Медицинска сестра нападната од семејство на починат на КАРИЛ

Медицинската сестра околу 7.30 часот утринава пред почетокот на утринската смена на КАРИЛ била истепана и навредувана од страна на роднини чиј близок починал на оваа клиника.

Вработената била дежурна кога нивниот близок бил сместен на интензивната нега.

Роднината починал, а  напаѓачите ја пречекале и почнале да ја удираат и да ја навредуваат и се заканиле дека ова тука нема да заврши и заминале.

Таа нема тешки телесни повреди, но се уште е во шок и била веднаш упатена на боледување.

Министерот за здравство Венко Филипче посочи дека по инцидентот разговарал со министерот за внатрешни работи Оливер Спасовски и побарал полициски службеници кои ќе бидат ангажирани на овој оддел.

Ова не е прв инцидент во комплексот „Мајка Тереза“.Слична судбина имаше и медицинска сестра на клиниката за гинекологија кога физички била нападната од роднина на родилка.

Пред скоро три години хирург од дигестивна хирургија беше нападнат со огнено оружје, 37 годишниот напаѓач испукал 7 куршуми од кои два завршија во докторот.

Напаѓачот доби 5 години затвор.

МВР со детали за вчерашното убиство на маж во Рашче

МВР излезе со детали во врска со убиството на мажот во скопското село Рашче , отакако вчеравече обвинителството објави дека неговото тело е однесено на обдукција.

Вчера околу 15 часот на влез во с. Рашче-Скопје, додека Ш.Џ. (69) од с.Сарај-Скопје, се движел со патничко моторно возило „Голф 3“ со скопски регистарски ознаки, кон него било пукано од патничко моторно возило при што Ш.Џ. починал на местото на настанот.

Извршен е увид од страна на Јавен обвинител  и екипа од СВР-Скопје, а по наредба на јавен обвинител телото е дадено на обдукција. Се работи на расчистување на случајот.

Пендаровски во посета на Марков Манастир: Само со меѓусебно почитување може да изградиме општество што обезбедува мир и благосостојба за сите

По повод христијанскиот празник Велики петок, кандидатот за претседател Стево Пендаровски заедно со семејството беше во посета на Марков манастир во населеното место Маркова сушица. 

При посетата, Пендаровски упати порака на помирување, заедништво и благосостојба во велигеднските денови што претстојат.

- Во овие денови кога сме препуштени на духовниот мир и личниот спокој, да испратиме порака дека толеренацијата, пријателството, меѓусебното почитување и помагање не се само христијански, туку и универзални човечки вредности. Само со почитување на овие вредности и денеска и секој ден во годината, може да создадеме општество што обезбедува мир и благосостојба за сите. Само ако меѓусебно се помагаме и разбираме можеме да одиме заедно напред кон подобра иднина за нас и за следните генерации, порача Пендаровски.

Дваесетгодишни момчиња од Шуто Оризари фатени како шверцуваат мигранти

Во близина на ТЕЦ Неготино , полицијата , по потера со автомобили , уапсила двајца 20 годишни жители од скопската населба Шуто Оризари како шверцуваат четворица мигранти од Авганистан.

Вчера попладне во 17:20 часот од страна на униформирани полициски службеници  од Полициската станица Неготино и униформирани полициски службеници  од полициската станица за граничен надзор Михајлово, кај с.Миравци на автопатот Демир Капија-Неготино, било забележано патничко моторно возило „Фиат браво“, управувано од И.Е. (20) од нас. Шуто Оризари-Скопје, а во кое се превезувале мигранти.

Полициските службеници се упатиле по возилото, но И.Е. наместо да застане, ја зголемил брзината. Во близина на ТЕЦ-Неготино, И.Е. излетал од коловозот.

Возачот и совозачот Ф.Р. (20) од Скопје се обиделе да избегаат, но од страна на полициски службеници  се приведени. Во возилото биле затекнати четири лица од Авганистан.

Известен е јавен обвинител и по документирање на случајот ќе бидат поднесени соодветни поднесоци, се наведува цво соопштението од МВР.

притисни ентер