Македонија

Средба Заев-Мицкоски, ќе разговараат за претседателските избори и реформските закони

Премиерот и лидер на СДСМ денеска во 20 часот во Владата на Република Северна Македонија ќе оствари средба со претседателот на ВМРО-ДПМНЕ, Христијан Мицкоски.

Претстојните претседателски избори, реформските закони и се што е во интерес на државата, како што најави Заев, ќе бидат теми за разговор на средбата. Според Заев, за оваа средба нема потреба од формат на повеќе политички партии.

Мене ми е значајно, подвлече вчера Заев, да разговараме за престојните претседателски избори, за евроинтеграцискиот процес на нашата земја заради тоа што дури и НАТО не е завршено се уште.

– Да направиме се што можеме во јуни да го добиеме конечно датумот за отворање на преговорите со ЕУ. Тоа се важни работи, изјави Заев, додавајќи дека ќе разговара како премиер и претседател на најголемата политичка партија со шефот на опозицијата на тие теми, заради тоа што верува во заедничката одговорност пред историските одлуки што нашата земја треба да ги донесе.

И лидерот на ВМРО-ДПМНЕ претходно потврди дека ќе се разговара за тие три значајни прашања.

– Претседателските избори кои следуваат како императив и предуслов за интегрирање во структурите на НАТО и ЕУ, па во делот кој се однесува на реформските закони, бидејќи досега имаше дијалог, тимови работеа на оние закони коишто можеме да кажеме дека се реформски, и ќе разговараме за СЈО и предлог-законот за иднината на СЈО, кој денес го добивме во работна верзија, изјави синоќа Мицкоски во емисијата Отворено на ТВ Алфа.

Во однос на тоа дека средбата ќе се одржи на православниот празник Прочка и дали ќе си простат со лидерот на опозицијата, Заев рече дека е транспарентен во духот на помирувањето.

– Во духот на простувањето и помирувањето сум многу транспарентен, на луѓето што држеа пиштол и што викаа немам чиста мета, им простив, затоа што животот треба да тече напред. Ние со Мицкоски немаме ништо лично. Ќе продолжам да негувам позитивен дух. На нашата земја и треба дијалог, дијалогот е ветер во грб во сите наши аспирации и ќе продолжам во тој дел без разлика колку се инсинуираат лоши зборови. Ќе продолжам во интерес на државата да го негувам дијалогот, рече вчера Заев. /МИА.

Свет

Украина ѝ одговори на Русија по распишаната потерница за Зеленски

Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машинерија и пропаганда“, пренесува „Украинска правда“.

„Руските извештаи за наводното додавање на украинскиот претседател Володимир Зеленски на потерницата на руското МВР го покажуваат очајот на руската државна машинерија и пропаганда. Русите не знаат што друго да измислат за да привлечат внимание“, посочија Украинците. .

„Ги потсетуваме сите дека, за разлика од безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.

Русите не го прецизираа членот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според член од Кривичниот законик“, пишува во базата на податоци на веб-страницата на руското Министерство за внатрешни работи.

Базата на податоци го наведува и местото на раѓање на бараното лице, градот Криви Рих во регионот Дњепропетровск. Објавена е и фотографија од Зеленски, направена пред војната.

Македонија

Работничката партија со апел за обединување и сплотување на македонскиот народ

Дојде до обединување на Македонците и на македонските субјекти од целиот свет.

10 организации на Македонците од светот се обединија и подаваат рака на обединување на Македонците и на македонските субјекти во Македонија. Со цел да се спротивстават на непринципиелните политики против Македонскиот народ и за градење посветла иднина за младите, како надеж за иднината.

За таа цел го праќаме овој Апел - Меморандум за Обединување и сплотување на македонскиот народ, до сите македонски родољубни субјекти, до суверените, избирачите и гласачите. Истиот започна да се потпишува денес, 04.05.2024 г. во Канцеларија во ТЦ Антико, Карпош 4. до КАМ маркетот, Бул. Партизански одреди бр. 82, лок.24. А, ќе продолжи и понатаму и потпишувањето и принесувањето на највредните македонски заложби, иницијативи, концепти, дела, проекти . . . пред Македонскиот и цивилизациски олтар, во Трезорот на македонските и цивилизациски вредности, во Македонскиот мозаик кој ќе продолжиме да го создаваме од сите светли и најсветли македонски камчиња и да продолжиме да го ткаеме Македонскиот ќилим од сите најубави македонски шари, врз потката која е самиот Македонски народ.

Сега е моментот да ги пресечеме антимакедонските политики, партиски програми и цели кои и понатаму го продолжуваат антимакедонскиот курс, а го бараат гласот и довербата на македонскиот народ и суверените!?

Македонскиот глас и доверба немаат цена и секогаш ќе се безвремени, бесценети и во интерес на Македонскиот народ и на Македонија.

Време е за родољубни, некорумпирани и некомпромитирани македонски претставници во власта, во Собранието и Владата, за да ги продолжиме нашиот од по македонскиот пат и опстој и нашето неприокосновено место меѓу народите и државите, како Македонски народ и Македонија!

Своите гласови и довербата да ги дадеме за оние кои застануваат и стојат цврсто за највисоките интереси на Македонскиот народ и на Македонија!

Да престанат страдањата, обесправувањето, геноцидот и уништувањето на македонскиот народ и на македонската земја и држава!, се наведува во партиското сопоштение.

Технологија

Вештачката интелигенција може да го земени и пилотот на моќниот воен авион Ф-16 (ВИДЕО)

Извршен е пробниот лет на авионот Ф-16 на американското воено воздухопловство, кој беше контролиран од вештачка интелигенција.

Целта на американската војска е до 2028 година да има 1.000 борбени авиони без екипаж, објави Дејли Меил.

Пробниот лет на американскиот авион Ф-16 бил извршен во базата на американското воено воздухопловство во Калифорнија, каде се обучува новата генерација на вештачка интелигенција, со план САД да имаат флота од 1.000 борбени авиони кои нема да бидат управувани од луѓе до 2028 година, според новинарите на Асошиетед прес на кои им било дадено право да присуствуваат на летот.

Секретарот на американските воздухопловни сили Френк Кендал седнал во авионот управуван од вештачка интелигенција за да покаже дека нема ризик, а подоцна изјавил дека е „безбедносен ризик“ да се лета без вештачка интелигенција.

Авионот Ф-16 со име „Виста“, под контрола на вештачката интелигенција, летал со брзина од околу 880 километри на час, изведувајќи маневри во трка со друг авион контролиран од човек.

На крајот на летото, Кендал изјавил дека ќе верува во способноста на ВИ да одлучи дали ќе користи оружје во војна, но и дека секогаш ќе има човечки надзор кога станува збор за употребата на оружје.

Авионот „Виста“ работи така што прво учи врз основа на милиони податоци собрани во симулаторот, по што ги тестира своите заклучоци во вистински лет.

АП пренесува дека и Кина има авиони со вештачка интелигенција, но сепак не ги тестира надвор од симулаторите. Имало повеќе од десет вакви пробни летови од минатата година, а вештачката интелигенција учи толку брзо што веќе почнува да победува некои авиони на натпревари со човечки екипаж.

Пилотите за АП изјавија дека се свесни дека можеби ја тренираат нивната замена, но и дека не би сакале да се најдат на небото против противнички авион контролиран од вештачка интелигенција.