Ричард Гир стана татко на 70 години

Славниот актер Ричард Гир на 70 годишна возраст заедно со неговата 33 години помлада сопруга,добија син.

Ричард Гир и Алехандра Силва го добија своето прво заедничко дете. Синот им се роди во Њујорк , а името се уште не го објавиле. 70 годишниот актер и неговата 37 годишна сопруга станаа родители пред неколку дена.

Среќната вест дека за тоа дека ќе станат родители ја споделија за прв пат во септември минатата година. Алехандра сподели фотографија кога заедно беа во посета на Далај Лама.

Ричард Гир е познат како пријател на Далај Лама и заговорник за правата на луѓето на Тибет. Затоа тој заврши на црната холивудска листа и има забрана да патува во Кина.

Ричард и убавата Шпанка се венчаа во април минатата година по четиригодишна врска. Венчавката ја прославија во неговиот дом во Њујорк.

На Нефрологија девет лекари заболени од Ковид-19

Девет лекари, осум медицински сестри, лаборант, психолог и тројца болничари заболени од Ковид-19 на Нефрологија.

На Клиниката за нефрологија има девет лекари, осум медицински сестри, еден лаборант, еден психолог и тројца болничари кои во моментов се заразени со Ковид-19, информираат од Министерството за здравство.

Меѓу заразените е и директорката на Клиниката, Ирена Бушлетиќ.

Изворот за заразата, како што посочуваат од Министерството, се уште не е конкретизиран со оглед на тоа што во моментов се спроведуваат епидемиолошките анкети.

Работата на Клиниката се одвива регуларно и тековните обврски се завршуваат од страна на вработените кои го надополнуваат отсуството на оние кои се заразени или се во изолација, потенцираат од Министерството за здравство. /МИА

Протест против изградба на мини хидроцентрала во пробиштипското село Турско Рудари

Жителите на пробиштипското село Турско Рудари попладнево излегоа на протест и го блокираат локалниот пат, кој води до местото каде ќе се гради мини хидроцентралата над нивното село.

Претседателот на месната заедница, Љупчо Стојанов вели дека протестот бил мирен и целта е да го изразат своето незадоволство, бидејќи сметаат дека со изградбата и ставање на реката во цевковод ќе се уништи вегетацијата, живот свет, но и околу пет хекатри плодно земјоделско земјиште ќе остане без наводнување. На дел од потегот каде ќе се гради мини хидроцентралата поминува и нивниот водовод.

Јаким Јовановски, жител на селото Турско Рудари, вели дека овој водовод самите го граделе и инвестирале во него.

Стравуваат дека и ќе останат без вода за пиење, во водоводот инвестирале самите.

Градоначалникот, Драган Анастасов вели дека компанијата ДИС енергија ДОО концесијата ја има добиено во 2016 година, а целата постапка околу документацијата им е завршена, сега им недостасува градежната дозвола од општината. Според целата постапка, тие како општина смета дека се ставени пред свршен чин за издавање на градежна дозвола.

Претставниците од компанијата ДИС енергија на вчерашната средба со жителите на Турско Рудари им ветија дека ќе се почитуваат сите законски одредби и нема ништо да им биде загрозено.

Истата компанија стои и зад хидоцентралата на Мала река кај езерто Гратче. Невладините организирани во Одбор за здрав живот во Кочани веќе почнаа со иницијативата да се спречи изградбата на оваа хидроцентрала. /МИА

Град Скопје и Универзитет „Св. Кирил и методиј“ ќе основаат фондација

На следната шеесет и трета седница, Советот на Град Скопје ќе одлучува за формирање Фондација – Развоен институт Скопје.

Во рамки на програмата за активностите на Град Скопје за соработка со здруженија и фондации во 2021 година, Градот би требало да биде соосновач на оваа Фондација, заедно со Универзитетот „Св. Кирил и Методиј“. Двете институции би имале подеднаков придонес во основачкиот влог. Просторот за функционирање на оваа Фондација би го обезбедил УКИМ, а програмското работење би го финансирал Град Скопје.

Целта на ваквото здружување е да му се обезбедат на Градот нови алатки за соочување со предизвиците, преку податоци и следење резултати, а да се стави во функција академскиот потенцијал и академските искуства, особено во делот на урбанистичкото планирање. Фондацијата би отворила нови можности за дејствување, соработка, финансирање и инвестирање, како и подобар пристап до финансиска поддршка за инвентивни концепти за одржлив развој на град Скопје.

Процесот на формирање на оваа Фондација, би започнал со изготвување на сите формално правни документи за основање, како што се актот за основање на Фондацијата, статутот, програмата за дејствување, одлуката за избор на органи на Фондацијата, како и изготвување предлог организациска структура, финансиски план и програма за работа.

Градот Скопје останува активно вклучен во проекти за одржлив развој со особен акцент на унапредување на животната средина, урбаната мобилност и енергетската ефикасност, кои се дел од програмата за соработка со здруженија и фондации, а новоотворениот Развоен институт – Скопје би претставувал значаен чекор во таа насока.

Град Скопје

притисни ентер