Македонија

Заев: Бојкотот носи трња и троскот, ништо друго

Бојкотот носи трња и троскот, ништо друго. Ова го изјави премиерот Зоран Заев вечерва на трибина во Неготино. 

- Како мал пазар тешко се опстојува. Можеме само здружени заедно. Со понапредните, со големите пазари, каде што владее правото и европски вредности, каде што е вредно да се има квалитетен живот за живеење. Таму беа нашите аспирации. И можевме и порано да донесеме одлуки ако не се правеле вакви калкулации, но знаев јас дека можам да владеам. И дека можам уште четири години да добијам. Ама сфатив, после 27 години каде да ја водам Македонија, во ноќта, во бездната, во бунарот, да продолжиме да се лажеме, да изгубиме уште 27 години? Зошто? Немаме два животи, еден е пусти за живеење. Ајде да го живееме, да го направиме чекорот, порача Заев.

Истакна дека народот секогаш во историјата знаел да носи мудри одлуки и изрази уверување дека и овој пат ќе го стори тоа.

- Зошто? Оти си ја сака татковината. Оти чувствува одговорност за своите деца. И затоа донесовме праведна и фер одлука. И сите знаат дека направивме компромис. Ама компромисот не мрда од мртва точка, компромисот претставува спогодба помеѓу две или повеќе страни, од кои што двете страни се подготвени да направат заемни отстапки за да се договорат, рече премиерот.

Нагласи дека сите сме исправени пред историска одлука, свесни за придобивките од одлуката која треба да ја донесеме.

- Одлуката е сериозна и одговорна, се однесува на татковината и нашата иднина. Доста е изолираност и редно е да се интегрираме со другите и да бидеме граѓани на Европската унија. Одлуката ја носиме ние, рече Заев.

Потсети на изминатиот период на изолираност, се осврна и на договорот со Грција. Рече дека компромисот го движи светот, да се изнајдат решенија за се, ако се има желба.

Проговори за различните видови придобивки од соработката со соседите, кои, како што рече, „од непријатели ни станаа пријатели“.

- Има фајде од пријателството. Оваа генерација мора да ја зграпчи оваа шанса. Има историска шанса да одлучува и затоа одлуката е многу важна, истакна премиерот.

Потсети за жртвувањето и вековната борба на македонскиот народ, за да биде признаен од целиот свет. Сега има рече таква шанса, да се постигне тоа со пријателство и со признаен идентитет. Повика на соработка, со цел да се оди напред.

- Да се испише со златни букви и оваа страница од нашата историја. Бидејќи подобар договорот со Грција од овој, не може да се постигне, рече премиерот.

Премиерот потсети на војните и конфликтните ситуации во минатото, нагласувајќи дека со НАТО, загарантирана е безбедноста. Тоа пак е предуслов за нови инвестиции, фаќање чекор со развиените земји.

- Се што сме сакале е потврдено во овој договор. И плус тоа ги отворивме портите на НАТО и на ЕУ. Покажавме демократска зрелост. Покажавме европски манири. Покажавме европски односи. И тоа го препозна светот, секаде имаме големи пријатели. Затоа почитувани пријатели да немате дилеми, не знам кој што сака нека збори, не знам кој зошто ќе бојкотира, против себе ќе се бојкотира? Што ќе постигне, изјави Заев меѓу другото.

Рече дека НАТО и ЕУ значат поголеми плати, повеќе работни места, подобро здравство, подобро образование.

- Значат подобро и правично судство. НАТО и ЕУ значат вредности за кои што сакаме овде да ги имаме и да ги живееме. Затоа со сите земји кои што станале членки на НАТО и на ЕУ овие податоци се паралелата што ја влечиме овде со Македонија. Еве ја Бугарија од таа страна. Пред да стане членка на НАТО и на ЕУ и сега кога стана членка на НАТО и на ЕУ. Пред да стане, имаше невработеност од 17,2 посто, кога стана членка на НАТО и на ЕУ еве ја сега има 5,3 проценти невработеност. Странските инвестиции се зголемиле за 4 до 5 пати, нагласи меѓу другото на трибината на градскиот плоштад во Неготино.

Повика без страв да се излезе на гласање, без дилеми, бидејќи друга, резервна алтернатива нема. Да се зграпчи иднината. Повика на заедништво по ова прашање, најважно за Македонија.

На прашање на неготинец, премиерот проговори за европските вредности и предностите за земјоделството. На трибината беа присутни и градоначалникот Тони Делков и други политички личности. На трибината говореа и актерот Диме Илиев и Кристина Арнаудова кои рекоа дека ќе гласаат “за” на референдумот.

Македонија

Спасовски: Просечна плата од 1100 евра, минимална од 600 евра

Просечна плата од 1100 евра, минимална од 600 евра, на младите им нудиме европска иднина!

Носителот на листа на кандидати за пратеници од ИЕ2, предводена од СДСМ и коалицијата за европска иднина, Оливер Спасовски, на социјалните мрежи ја сподели понудата на парламентарните изборите 2024 година.

„СДСМ има конкретна, издржана и остварлива Програма за следниот мандат во којшто ќе ги завршиме преговорите со ЕУ, за до 2030 година да го осигураме полноправното членство.

Минималната и просечната плата и пензиите досега ги донесовме на историски највисоко ниво. Ветивме просечна плата од 500 евра, а не само што го исполнивме тоа, туку успеавме да го надминеме ова ветување и просечната плата достигна 650 евра.

За речиси три пати ја зголемивме минималната плата, којашто сега изнесува 22.500 денари. Минималната и просечната пензија се зголемени за 50 проценти.

Во наредните четири години просечната плата ќе достигне рекордни 1.100 евра, а минималната плата ќе биде 600 евра. Во наредниот мандат минималната пензија ќе биде 20.000 денари, а просечната пензија 30.000 денари.

Ќе продолжиме со силната поддршка на домашните компании. Порано, домашните компании беа поддржани со 0 денари. Ние поддржавме над 919 компании со над 100 милиони евра, што значеше поттик на 500 милиони евра нови инвестиции во домашната економија. Во следниот мандат ќе има нови 180 милиони евра директна поддршка за домашните компании, плус 3,5 милијарди евра капитални инвестиции и плус 750 милиони евра поддршка за земјоделството.

И ако во претходниот мандат ја намаливме невработеноста на 12,6%, во наредниот мандат најавуваме дека за првпат во историјата на Македонија, ќе постигнеме едноцифрена невработеност од 7 проценти.

Младите дополнително ќе ги поддржиме да бидат достоинствено платени на пазарот на трудот. Во следниот мандат предвидовме по 200 евра за прво вработување за млади до 26 години, во првите 12 месеци.

Ќе воведеме и данок на личен доход од 0% за бизнисите што исплатуваат минимална плата, за да им помогнеме на малите фирми, а со тоа ќе ги поддржиме и граѓаните со најниски примања.

Го подготвуваме најголемиот и најамбициозен план во независна Македонија за модернизација на инфраструктурата во целата држава со инвестиции од над 2,7 милијарди евра. Предвидуваме изградба на 194 километри нови автопатишта и реконструкција на 950 километри патишта до 2028 година.

Следуваат дополнителни перспективи и за македонското земјоделство. Проектиравме рекордно производство на храна во износ од една и пол милијарда евра, извозот на прехранбени производи да достигне 1,25 милиони евра, финансиска поддршка за земјоделците во висина од 1,35 милијарди евра.

Младите сакаат и имаат право да растат, да се образуваат, да живеат родната земја, во држава со европски вредности и стандарди, со висок животен стандард, со модерно образование, со современо здравство, во чиста животна средина.

Сите сакаме и можеме да живеемо во прогресивна држава и во солидарно општество, со еднакви права и одговорности за секој граѓанин.

Социјалдемократскиот сојуз на Македонија може и знае како од Република Северна Македонија да изгради таква европска држава, да ја поставиме меѓу развиениот европски свет, затоа што целта за европска Македонија ја темелиме на реална Програма за развој.

Сите заедно на 8ми мај заокружуваме број 1 – нема откажување од иднината!”, напиша Спасовски на Фејсбук.

Други спортови

Стојоски собори државен рекорд во дисциплината 400 метри со пречки стар 44 години

Јован Стојоски е нов македонски рекордер во дисциплината 400 метри со пречки. 

На Меѓународниот турнир во Марибор викендот Стојоски патеката 400 метри со пречки ја истрча за 53,56 секунди.

- Освоено прво место на Меѓународниот митинг во Марибор. Ова е моја втора трка во оваа дисциплина. Сега имам девет државни рекорди, објави Стојоски на својот фејсбук-профил.

Досегашниот државен рекорд на оваа делница изнесуваше 55,11 секунди поставен 1980 година.

Македонија

Во Штип одржана манифестацијата „Велигденски игри без граници“

Во ЗОО парк „Бриони“ во Штип денеска се одржа манифестацијата „Велигденски игри без граници“ во која учествуваат деца од штипските градинки. 

Директорот на ЈП „Исар“-Штип, Кирил Зајков вели дека во соработка со локалната самоуправа и градинките денеска по третпат се организира „Велигденски игри без граници“ и се надева дека ќе прерасне во традиција.

-По повод велигденските празници, ЗОО парк „Бриони“ во соработка со Општина Штип и градинките во општината го организира третиот по ред настан „Велигденски игри без граници”. Настан во кој учествуваат децата, настан од децата за децата, настан во кој имаме разни игри со цел анимација на децата, славење на велигденските празници на симболот на христијанството и јајцата. Овој настан преминува во традиција во кој ние како ЈП „Исар“ учествуваме во организацијата заедно со Општина Штип и се надеваме дека ова прекрасна традиција ќе продолжи и во годините кои следуваат, рече Зајков.

притисни ентер