Традиции за „Тримир" и голема хуманост

 Богата и долга традиција на чествување на денешниот празник Тримир на почетокот на Велигденските пости во Прилеп.

 Прилепското здружение „Преродба" долго ги негува и ги одржува традициите и обичаите што се пренесуваат од генерација на генерација. Здружението го одбележува Тримир, денот посебен за младите невести, девојките, мајките и за свекрвите, но денеска продолжува и голема хумана акција на дарување за семејството на прилепскиот бранител Драган Спасоски.

Објаснувајќи ја традицијата, Љубица Трајкоска од здружението „Преродба" вели дека ова е посебен ден за младите невести и девојки кои одат на посна трпеза кај мајките.

– Овој ден е посебен за жените, невестите, за мајките, за свекрвите. Традицијата продолжува од генерација со генерација. Некои си држат Тримир што трае три дена. Денеска се оди в црква каде од свештениците се добива благослов, крстена вода, нафора. Потоа младите невести, ќерките одат кај своите мајки. Постите си продолжуваат до Велигден. Тримирот значи духовно и телесно испостување. Духовното постење е посебно. Потребно е да си чист во душата за да почнеш да постиш, објаснува Трајкоска.

Прилепчанката Цвета Рунеска објаснува дека мајките ги наградуваат ќерките за постењето.

– Младите невести одат кај мајките. Мајката, како награда што ќерката го издржала тримирот-постењето и приготвува посна трпеза, како зелник, грав, сарма, пченица, овошје. За да биде поголема свеченоста, мајката ја поканува свекрвата која во придружба на неколку жени оди на гости. Носи подароци: боза, кравајче и баклава. И се знае – со убава трпеза е и весела дружбата, вели Рунеска.

Менче Пејоска објаснува дека Прилеп има посебен и единствен специјалитет- бела пченица. Се прави од памтивек.

– Кога бевме деца, мајка ми почнуваше со подготовките, прво накиснувајќи ја пченицата одвечер. Изутрината се цеди, потоа се толчи и пченицата се става да се исуши. Лушпите се отстрануваат, а другото се вари. Се толчат и конопните зрна, се цедат детално додека не бидат бели. Сѐ се меша и ова е специјалитет само во Прилеп, објаснува Пејоска.

Годинава посната трпеза на здружението „Преродба" е поскромна, но со богата хуманост.  Му даруваа пари, а вторпат сега и храна на семејството на прилепскиот бранител Драган Спасоски кој живее во крајно лоши услови. Поради влошената здравствена состојба, деновиве му е ампутирана и ногата.

– Годинава тримирската трпеза е поскромна. Одлучивме да му донираме пари на семејството на прилепскиот бранител Драган Спасески на кого пред два дена му беше ампутирана ногата. По овој настан, ќе одиме кај семејството Спасески за да донираме храна, што беше направено и минатата недела. А многу му треба на семејството. Живее во мизерни услови без вода, без можност да набави храна. Многу е тешка ситуацијата, вели Лиле Ацеска од прилепското здружение „Преродба".

Почна акцијата „Општина без смет за поубав свет" во Крива Паланка

Неколку стотици граѓани од различни возрасни групи учествуваа на денешната голема акција за собирање смет „Општина без смет за поубав свет" во Крива Паланка.

Неколку стотици граѓани од различни возрасни групи, од ученици и спортисти, преку извидници и волонтери на Црвениот крст, наставници и професори, административни работници до планинари и пензионери учествуваа на денешната голема акција за собирање смет „Општина без смет за поубав свет" во Крива Паланка.

Акцијата ја организира локалната самоуправа во соработка со граѓански организации и јавното претпријатие „Комуналец".

Градоначалникот Борјанчо Мицевски изрази задоволство од одѕивот на граѓаните и најави дека акцијата ќе се реализира слендите два месеца.

Се чистеше спортскиот терен, јавните површини, дворовите на колективни станбени згради и уредениот и неуреден дел од Домачки дол. Граѓаните ги чистеа и своите дворови и подруми, депонирајќи го непотребниот шут и опасниот електронски и електричен отпад. /МИА

Спречен обид за напад врз фински министер

Финската полиција соопшти дека нејзини припадници спречиле обид за напад на еден „опасен и агресивен маж”  врз министер во Владата на Финска за време на еден предизборен собир.

Агенцијата „Ројтерс“ пренесува дека полицијата не објавила за кој министер станува збор, а фотографот на локалната агенција „Лехтикува“ изјавил дека бил нападнат министерот за надворешни работи, Тимо Соини.

„На основа на првите информации, агресивен и опасен маж се обиде да му пријде на министерот на изборниот собир на локалниот маркет во Корса во Ванта“ – соопштила полицијата.

Полицијата го привела мажот и тој моментално е на распит за да ги објасни причините за нападот на министерот.

На фотографијата која ја објави агенцијата „Лехтикува“ може да се види маж во црна кошула, на која се наоѓа логото „Војници на Один“.

„Војниците на ДОин“ е организација позната по десничарските и антимиграциските ставови.

Портпаролот на Соини одбил да даде коментар, а ниту полицијата не навела дали напаѓачот бил наоружан.

  

Дујовски: Очекувам доследна кампања од кандидатите за претседател

​Остана уште една недела пред почетокот на кампањата за претседателските избори.

На оваа тема во вестите на Канал 5 Михајло Видимилски разговараше со професорот Никола Дујовски.

Целиот разговор погледнете го во видеото.

притисни ентер