РСБС со препораки за безбедно возење во зимски услови - Канал 5

Македонија

РСБС со препораки за безбедно возење во зимски услови

За возење во зимски услови, секогаш е потребно многу поголемо внимание и поголема концентрација.

РСБС со препораки за безбедно возење во зимски услови

Притоа, покрај поседување задолжителна зимска опрема, сите возачи кои ќе го прифатат предизвикот да возат во зимски услови, треба да располагаат и со oдредени знаења и вештини како безбедно да пристигнат до посакуваната дестинација. По тој повод Републичкиот Совет за безбедност во сообраќајот објави препораки за безбедно возење во зимски услови.

Потсетуваат дека во согласност со законските одредби, во Република Македонија, возачот на моторно возило, во периодот од 15 ноември до 15 март, задолжително треба да поседува зимска опрема во возилото.

Во задолжителна зимска опрема, за возила до 3500 kg, влегуваат зимски гуми кои мораат да имаат шара-длабочина на нагазниот слој од најмалку 4 милиметри или летни гуми со минимум длабочина на шарата од 4 мм и синџири за снег на погонските тркала.

Кога станува збор за зимските гуми, потребно е сите четири гуми на возилото да бидат со зимски профил. Зимски гуми се потребни и кога на патот нема снег или мраз бидејќи летните гуми поразлично се однесуваат при возење на ниски температури.

Разликата меѓу летните и зимските гуми, не е само во шарата на гумите, која кај зимските гуми подобро ги истиснува остатоците од снег и водата на коловозот, туку и во составот на гумата. Летните гуми при ниски температури стврднуваат и добиваат својства на „тврда пластика" и обезбедуваат многу слаб контакт со подлогата. За разлика од тоа, зимските гуми и при ниски температури остануваат меки и обезбедуваат постабилен контакт со подлогата.

Доколку се упатите во некој од ски-центрите, или тргнете на пат кој е на поголема надморска височина, задолжително сметајте на употреба на зимски ланци на погонските тркала, посочуваат од РСБС.

Покрај обврската за носење зимска опрема, наведуваат, добро би било, возачите на автомобили во возилото да имаат и лопати за отстранување снег, различни четкички за стакло, спреј за одмрзнување на брави, кабли за стартување на возилото, кофа со песок, стара крпа, метла, кебе, ракавици и многу други работи што можат да бидат драгоцени доколу се најдат во непријатна ситуација, односно доколку останат заглавени во снег.

Втор клучен е елмент е посочено прилагодувањето на состојбата на патиштата.

Возењето на пат со снег, мраз или силни налети на ветер, создава проблеми во движењето на возилото, а посебно со неговото застанување. Доколку патот е замрзнат, потребно е возилото да го возите значително побавно и со што помалку нагли движења во возењето.

При тргнување на пат во зимски период, исчистете го целиот снег од возилото и исчистете го мразот. На поголем дел од возачите, најголем проблем им преставува придвижувањето на автомобилот во снег или на мраз. Затоа, кога ќе додавате гас, сугерираат, квачилото стискајте го и отпуштате го полека и доколку почувствувате лизгање на тркалата, притиснете уште малку на квачилото, па повторно попуштете сѐ додека возилото не се придвижи.

Никако не смеете да ја притискате педалата за гас нагло и силно, ниту педалата за кочење. Користете го максимално моторното кочење.

Она што е најважно кога возите во зимски услови на патиштата е внимателното следење на комплетниот сообраќај за да бидете во можност навремено и бавно, без нагли движења, да го забрзате, забавите, свртите или запрете возилото. Најопасни се наглите движења на замрзнати коловози.

На пат на кој има многу снег или мраз, најдобро е да се движете во втора брзина. Во тек на возење со преголем број вртења, може да се случи да дојде до лизгање на тркалата и занесување на возилото. Тогаш треба внимателно да се одзема гаста.

Во случај на забрзување на возилото, во зимски услови на патиштата, треба што побрзо да се преминува од помал кон поголем степен на пренос на брзината, за што помалку да се движи возилото во „лер".

При промена на правецот на движење на автомобилот за да не дојде до занесување на возилото, не треба ниту да додавате, ниту да одземате гас. Педалата за кочење, при услови на снег или мраз, се користи исклучително во крајни услови. Главниот водич за безбедно возење во зимски услови се звуците на моторот и евентуалното лизгање кое треба по чувство да се контролира.

За идните возачи кои одлучиле да земат практична обука во зимскиот период, од РСБС порачуваат дека не треба да ја одложуваат обуката за на пролет бидејќи во зима навистина ќе ги совладаат важните лекции што ќе ѝм бидат од полза при понатамошното управување со возилото. Зимското возење е специфично, па затоа треба да се соочат со предизвикот и да ја совладаат спецификата на зимското возење додека крај себе имаат професионален возач-инструктор.

Младите пак, и неискусни возачи, и покрај тоа што веќе поседуваат возачка дозвола, добро е да земат дополнителни часови за возење во зимски услови, затоа што првпат се соочуваат со предизвикот да возат по замрзнати коловози. Доколку не се одлучат за дополнителни часови практична обука во автошкола, најдобро е пред да започнат сами да управуваат со моторно возило во зимски услови, да го направат тоа со искусен возач во кругот на своите најблиски. На тој начин, ќе се здобијат со бесплатна и важна обука и со драгоцено искуство, велат од РСБСП и советот за ваша и безбедност на сите учесници во сообраќајот во зимски услови на патиштата, двојно повеќе внимание и одговорност од учесници во сообраќајот. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Паѓаат цените на нафтата- се зголемува надежта за отворање на Ормутскиот теснец

Цените на нафтата паднаа на 86 долари на меѓународните пазари, бидејќи трговците сега се надеваат дека напредокот во разговорите меѓу Иран и Оман ќе го отвори повторно Ормутскиот теснец и ќе ги ублажи прекините во поморскиот сообраќај.

Паѓаат цените на нафтата- се зголемува надежта за отворање на Ормутскиот теснец

На лондонската берза, барелот се тргуваше околу пладне по цена од 86,70 долари, што е за 1,88 долари пониско од вчерашното затворање. На американскиот пазар, цената на нафтата падна за 1,61 долар, на 80,75 долари.

Цените паѓаат

Вниманието на трговците е насочено кон преговорите меѓу Иран и Оман за договор за транзит на нафта и други петрохемиски производи низ Ормускиот теснец, а напредокот во тие преговори им дава надеж на трговците дека Ормускиот теснец би можел да биде повторно отворен за транзит на танкери, со што ќе се ублажат прекините во снабдувањето од клучниот регион за извоз на нафта.

„Постои обновен фокус на дискусијата меѓу Иран и Оман за договор за транзит на нафта и други петрохемиски производи низ Ормускиот теснец. Ова дава одреден оптимизам“, рече Бјарне Шилдроп, главен аналитичар за стоки во SEB Research.

Иран и Оман постигнаа договор за нивните удели во Ормускиот теснец и приходите од него, изјави портпарол на иранската Револуционерна гарда, како што објави полуофицијалната новинска агенција Тасним во среда. Портпаролот рече дека САД ги попречуваат разговорите меѓу Оман и Иран, што доведе до нивно одложување.

„Пазарот го префрли својот фокус, така што наместо да се зема предвид големата веројатност за продолжено нарушување и понатамошна ескалација на конфликтот, сега се зема предвид делумно повторно отворање, договорени аранжмани за поморски транспорт и помал ризик од обновен воен конфликт. Кредибилен договор што брзо би го вратил сообраќајот низ Ормуз би можел да отстрани дел од премијата додадена на цените на нафтата поради геополитичките ризици“, рече Оле Хансен, раководител на стратегијата за стоки во Саксо банка.

Надеж за отворање на Ормутскиот теснец

Сообраќајот низ Ормутскиот теснец продолжува да се намалува додека преговорите продолжуваат. Во вторник, само пет бродови што транспортираат суровини поминаа низ тој воден пат, покажаа прелиминарните податоци од компанијата Кплер, која го следи движењето на бродовите. Овие бројки се далеку под 10-дневниот просек од 15 бродови и далеку под нивоата видени пред конфликтот. Два супертанкери, кои носат четири милиони барели саудиска сурова нафта, пловат кон Кина откако се префрлија од брод на брод покрај брегот на Оман, покажаа податоците за поморскиот сообраќај во среда.

Пазарите, исто така, продолжија да се фокусираат на напорите за постигнување пошироко решение на конфликтот. Пакистан и Иран постигнаа „значаен напредок“ во разговорите насочени кон американско-израелската војна против Иран и перспективите за мир, изјави министерот за внатрешни работи на Пакистан во вторник по посетата на Техеран.

Вашингтон во понеделник ги прошири санкциите насочени кон „задушување“ на економијата на Иран и предупреди дека може да ги казни земјите што продолжуваат да соработуваат со Техеран, иако рече дека нема веднаш да воведе санкции, објави Ројтерс.

Одделни пресметки од Организацијата на земјите извознички на нафта (ОПЕК) покажаа дека цената на кошничка нафта на нејзините членки падна за 4,44 долари за барел во вторник во однос на претходниот ден, на 90,28 долари.

Тагови: нафта Ормутскиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Пензионер може да добие 315.000 евра, доколку сака- причината е неверојатна

Пензионерот Анџес Кер од Англија, кој зачувал буре шкотско виски од дестилеријата Гленротес, кое го купил во 1971 година за 130 фунти (150 евра), сега е во можност да го продаде за 270.000 фунти (315.000 евра).

Пензионер може да добие 315.000 евра, доколку сака- причината е неверојатна

Кер (81) еднаш го купил бурето како „инвестиција“, со намера да го продаде за пет години, објавува Би-Би-Си.

Проблеми на самиот почеток

Кер рекол дека штом го купил бурето шкотско виски, добавувачот банкротирал и дека сите траги од неговата купување потоа исчезнале, а тој бил убеден дека неговиот имот е изгубен.

„Немав полномошно, немав доказ за сопственост, немав идеја каде е бурето. Мислев, тоа е тоа, повторно изгубив сè. Пијам вино, а не виски, и не знаев што да правам со него, го напуштив“, рекол Кер.

Тој додаде дека го открил бурето со шкотско виски неколку години подоцна кога компанија со седиште во Глазгов го контактирала за да побара надомест за неговото складирање.

Најстарото виски на аукција

Кер рече дека неодамна контактирал брокер за да се обиде да го продаде бурето кога добил вест дека бурето со 55-годишно виски е проценето на 270.000 фунти, 2.000 пати повеќе од цената што ја платил во 1971 година.

Се верува дека е најстарото виски од Гленротес некогаш понудено на јавна продажба.

51-годишно Гленротес продадено минатата година за 37.000 фунти (43.000 евра) по шише.

Тагови: пензионер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Мета се согласи на спогодба од 16,7 милијарди долари казна поради предизвикување зависност кај децата

Технолошката компанија „Мета“ се согласи на спогодба со 29 американски држави во тужбата за безбедноста на децата на „Фејсбук“ и „Инстаграм“. 

Мета се согласи на спогодба од 16,7 милијарди долари казна поради предизвикување зависност кај децата

Според судските документи, компанијата ќе плати до 16,68 милијарди долари, пишува Би-Би-Си.

Спогодбата ја обврзува Мета да воведе низа правила за тинејџерите, вклучувајќи дневни временски ограничувања и блокирање на пристапот до платформите ноќе. Иако се согласи со условите, Мета ги негираше обвинувањата за прекршок.

Новите безбедносни мерки вклучуваат и ограничување на пристапот до децата за време на училишните часови, построг родителски надзор и сигурна проверка на возраста за малолетни корисници.

„Ова е историска победа“

Компанијата беше обвинета за кршење на бројни федерални и државни закони за приватност на децата. Федералните држави што ја поднесоа тужбата тврдеа дека „Мета“ ги користела своите платформи за „да ги намами, ангажира и на крајот да предизвика зависност кај младите и тинејџерите“.

Во тужбата, исто така, се наведува дека компанијата ја занемарила штетата предизвикана на „менталното и физичкото здравје на американската младина“. Главниот обвинител на округот Колумбија, Брајан Швалб, ја нарече спогодбата „историска победа за јавното здравје“.

„Безбедносните карактеристики што Мета мора да ги имплементира од темел веднаш ќе го променат начинот на кој младите луѓе ги користат Инстаграм и Фејсбук“, додаде Швалб. Од Мета беше побарано да коментира за случајот.

Тагови: зависност Мета

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер