Се протестираше и пред домот на Крсто Мукоски во Вевчани

Вечерва се протестираше и во Вевчани.

Неколку десетици се собраа и се упатија кон домот на пратеникот Крсто Мукоски, со цел да му кажат дека не треба да гласа за уставните измени.Протестот беше во организација на Единствена Македонија на Јанко Бачев, а од партијата најавија дека во следниот период ќе протестираат и пред домовите на останатите пратеници кои гласаа за уставните измени.

Во Вевчани беше и Филип Петровски од демократската фракција на ВМРО-ДПМНЕ, кој на фејсбук страницата објави и видео од протестот.

Два земјотреси денеска во Индонезија

Два силни земјотреси, со јачина од 6,6 степени, ја потресоа денеска Индонезија, односно островот Сумбава, област јужно од градот Раба.

Нема објавено предупредување за цунами.

За сега нема извештаи за евентуална штета или повредени.

Вториот земјотрес, со јачина од 6,6 степени, регистриран е на 230 километри јужно од Раба, во источниот дел на островот.

Претходно регистриран беше и земјотрес од шест степени, пренесе Ројтерс.

Русија подготвува санкции против ЕУ

Кремљ и се закани дека ќе одговори на санкциите наметнати од ЕУ, објавија руските медиуми.

Претходно денеска , ЕУ воведе санкции за случајот Скрипал. 

Санкциите влијаеле врз двајцата осомничени за труење на Сергеј и Јулија Скрипал, како и на шефот на ГРУ и неговиот заменик.

Руското министерство за надворешни работи соопшти дека одлуката на советот на ЕУ е ”непријателска “. 

Канцеларијата истакна дека Москва го задржува правото да одговори.

Руски и сириски државјани се првите кои се погодени од санкциите според новата рамка, иако двете страни ги уништија спорните средства под контрола на организацијата за забрана на хемиско оружје за разлика од сад, појаснува министерството.

Јавна седница на Државната изборна комисија

Државната изборна комисија денеска ќе одржи јавна седница на која, како што е најавено, треба да бидат разгледани и освоени процедури и правилници за начинот и постапката за поднесување, прием и потврдување на кандидатски листи.

На дневен ред, исто така, ќе се најдат и информациите за извршени плаќања по обврски од референдумот и тоа прелиминарниот извешај по обврските за спроведување на Референдумот 2018 година и на изборната администрација и помошните тела кои не добиле надоместок за спроведените избори во 2016 и 2017 година.

На седницата, како што информираат од ДИК, ќе биде разгледана и предлог програмата за задолжителна едукација на општинските изборни комисии, избирачките одбори за гласањето во Република Македонија и избирачките одбори за гласањето во странство. /МИА

притисни ентер