Автомобилизам

Затвор од 30 години за враќање километража на стари автомобили

Трговец со стари автомобили во САД ги враќал километражите и тоа во просек по 200 000 километри од возило.

Во американската држава Алабама е обвинет продавачот на стари автомобили Ренди Грин од Хантсвил , за враќање на километражите на најмалку 12 возила продадени од 2014 до 2016. Од Минисртерството за правда на САД потврдуваат дека во просек Грин враќал по 200 000 километри од возило.

Најдрастичниот случај е кога на купувач му продал автомобил со 218 000 километри помалку , а реално имал поминато 350 000 километри. На Грин ќе му се суди по 15 точки од обвинението , од кои 12 се однесуваат за враќање на километрите.

За секое возило на кое му ги вратил километрите му сње заканува до 3 годишна затворска казна и до 250 000 долари парична казна , така што би можел да добие 30 години затвор.

Претходно годинава имаше судење и во Шапнија на организирана група продавачи на користени автомобили . Им се судеше на 150 авто – дилери за продадени 305 автомобили со вратени километри.

Македонија

Ковачки: Да си ја вратиме Македонија во рацете на граѓаните

За два дена граѓаните ќе имаат можност да избираат помеѓу Македонија понижена, ограбена, и Македонија горда, достоинствена.

За два дена од денеска, во среда се гласа.

За два дена граѓаните ќе имаат можност да избираат помеѓу Македонија понижена, ограбена, опустошена, опљачкана и Македонија горда, достоинствена, Македонија која што се гради и во која што важат законите за сите подеднакво.

Затоа од овде, од патриотско Карбинци повикувам на сплотеност, на обединетост, на семакедонско единство, на сеопштествено единство, на национално единство.

Да бидеме горди и да бидеме достоинствени. Да си ја вратиме Македонија во рацете на граѓаните.

Ве повикувам сите заеднички да излеземе и да гласаме за бројот 2.

Драган Ковачки, носител на изборна единица 3

Центар за комуникации на ВМРО-ДПМНЕ

Македонија

Еден потешко повреден во експлозија во зграда во Турција

Едно лице е тешко повредено во експлозија во станбена зграда во турскиот град Текирдаг, северозападна Турција.

Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ најверојатно експлодирала плинска боца.

Од силината на експлозијата оштетени се ѕидовите во станот, а искршени се прозорците.

Македонија

Скопјанец и двајца штипјани нападнати во угостителски објект во Кавадарци

Скопјанец рано утринава пријавил дека со двајца штипјани биле физички нападнати во угостителски објект во Кавадарци, информираат од СВР - Велес.

- Во 04.40 часот во ОВР Кавадарци, Т.Ц., 22-годишен скопјанец, пријавил дека пред и во угостителски објект во градот, тој и Н.Н., на возраст од 24 години и Ф.А., на 25-годишна возраст, двајцата од Штип, биле физички нападнати од неколку машки лица, појаснуваат од СВР - Велес.

За настанот бил известен јавен обвинител. Се преземаат мерки за расчистување на случајот.

притисни ентер