Се полни прилепското езеро за наводнување, ќе се обновува испустот на бараната

До април водостопанското претпријатие „Прилепско поле" очекува да се наполни прилепското вештачко езеро за наводнување на површините, главно, со тутун.

Според Ѕвонко Талески, раководител на водостопанското претпријатие „Прилепско поле" во моментов интензивно се полни акумулацијата. Од максималниот капацитет од шест милиони кубни метри вода, има 550 000.

– Моментално, во вештачкото прилепското езеро има акумулирани окмолу 550 000 метри кубни вода и секојдневно интензивно се зголемува. Анализите и искуствата досега покажуват дека во февруари, март и април се зголемува дотокот на вода. Се надеваме дека ќе имаме успешна сезона за наводнување. Од искуство, прелевањето во акумулацијата е во април. Нашиот интерес е да акумулираме што повеќе вода, да има задоволни корисници и да имаме ефективна наплата на услугите за користењето вода за наводнување. Максималниот капацитет на езерото е шест милиони метри кубни вода. Доколку хидролошките услови се како лани, очекуваме во април, објаснува Талески.

На браната и претстои проект за осовременување на испустот на вода. Проектот, грант од девет милиони денари од УНДП во 2018 година се одложува за наесен, во октомври, откако ќе заврши сезоната на наводнување за да не им биде пречка на корисниците.

– Испустот е горлив, повеќегодишен проблем од круцијално значење за градот. Требало да се реши од поодамна, уште кога хидросистемот бил во рамки на Тутунскиот комбинат. Со години се подготвувал проектот кој се ревидирал 2017 година, зашто проблем било финансирањето. Сега, за ова, средствата од девет милиони денари се обезбедени како грант преку УНДП. Монтажата на хидромеханичката опрема требаше да заврши во јануари. Изведувач на проектот е фирмата „Жикол"", а надзор има Градежниот институт на Македонија. Ќе се врши промена на темелниот испуст, ќе се поставуваат два вентила: еден конусен, еден пеперутка-вентил и активностите ќе продолжат по сезоната за наводнување, во октомври годинава, со цел да не бидат оштетени водокорисниците и да има успешна сезона за наводнување. Се надеваме дека нема да има проблем кој датира од поодамна, објаснува Талески.

Инаку, лани се потпишани 2.800 договори за наводнување, наплатата е околу 85 насто.Бидејќи главна култура за наводнување е тутунот, корисниците плаќаат кога ќе ги земат субвенциите од тутунот. /МИА

Стоилковски: Ќе реагира ли ЈО за аферата Големото око или се ќе заврши како аферата со прислушување на обвинителите

Првиот круг на претседателските избори помина без никој да го види Републичкиот јавен обвинител Љубомир Јовески да изусти било што за апликацијата на СДСМ, рече Наум Стоилковски ,портпарол на ВМРО-ДПМНЕ.

Републичкиот јавен обвинител Љубомир Јовески да изусти било што за апликацијата на СДСМ, за паѓањето на серверите, за менувањето на компјутерската опрема во СДСМ преку која постои шанса преку мобилна апликација да биле или да бидат собирани лични податоци на граѓани. Сомнежот е уште поголем со тоа што по првото јавно изнесен сомнеж, беше срушена и апликацијата и срушен серверот на СДСМ, наводната обнова на апликацијата, со шанса за менување или бришење на серверите на кои што се барало внесување на матични броеви и други податоци од граѓани.

Ќе има ли ЈО било каква реакција, кој ја креирал апликацијата? Колку лични податоци се прибрани? За што служеле, биле ли употребени, злоупотребени податоците? Кој и за што тогаш злоупотребувал? Кој ја тргал апликацијата, дали се истите сервери, дали се бришени податоци, дали се избришани трагите на извршителот?

Почитувани, ќе реагира ли ЈО за аферата Големото око или се ќе заврши како аферата со прислушување на обвинителите, а документите и доказите ќе завршат како Кривичните пријави за Поткуп среде кампања од референдумската кампања и низата други кои што ВМРО-ДПМНЕ ги поднесе до обвинителството на Љубомир Јовески?

Нема информација ниту од МВР, каде, како и кој ги има покрај гласните укажувања не се постапи итно, односно се остави време за да се занемари сета афера.

Уште пострашно е што РЈО има должност, обвинителот има должност и е обврзан е сам да почне да дејствува дотолку повеќе што се работи за криминогени дејства за настани од вонредно значење, како што се избори! Но за жал и повторно Јовески и неговиот тим го ставаат Заев и СДСМ над законот. Ваквото однесување е показател за селективност во правото и правдата во Република Македонија. Ова е показател за свесно непостапување, односно злоупотреба на службена положба и овластување.

Почитувани, правото и правдата се на дофат, граѓаните јасно порачаа дека на Македонија и е потребна право и правда и таа ќе победи на овие претседателски избори!

СДСМ: Политички земјотреси во земјава правеше Груевски, тоа е речникот и матрицата на Сиљановска

Политички земјотреси во земјава правеше Груевски, тоа е речникот и матрицата на Сиљановска, граѓаните нема да дозволат враќање на режимот, се наведува во реакцијата на СДСМ.

Криминал, корупција, неправда, непочитување на основните човекови права и слободи, монтирани судски пресуди, затворање медиуми, прислушувања, насилства врз студенти, пратеници, обиди за убиства, изолација, аболиција за криминал…. тоа беа земјотресите на Никола Груевски и Ѓорѓе Иванов кои 11 години на штета на граѓаните и државата.

Тоа е речникот, тоа е матрицата и на Горданa Сиљановска. Таа е кандидатката на Мицкоски и Груевски.

Гласот за Сиљановска е глас за враќање на режимот на Никола Груевски и неговите земјотреси, криминалот, корупцијата, неправдата, злоупотребите.

Граѓаните не сакаат нов Иванов ниту нов Груевски. Доказ за тоа е фактот што Гордана Силјановска има 130.000 гласови помалку од гласовите на ВМРО-ДПМНЕ во првиот круг на изборите во 2014 година.

Бидејќи тоа, според логиката на Сиљановска, е целосен колапс на легитимитетот на Мицкоски очекуваме тоа и јавно да му го соопшти.

Останува фактот дека Пендаровски победи во првиот круг а Сиљановска загуби. Предноста на Пендаровски потврдува дека во вториот круг е сигурен победник.

Граѓаните не сакаат враќање назад, деструкција, политички земјотреси кои ги застапува Сиљановска. Граѓаните сакаат напредок, сигурна иднина, членство во НАТО и ЕУ и уште посилно ќе го поддржат концептот на Стево Пендаровски. Заедно Напред.

Почна асфалтирањето на улиците зад „Монопол" во Куманово

Почна  асфалтирање на улиците „Србо Томовиќ", „Страшко Арсов" и „4 Јули" кај Монополот во Куманово. 

За асфалтирањето на улиците кое го спроведува кумановската компанија „Кооп Инжинеринг", од општинскиот буџет одвоени се 9,23 милиони денари, информираат од Секторот за комунални дејности.

-Денеска, се асфалтираат 1.000 квадратни метри на две од трите улици. Продолжуваме и наредните денови, изјави помошник-раководителот на Секторот, Момчило Јовановски.

Пртеходно, додадена улиците беа поставени тротоари со бехатон.

Во ноември минатата година заврши реконструкцијата на водоводната мрежа на овие улици во должина од 460 метри и беа заменети азбестните цевки, за што Куманово од буџетот одвои 1,645 милиони денари. Обновата на водоводната мрежа беше изврешна по четири децении, а претходно на овие улици беше реконстуирана и фекалната канализација./МИА

притисни ентер