Македонија

Судот в понеделник со нов обид да му го достави решението на Груевски

Собранието вчера не му го одзеде пратеничкиот мандат на екс премиерот Груевски, но откако Кривичниот совет ја одби неговата жалба.

Судските служби викендов нема да се обидуваат да му го достават решението за издржување на двегодишната затворска казна на екс премиерот Никола Груевски за случајот „Тенк“, велат од Скопска Единица за Канал 5, откако синоќа неколкупати не бил пронајден на домашната адреса. Решението ќе се обидат лично да му го врачат во понеделник, кога треба да се појави на рочиште за случајот „Титаник“. Другата можност е да му биде испратено на домнашна адреса.

Доколку и таа опција не успее, ќе треба да биде прислно спорведен на издржување на затворската казна. Откако Груевски синоќа не се појави во истражниот затвор во Шутка, тој не присуствуваше ниту на денешната собраниска комисија за уставни прашања, иако пратеничките обврски на седниците за уставните измени беа наведени како причина за одложување на затворската казната во жалбата поденесена до Кривичниот совет.

Откако на вчерашната собраниска седница не му беше одзеден пратенчкиот мандат, Груевски како актуелен пратеник ужива и пртенички имунитет, поради што се наметнува дилемата дали при прислно апсење Груевски ќе може да се повика на имунитетот. Поранешниот собраниски претседател Стојан Андов вели дека пратеничкиот имунитет се однесува само во случај на притвор, а не и при правосилна затвроска казна, како што е во случајот со поранешниот премиер.

Од ВМРО-ДПМНЕ со став дека почениот претседател на апртијата е жртва на политички прогон, со цел омаловажување на партијата.

Екс премиерот Груевски треба да се јави во Казнено поправната установа во Шуто Оризаи , откако Кривичниот совет ја потврди одлуката за неодложување на двегодишната затворска казна за случајот на СЈО „Тенк“, за набавката на луксузниот мерцедес од 580.000 евра.

Македонија

МТСП: Неработни денови

Министерството за труд и социјална политика, согласно со Законот за празниците на РМ („Службен весник на РМ“ бр.21/98 и 18/07) соопштува .

Министерството за труд и социјална политика, согласно со Законот за празниците на РМ („Службен весник на РМ“ бр.21/98 и 18/07) соопштува дека:

1 мај 2024 година (среда), Денот на трудот е неработен ден за сите граѓани на Република Македонија.

03 мај 2024 година (петок), Велики Петок, петок пред Велигден, е неработен ден за граѓаните од православна вероисповед во Република Македонија.

06 мај 2024 година (понеделник), Велигден, вториот ден на Велигден според православниот календар, е неработен ден за сите граѓани на Република Македонија.

Министерството за труд и социјална политика на граѓаните им ги честита престојните празници.

Министерство за труд и социјална политика

Свет

Италијанскиот новинарски синдикат повика на штрајк на јавниот радиодифузен сервис Раи

Новинарскиот синдикат УСИГраи (USIGrai) повика на 24-часовен штрајк во италијанската јавна телевизија Раи на 6 и 7 мај, главно во знак на протест против мешањето на десничарската влада на премиерката Џорџа Мелони, јави ДПА.

Тие ја обвинија Мелони дека сака да го претвори радиодифузерот во „говорник на владата“.

Заднината на ова е откажување во последен момент на поканата на писателот Антонио Скурати, кој сакаше да прочита текст на денот на ослободувањето на Италија од германската окупација и фашизам на 25 април.

За време на настапот, тој сакаше да ја критикува партијата на Мелони за нејзиното постфашистичко потекло. Текстот на крајот беше прочитан од новинар на Раи.

Мелони е на чело на десничарската трипартиска коалиција од октомври 2022 година. Нејзината сопствена партија „Браќата на Италија“ потекнува од постфашистичкиот политички спектар. Поранешниот диктатор Бенито Мусолини (1883-1945) сè уште е почитуван од истакнати членови на партијата до ден-денес, наведува ДПА.

Македонија

Потпишан договор за реализација на новата инвестиција на турската компанија Шахтерм во ТИРЗ

Директорот на ТИРЗ, Јован Деспотовски и генералниот менаџер на компанијата „Шахтерм“, Фарук Шахин, потпишаа договор за реализација на новата турска инвестиција во Македонија.

Со договорот кој го потпишаа во Бурса, се предвидува закуп на земјиште во ТИРЗ Скопје 2 со површина од над 20.000 м2 и изградба на објект со површина од над 13.000 м2. Ова е прва од двете фази на реализација на инвестицијата.

Потпишувањето на договорот следи само 4 месеци по најавата за новата турска инвестиција во земјава. Турската компанија ја зголеми и првично планираната инвестиција од 70 милиони евра на 100 милиони евра. Според деловниот план компанијата во наредните 10 години предвидува отворање на 1000 нови работни места. Новата инвестиција ќе опфати и центар за истражување и развој, а ќе преставува прв производствен капацитет на „Шахтерм“ надвор од Република Турција.

Потпишувањето на договорот е во рамки на посетата на Турција на делегација на ТИРЗ предводена од Деспотовски во рамки на која е предвидена и презентација на инвестициските можности пред турски компании. На потпишувањето присуствуваше и македонскиот амбасадор во Турција, Јован Манасиевски и Џунејт Шенер, потпретседател на бордот на директори на Стопанската комора на Бурса.

Инаку компанијата “Шахтерм“ има повеќе од 40 години искуство во дизајн и производство на системи за греење за бела техника и апарати за домаќинство. Во моментот, „Шахтерм“ е дел од водечките пет компании во оваа дејност на глобално ниво, со повеќе од половина од годишното производство наменето за пазарите надвор од Турција.

Листата на клиенти е составена од познати светски производители на бела техника и апарати за домаќинство како „Вирпул“, „Амика“, „Горење“, „Беко“ и „Кенди“.

притисни ентер