Полицијата им подготви изненадување на крадците на ремек-дело вредно 3 милиони евра

Во северна Италија крадци украдоа ремек- дело од 17. век , вредно 3 милиони евра.

Полицијата подоцна објави дека крадците сепак се измамени и сликата на ренесансниот фламански сликар Питер Бругел , што е кај нив, е само фалсификат. Тие по сознанијата дека се подготвува кражба на сликата , го замениле оригиналот со копија.

Дознале дека ќе ја ограбат црквата во местото Кастелнуово Магра и пред еден месец поставиле фалсификат на местото на ремек – делото , што бил подарок за црквата од почетокот на 20. век. Биле поставени и безбедносни камери на црквата, но крадците , кои неделава ја украле вредната слика,се уште не се фатени.

Тие вчера со чекан ја скршиле витрината и ја украле сликата , очигледно без да знаат дека е копија. Дури и градоначалникот Даниеле Монтебело , кој го знаел планот на полицијата , објавил дека е украдено вистинското ремек- дело и изјавил дека станува збор за слика со непроценлива вредност.

притисни ентер