Мицкоски од Гостивар: Ве молам да ни дадете шанса да покажеме дека сме поразлични

Претседателот на ВМРО-ДПМНЕ, Христијан Мицкоски денеска оствари средба со граѓаните од Гостивар, се наведува во партиското соопштение.

Тој од Гостивар кажа дека секаде во Македонија слушал дека иден претседател на Република Македонија ќе биде професорката Гордана Силјановска Давкова, со што ВМРО-ДПМНЕ ќе ги победи СДСМ најпрво на 21 Април, потоа и на 5 Мај, а потоа и на предвремените парламентарни избори.

- Во разговорите со граѓаните слушам дека секаде има разочарувањето од сета онаа лага којашто ја кажуваше Зоран Заев и СДСМ и предизвикала голема депресија кај народот. Тешко и траорно е да се разговара за реалните проблеми кои се нивно секојдневие.Уште потешко е кога на прво ќе се појавите и почуствувавате од нивна страна една недоверба затоа што во вас како политичар гледаат или човек што дошол овде да лаже, а ако лаже да добие можност понатаму да краде. Таа е реалноста во Македонија. Јас сум овде и стојам пред вас овде исправен и ве гледам очи во очи и само со една молба, а тоа е да ве замолам да ни дадете шанса да покажеме дека сме порзлични и да видите дека таа шанска ќе биде искористена навистина, истакна претседатело Мицкоски.

Претседателот Мицкоски посочи дека Зоран Заев заедно со СДСМ во изминатиот период имаат кажано многу невистини и тие невистини резултираат со големо разочарување кај граѓаните.

-Се сеќавате на оние говори коишто Зоран Заев гии говореше дека не бил покојниот Никола Младенов починат затоа што се случило сообраќајна несреќа, туку тоа грозоморно некој му го договорил за да години потоа видиме како сопругата на Никола Младенов ја изговори вистината и каже дека тој го изгубил својот живот заради неприлагодената брзина на условите на патот. Кој лажеше овдека, која ја говореше вистината. И до ден денеска го нема овој премиер Зоран Заев да излезе и да ги погледне граѓаните и да им каже вистината на граѓаните, порача Мицкоски.

Тој имено потсети и на малиот Мартин Нешковски, на младите животи кои несреќно згаснаа на Смилковско Езеро за кои Зааев велеше дека имал докази за една поинаква вистина од таа што е. Но и до ден денеска не се знае што мислел Зоран Заев, ниту пак се знаат вистинските сторители на тие немили настани.

- Неправда е кога ќе ги редат чевлите пред Влада како опозиционери , а денеска симболизираат дека тоа е големо изелување и дека не се задоволни со политиките на тогашната владат за да денеска видиме дека ниту еден човек не дојде по својот пар чевли, туку напротив илјадници наши сограѓани трајно ја напуштија Македонија бидејќи се разочарани од ветувањата на Зоран Заев и врхушката на СДСМ, објасни Мицкоски.

-Неправда е кога на докторите ќе им ветите плата од 100 илјади денари, кога ќе ветите реновирани клиники, а денеска ги гледаме докторите како трајно заминуваат од Mакедонија и ги полната клиниките во Eвропа и Aмерика. Неправда е кога на младите ќе ветите младинска гаранција и сигурни места, а денеска привилигирани ќе бидат само до 7 колено роднините на Mира Дизел затоа што му била слуга на Зоран Заев, додаде Мицкоски.

Претседателот Мицкоски потсети дека во Струмица ги спомнал петте струмички студенти кои кои своите животи на Беласица ги дадоа за ова парче земја.

Денеска нов обид да се намалат цените на осигурителните полиси

Во пресрет на конечната одлука дали ќе продолжиме да плаќаме поскапо осигурување за 15 отсто при регистрација на возилата,  Агенцијата за супервизија на осигурувањето и Групацијата на осигурителните компании и натаму со спротивставени ставов

Од Агенцијата уште еднаш потенцираа дека зголемувањето на цените е неоправдано и оттаму ја охрабрија Владата, преку измени на тарифникот – да ги намали цените на полисите.

Според анализата на Агенцијата, 10 осигурителни компании оствариле добивки за 2023 година, а само една завршила со загуба од работењето. Според супервизорите, со зголемена цена, ќе се создаде комфорна зона во работењето на компаниите, без да се насочат на иновации и подобрување на ефикасноста.

-Зголемувањето на цената на осигурувањето не е во функција на јакнење на заштитата на осигурениците. Тоа е само и исклучиво во функција на покривање на трошоците за оперативно работење на компаниите за осигурување. – Агенција за супервизија на осигурување

Со спротивен став излегоа од Групацијата на осигуритените компании при Стопанската комора. Тие реагираат дека Комисијата за автомобилска одговорност 15 години не извршила корекција на цените, кои според Националното биро за осигурување, се неодржливи. Велат дека осигурителната индустрија во делот на осигурување лани претрпела загуба во износ од 176 милиони денари.

-Јавноста треба да биде запознаена со податокот дека имаме најниска цена за авто осигурување во регионот. Во изминатите години имаме раст на цените на автомобилите од 70% - 100%, на резервните делови за 100%, на платите за 83%, индексот на трошоците на живот од 2008 до 2023 година е зголемен за 52,83%, нето трошоците за спроведување на осигурувањето за 215%, што ги прави неодржливи цените на автомобилското осигурување. – Групација на осигурителни копмании при Стопанска комора

Поскапувањето на полисата за осигурување стапи на сила од минатата недела и граѓаните плаќаат од 840 па до речиси 1600 денари поскапа цена, во зависност од моќноста на возилото.

Бојмацалиев:Граѓаните да пријават ако имаат какви било закани за нарушување на изборниот процес

Бојмацалиев соопшти дека финансиите за бонус плата се обезбедени и ќе бидат исплатени по завршување на техничката Влада, во износ од 36.000 денари. 

Одделенијата за внатрешни работи Неготино и Кавадарци се подготвени за изборите на осми мај, а граѓаните доколку имаат какви било закани за нарушување на изборниот процес, да пријават, истакна денеска дополнителниот заменик министер за внатрешни работи Митко Бојмацалиев, кој заедно со директорот на БЈБ, Сашо Тасевски, беше во работна посета на подрачјето на Секторот за внатрешни работи Велес.

Тие остварија средби со раководствата на одделенијата за внатрешни работи во Неготино и во Кавадарци, во рамки на серијата посети во сите сектори ширум земјава.

Од страна на раководството на овие организациски единици, потенцира Бојмацалиев, бил брифиран за постигнатите резултати во изминатите три месеци од оваа година, а ја оцениле и за поволна и безбедносната состојба.

Притоа, тој истакнал дека се подготвени за претседателските и парламентарните избори 2024, во насока на професионално извршување на своите надлежности.

- Им честитам на колегите од СВР Велес за одличната организација и координираност во врска со првиот круг од претседателските избори 2024 година, со уверување дека и во вториот круг од претседателските и парламентарните избори што ќе се одржат на осми мај, ќе продолжат со професионално извршување на полициските работни ангажмани, со цел гарантирање на демократски изборен процес. Уште еднаш македонската полиција да покаже и докаже на дело дека е тука за граѓаните слободно да го искажат својот глас, без притисоци и уцени од кого било подвлече Бојмацалиев.

Во одредени сектори, додаде, според сознанијата на оперативниот штаб на МВР, ќе биде направена реорганизација со зголемено присуство на полицијата, на тие места на денот на изборите.

Бојмацалиев соопшти дека финансиите за бонус плата се обезбедени и ќе бидат исплатени по завршување на техничката Влада, во износ од 36.000 денари.

- Секоја година со покачување на минималната плата, се покачуваше и платата во полицијата, годинава не е покачена заради распишаните избори, но во кординациија со Македонскиот полициски синдикат, потпишани се сите документи, кога има законска можност платата на вработените во полиција ќе се покачи за 10 отсто. Со тоа покачување и покачувањата од периодот 2017 до 2023 година од 35 отсто, вкупно покачувањето ќе биде 45 проценти, истакна тој.

Младеновска: Комуникацијата со економската директорка Иљази се одвивала со преведувач

И покрај опомената на Државниот санитарен и здравствен инспекторат здравствените работници кои останаа без потпишани договори за работа доаѓале на работа и се пријавувале во системот за работа, изјави директорката на ДСЗИ Рената Младеновска.

Од ДСЗИ рекоа дека ќе донесат решение за забранет пристап на клиниката на поранешните вработени. Доколку не се почитува и ова решение клиниката и двајцата директори ќе бидат казнети. Иако претходните мерки од страна на ДСЗИ не биле потпишани само од економската директорка Иљази.

„Со оглед на фактот дека на самиот надзор присуствуваа двајцата директори и медицинскиот и организацискиот беше доставена документација во однос на листи од електронска евиденција на работно време и контрола на пристап во просториите од истите документи ДСЗИ го констатираше следново: По точка 1 и 2 од решението издадено за опомена не се постапува, односно здравствените работници соработници коишто немаат договор за вработување, односно договорот им истекол на 31.12.2023 година истите се евидентираат и понатаму на Клиниката за токсикологија што значи дека под точка 1 и 2 не е постапено од решението, рече Младеновска.

И од ДСЗИ потврдија дека комуникацијата со економската директорка Иљази се одвивала со преведувач, бидејќи таа не разбира Македонски јазик.

„Со организациската директорка, како што изјави, разговарале со преведувач бидејќи таа не го користи македонскиот јазик“

Денеска се одржал управен одбор на клиниката каде било речено поранешните вработени до 9 Мај да не доаѓаат во клиниката. Извори од клиниката канал 5 ќе има проемни на клиниката и дека поранешните вработени ќе бидат вработени, а најверојатно досегашниот директор Данил Петровски ќе биде разрешен како што најави и министерот Демири.

притисни ентер