Поправен мостот кај Градско, од вечерва железнички сообраќај Велес-Гевгелија

Пред пуштање на мостот за сообраќај, санацијата е извршена во специфични услови при што се направени специјални прегледи и испитувања со пробно товарење согласно член 27 од Правилникот за начинот на одржување.

Бетонскиот мост на железничката пруга меѓу станицата Градско и крстосницата Кукуричани поради кој во прекин беше железничкиот сообраќај на Коридорот 10 е комплетно саниран и од вечерва сообраќајот на овој дел ќе биде пуштен во употреба, соопшти денеска Македонски железници Инфраструктура.

Оттаму информираат дека пред пуштање на мостот за сообраќај, санацијата е извршена во специфични услови при што се направени специјални прегледи и испитувања со пробно товарење согласно член 27 од Правилникот за начинот на одржување, начинот на водење на евиденцијаи користењето на податоците од евиденцијата на долниот строј на пругите.

При санација на мостот е извршена заштита од понатамошно поткопување на двата средни столба, направени се бунари со длабочина од осум до 12 метри за преземање на товарите од мостовската конструкција кај првиот среден столб, армирање и бетонирање на темелните греди и на бетонските платна и е подигната е мостовската конструкција на потребното ниво.

Деформациите на мостот над Црна Река, меѓу станиците Градско и Кукуричани предизвикаа прекин на железничкиот сообраќај од втори минатиот месец на релацијата Велес-Гевгелија. Возовите на релација Скопје – Гевгелија и Гевгелија – Скопје сообраќаа само до Велес и обратно.  Тие  и прекините на железничкиот сообраќај при реконструкцијата на патот во Србија од 24 септемрви до 19 минатиот месец го намалија обем на превоз на МЖ Транспорт на Коридор 10.

Како што информираа за МИА од МЖ Транспорт, од почетокот на прекинот до 2-ри месецов со намалувањето на приходите од извршениот превоз претрпеле директната материјална штета од 84.500.000 денари.

Јункер со фластер: Сам се исеков , нема врска со Меј (ВИДЕО)

Претседателот на Европската Комисија , Жан Клод Јункер се појави со фластер на лицето на прес конференцијата по средбата со британската премиерка Тереза Меј.

Претседателот на Европската Комисија по средната со британската премиерка Тереза Меј мораше да им објасни на новинарите дека фластерот на лицето не му е повреда од средбата со неа , туку дека се исекол утрово додека се бричел.

Тој во негов стил рече дека не смее да се протолкува дека фластерот го носи поради повреда што му ја направила Меј.

Денеска британската премиерка се обидуваше да најде решение од ќорсокакот во кој се најде откако Парламентот одби да го прифати нејзиниот план за излез од Европката Унија , а рокот за Брегзит со усвоен договор е 31 март.

Заев - Јосиповиќ: Храбрите и визионерски политики придонесуваат за развојот на нашата држава и за добрососедските односи во целиот регион

Претседателот на Владата на Република Северна Македонија, Зоран Заев, денеска се сретна со делегација на Хрватско–македонската тангента, предводена од Иво Јосиповиќ, почесен член на Тангентата и поранешен претседател на Република Хрватска.

На средбата е изразена поддршка за храбрите и визионерски политики на премиерот Заев, со коишто се решени важни државни прашања и со коишто се овозможени интеграциите на нашата земја во НАТО и во ЕУ, и развојот на Република Северна Македонија. Исто така, констатирано е дека потегот на премиерот Заев, во насока на изнаоѓање решенија за стабилни и прогресивни добрососедски односи е значаен пример и голем придонес во развојот на добрососедските односи во целиот регион.

Премиерот Заев се заблагодари на почесниот член на Хрватско–македонската тангента и поранешен хрватски претседател, Јосиповиќ за поддршката од Хрватско– македонската тангента и од Република Хрватска за целиот период досега, на демократските процеси во нашата држава, како и во остварувањето на аспирациите на нашата држава за интеграција во ЕУ и во НАТО.

„Економијата почна да се движи во позитивна насока, доаѓаат инвестиции, по успешниот политички процес во државата, затворањето на отворените прашања со соседите и НАТО и ЕУ перспективите за нашата држава. Она на што сме фокусирани сега е граѓаните да го почувствуваат економскиот бенефит од овие успешно заокружени политички процеси“, рече премиерот Заев.

Претседателот на Владата, Заев изрази очекување за успешна имплементација на судските реформи и на реформите за борбата против корупцијата, што по НАТО интеграциите, треба да донесат и датум за почеток на преговорите со ЕУ во јуни годинава. Истакната е и важноста на политиките на солидарност и социјална правда коишто се спроведуваат во интерес на градењето едно праведно и правично општество за сите граѓани. 

На средбата се разговараше и за важноста од успешни претседателски избори во нашата земја, коишто е добро да донесат претседател на државата со широка поддршка од граѓаните. Сето тоа, како што е оценето, ќе придонесе што поскоро да се врати фокусот на реформскиот курс на државата во интерес на интеграциските процеси, како и на побрзо унапредување на квалитетот на живот на граѓаните. 

Премиерот Заев на состанокот посочи дека за Република Северна Македонија се од големо значење хрватските искуства во интеграциските процеси и соработката во области важни за граѓаните, како што е актуелната соработка во областа на енергетиката, или за реализацијата на проектот за трамвај во Скопје, што се реализира според идејно решение од пријателскиот град Загреб, се наведува во соопштението од Владата.

Вељаноски замина од Кривичниот суд

Поранешниот претседател на Собранието Трајко Вељаноски, кој попладнево беше приведен за настаните од 27 април, замина од Кривичниот суд во Скопје.

По излегувањето од судот, Вељаноски кусо изјави дека не е еден од организаторите на настаните од 27 април.

– Десет години сум бил претседател на Собрание и јас да бидам организатор на настаните. Срамота, изјави кусо Вељаноски.

Доцна попладнево, Основното јавно обвинителство соопшти дека под истрага се пет лица кои се сомничат дека се организатори на настаните од 27 април. Тие се товарат дека сториле кривично дело „терористичко загрозување на уставниот поредок и безбедноста". 

притисни ентер