Тешко повреден маж од струен удар кај железничката во Трубарево

Машко лице меѓу 20 и 25 години се здобило со тешки телесни повреди од струен удар во близина на железничката станица Трубарево при обид за кражба.

,,При обид за кражба во текот на денешниот ден во 12:58 часот на железничката станица во Трубарево се случил несреќен случај, односно лице на возраст од 20 до 25 години се здобил со тешки телесни повреди, кој со возило на итна помош е пренесен во болница, информираат од Македонски железници – Инфраструктура.

Како што појаснуваат повреденото лице движејќи се по пруга се качило на шинско возило за одржување на контактната мрежа (дрезина) која била оставена на електрифициран колосек и по доближувањето во опасна зона на контактнта мрежа се здобил со струен удар.

При струениот удар, како што наведуваат, лицето се здобило со висок степен изгореници по телото.

Случајот е пријавен во полиција која работи на негово целосно расчистување.

Бојан Јовановски во 12 часот на распит кај Вилма Русковска

Бојан Јовановски во јавноста познат како Боки 13 денеска во 12 часот во обвинителството за гонење организиран криминал и корупција ќе биде донесен  од притворот во Шутка на распит кај обвинителката Вилма Русковска.

Пред обвинителството е Михајло Видимлиски,ова  е прво соочување на Боки 13 со обвинителката Рускоска по скоро три месеци од мерката притвор која му беше одредена за случајот “Рекет”.

Џафери во посета на Казахстан

Како што соопшти Кабинетот на претседателот на Собранието, во состав на делегацијата е и пратеникот Енес Ибрахим.

Претседателот на Собранието на Република Македонија Талат Џафери, денеска и утре учествува на Четвртиот состанок на претседателите на парламентите на земјите од Евроазија на тема: „Голема Евроазија: Дијалог. Доверба. Партнерство", во Нур-Султан, Република Казахстан.

На состанокот учествуваат парламентарни делегации од шеесетина земји и 39 претседатели на национални парламенти од Европа и Азија, како и 13 меѓународни парламентарни собранија. Се очекува на крајот од состанокот да биде усвоен Финален документ со препораки за поблиска соработка меѓу државите и унапредување на дијалогот, довербата и партнерството во регионот.

По завршувањето на овој мултилатерален форум, на 25 и 26 септември 2019 год, претседателот Џафери ќе оствари официјална посета на Република Казахстан, на покана од претседателот на Мажилисот на казахстанскиот Парламент Нурлан Нигматулин. /МИА

Помпео ќе се состане со Лавров в петок

Американскиот државен секретар Мајк Помпео треба в петок да се состане со шефот на руската дипломатија Сергеј Лавров на маргините на заседанието на генералното собрание на ОН во Њујорк.

Тие последен пат се сретнаа кон средината на мај во Сочи во Русија. Од тогаш Москва и Вашингтон се повлекоа од билатералната спогодба за нуклеарните сили од среден дострел што се заканува повторно да ја стартува трката во вооружување.

притисни ентер