувачи, предводен од Октавијан Бартошевски, почнал да копа понатаму. Како што пишува Der Spiegel, пронајдени се останките на уште три лица, тинејџер и бебе.

„Можеби се работи за семејството кое било погребано во куќата на Геринг, пишува Der Spiegel.

Засега не е јасно чии се посмртните останки. Можно е дека остатоците веќе биле таму за време на изградбата на куќата, како што знаел фелдмаршалот Рајх. Меѓутоа, можно е и овие луѓе да дошле во Волчицата по завршувањето на Втората светска војна.

Полското јавно обвинителство сега сака да утврди дали масовното убиство има врска со нацистите.

Она што ги загрижува сите е тоа што на сите скелети им недостасуваат шаки и стопала. Постои можност коските да изгниле во текот на децениите, но и некој да им ги отсекол екстремитетите.