Платежните агенции на Македонија и Црна Гора ја официјализираа соработката

 Вкупно 638 барања за исплата на 6,3 милиони евра од првиот повик за ИПАРД 2 се пристигнати до денеска во Платежната агенција, додека за 148 барања на сметките на земјоделците и на бизнис заедницата се вратени 1,9 милиони евра свеж капитал.

Како што соопшти директорот Николче Бабовски пред потпишувањето на Меморандумот за соработка со својот црногорски колега Благота Радуловиќ, на вториот ИПАРД 2 повик, за Мерката 3 (Инвестиции за преработка на земјоделски и рибни производи) што заврши на крајот на јануари годинава, се пристигнати 65 барања за 15,9 милиони евра или за три милиони повеќе од предвидените средства.

-Ова е уште еден доказ дека сме на добар пат. Македонија како земја која долго време ја реализира ИПАРД програмата, со последните повици покажа дека има капацитет за успешна имплементација, но и дека има желба да го сподели своето искуство и знаење на земјите од регионот, истакна директорот Бабовски.

Радуловиќ се заблагодари за поддршката, нагласувајќи дека македонското искуство во делот на ИПАРД за Црна Гора е многу важно.

-Потпишувањето на Меморандумот за соработка е добра увертира за натамошното спроведување на ИПАРД и останатите обврски што ги имаме на патот кон ЕУ интергациите. Ова е многу важен момент за нас со оглед дека не очекува сериозна работа и навистина се надевам дека соработката ќе придонесе за јакнење не само на земјоделскиот сектор, туку и на економниите на двете земји со што ќе покажеме заедничка сила за европскиот пазар зашто нашите земјоделски производители и преработувачи тоа го заслужуваат, потенцира директорот на црногорската Агенција.

На прес-конференцијата по повод Меморандумот присуствуваше и министерот за земјоделство Љупчо Николовски кој дополни дека  за мерката „Диверзификација на фарми и развој на бизниси од ИПАРД 2 се одобрени 24 барања од кои за 17 минатата недела веќе се склучија договори со 5,1 милион евра вкупна вредност на инвестициите.

-Најновите информации што ги споделивме денеска во Платежната агенција зборуваат за успешноста на Програмата и мерките, подвлече Николовски.

Заев: Имаме докази и одлуки за затворски казни

Единствената калкулација им е да стигнат повторно на власт за да докрадат тоа што не докрадија, а велат дека се сега новодојдени од ВМРО-ДПМНЕ и за да „штанцаат" аболиции и амнестии на бандитите и криминалците.

Но, со Стево Пендаровски ќе има правда, рече премиерот и претседател на СДСМ, Зоран Заев на вечерашната трибина во центарот на Прилеп.

Тој истакна дека ветува дека колку и да е независен судскиот систем, мора да носи пресуди, да носи одлуки.

– А паднаа одлуки во тешки времиња кога се преговараше во Парламентот за двотретинско мнозинство. Паднаа и паѓаат одлуки. Имаме одлуки на првостепени судови, имаме и правосилни одлуки за кривични дела затворски казни, потврдени од Апелација. И ќе има одлуки, зашто има докази. Ќе види цела Македонија, а и ќе види целиот свет, зашто постојат и материјални и аудио докази. Сите го знаат тоа. И ќе нема застанување, зашто тоа е ставање ред и поредок, владеење на правото, законот да важи еднакво за сите. И ќе важи, нагласи Заев.

Мицкоски во Охрид : Милиметри се во прашање потребен е оној последниот и конечен удар

Претседателот на ВМРО-ДПМНЕ, Христијан Мицкоски оствари посета на ОК на ВМРО-ДПМНЕ на Охрид каде што ги поздрави членовите и симпатизерите на партијата.

На состанокот Мицкоски на граѓаните им посочи дека на 21 април граѓаните избраа право и правдина. Граѓаните не ги поддржуваат криминалот, корупцијата и непотизмот.

Милиметри ни требаат, водевме на претседателските избори, и многу блиску сме да имаме градоначалник во Охрид. Милиметри ни фалат. Милиметри се во прашање потребен е оној последниот и конечен удар. Деспотот е на колена и сите него случи се на колена, нагласи Мицкоски пред граѓаните во Охрид.

Мицкоски пред толпа народот потенцираше дека ВМРО-ДПМНЕ само ги победи и тоа со голема разлика, што треба да биде дополнителна мотивација и за вториот круг, да се докаже дека правдината веќе е на портите, а заевизмот си заминува.

Денес во Охрид, одев од куќа на куќа, и разговарав со луѓето и ги замолив да ни дадат поддршка, додаде Мицкоски.

Време е граѓаните со нивниот глас да го поразат Заев, но и неговата копија наречена Стево Пендаровски. Граѓаните да стават крај на заевизмот, и на 5-ти мај да гласаат за право и правдина, се наведува во партиското соопштение.

Заев: Повикувам на итна одговорност од секој што направил непотизам

Премиерот и претседател на СДСМ, Зоран Заев на вечерашната трибина во центарот на Прилеп повика на политичка и професионална одговорност од секој што направил непотизам и го ускратил правото на граѓаните.

Само така, посочи, ќе ја средуваме државата и никако поинаку.

– Еве ги денеска одлуките, директно испраќам наредба до сите, веднаш да се повлечат од работните места каде што се. Само така ќе функционира системот. Државната антикорупциска комисија е независна институција и очекувам да ги соопшти резултатите што ги најави и за другата страна оти тие беа примерот за непотизмот во државата и целото партиско, но и роднинско вработување. Очекувам и за другата страна, додаде Заев.

притисни ентер