Во графата на земјите членки, на местото ПЈРМ сега стои името Северна Македонија во списокот на признати држави, кои се подредени по азбучен ред.
Language: Macedonian language / Јазик: Македонски јазик
Inhabitants: Macedonian/citizen of the Republic of North Macedonia
Adjective: Of the Republic of North Macedonia, or North Macedonia or Macedonian
Граѓани: Македонци/Граѓани на Република Северна Македонија
Придавки: од Република Северна Македонија, од Северна Македонија или Македонци
Во делот на јазикот, на сајтот стои македонски јазик, но без ознаката дека припаѓа на словенската група на јазици. Додека пак во делот на граѓани на државата стои Македонци/Граѓани на Република Северна Македонија, со додадени придавки “од Република Северна Македонија, од Северна Македонија или Македонци. Новинарите денеска за објавеното на сајтот на ООН сакаа да го прашаат лидерот на ВМРО-ДПМНЕ Христијан Мицкоски, кој во своите тези до сега стоеше на ставот дека е изгубен јазикот и идентитетот, но тој не сакаше да даде коментар надвор од темата на партиската конвенција.
Но, сепак од партијата подоцна излегоа со став.
На сајтот на ООН исто така стои и појаснување на референците на државата и официјалните органи за новото име, каде е наведено дека официјалните орани и други јавни субјекти за активности во странство ќе го користат официјалното име или скратеното, односно, “од Република Северна Македонија” или “Северна Македонија”, додека пак сите останати придавки вклучувајќи ги и оние кои се однесуваат на приватни субјекти за активности во странство може да бидат македонски.
Од Република Северна Македонија или Северна Македонија – Официјални органи и јавни субјекти
Промената на официјалниот сајт на ООН доаѓа откако Скопје и Атина со заедничко писмо ја информираа организацијата за официјалното стапување во сила на договорот од Преспа. Од кабинетот на Генералниот секретар Антонио Гутереш, во таа прилика изјавија дека тој им честитал на двете страни за нивната определба да стават крај на 27 годишниот спор.