Уапсена директорката на Хуавеј во Канада

Ќерката на основачот на кинеската компанија Хуавеј, Рен Женгфеи, Менг Ванжу, уапсена е на 1 декември во Канада и и се заканува екстрадиција во САД, јавува „Ројтерс“.

Менг, која е потпретседателка на компанијата и главна финансиска директорка, уапсена е поради наводно кршење на американските санкции, изјави неименуван извор за агенцијата „Ројтерс“.

Агенцијата додава дека засега не е можно да се утврди природата на нејзиниот прекршок.

Извори за агенцијата изјавуваат дека САД вршат истрага во компанијата Хуавеј уште од 2016 година поради наводен извоз во Иран на производи кои потекнуваат од САД, што е кршење на санкциите кои Америка ги воведе кон таа земја.

Компанијата преку соопштение го потврди апсењето и додаде дека не им е појаснето кој е прекршокот на Менг.

Од Хуавеј наведуваат дека немаат никаква сознанија за тоа дека Менг направила некое казниво дело.

Амбасадата на Кина во Канада побара од властите веднаш да ја ослободат Менг.

„АП“ наведува дека апсењето се случило во “чуден момент“ бидејќи американскиот претседател Доналд Трамп и претседателот на Кина Си Џинпинг ден пред нејзиното апсење најавиле 90 дневно “примирје“ во трговската војна.

Агенцијата оценува дека апсењето на Менг би можело дополнително да ги комплицира трговски преговори меѓу Кина и САД, а потсетува дека официјален Вашингтон го гледа Хуавеј и останатите други кинески компании како можни паравани за кинеска шпионажа.

Се подготвува пречек за Тамара на аеродромот Скопје

Македонската претставничка на Евровизија, Тамара Тодевска која со песната „Proud" го освои осмото место и највисокиот пласман на земјава досега на Евровизија, вечерва се враќа од Тел Авив во Скопје.

Таа треба да пристигне на Скопскиот аеродром околу 21:45 часот. Се очекува на аеродромот да ја пречекаат многубројни нејзини обожаватели.

Тамара синоќа на финалната вечер на Евровизија во текот на речиси целото гласање беше на врвот на табелата. По гласањето на стручните жирија заврши на второто место со 237 поени, зад Шведска со 239 бодови, но на крајот по пребројувањето на телевоутингот од публиката се пласираше на осмото место.

Швајцарците на референдум го прифатија новиот закон за оружје

Жителите на Швајцарија денеска на референдум ги одобрија новите антитерористички мерки на Е вропската унија, со гласање на законот за поседување на оружје.

Според проценките 67 проценти од Швајцарците го прифатиле новиот закон за оружје со кои се заоструваат мерките за поседување на оружје.

Власите ги предупредија гласачите дека со одбивање на овој закон земјата може да се доведе во позиција да биде исклучена од европските договори Шенген и Даблин, со кои е поврзана иако не е членка на Унијата.

Се проценува дека околу 2,3 милиони граѓани на Швајцарија поседуваат оружје, што е околу една третина од жителите на земјата.

Новите заострени мерки се однесуваат на полуавтоматските пушки со големи шаржери и на одредени други врсти на пушки.

Заев: Европа треба да возврати и да ја награди нашата земја

Како што соопшти владината прес-служба, премиерот Заев го информирал Фишер за последните политички случувања во земјата, односно за успешно спроведените претседателски избори, како и текот на реформите во неколку клучни области.

Северна Македонија за кратко време стана модел, пример како се решаваат дури и најтешките билатерални прашања и затоа Европа треба да возврати и да ја награди нашата земја, истакна премиерот Зоран Заев на средбата со поранешниот претседател на Република Австрија, Хајнц Фишер во Виена.

Како што соопшти владината прес-служба, премиерот Заев го информирал Фишер за последните политички случувања во земјата, односно за успешно спроведените претседателски избори, како и текот на реформите во неколку клучни области.

-Истовремено, на средбата беше потврдена поддршката која Република Австрија во континуитет и ја дава на нашата држава на нејзиниот пат кон интеграцијата во Европската Унија. И таа поддршка нема да изостане сe додека Северна Македонија не стане полноправна членка на ЕУ, се истакнува во соопштението.

Премиерот Заев придружуван од  вицепремиерот задолжен за економски прашања, Кочо Анѓушев, министерот за финансии, Драган Тевдовски и министерот за образование и наука, Арбер Адеми, утре ќе присуствуваат на Виенскиот економски форум, Виенски економски разговори – нови перспективи за Република Северна Македонија./МИА

притисни ентер