Македонија

Уставниот суд ја почна седницата за одлуката за референдум

Уставниот суд ја почна седницата на која треба да се одлучува за уставноста и законитоста на Одлуката за распишување на референдум, донесена од Собранието на Република Македонија на 30 јули 2018 година. 

На седницата присуствуваат претставници на политичката партија „Левица“ и од Светскиот македонски конгрес, кои се подносители на иницијативите, а судија известител е Елена Гошева која го образложува предметот.

Подносителите сметаат дека одлуката за референдумот не е во согласност со Уставот на РМ, Законот за референдум и другите облици на непосредно изјаснување на граѓаните, како и со воспоставените европски стандарди и добри референдумски практики утврдени од страна на Венецијанската комисија. Тие бараат Уставниот суд целосно да ја поништи одлуката за референдум, а доколку одлуката ја донесе по референдумот, тогаш да ги поништи резултатите.

Иницијативата за оспорување на одлуката за распишување на референдум, според поранешниот претседател на Уставниот суд, Трендафил Ивановски, е обид за уривање на државата. Во изјава за МИА, тој вели дека Судот формално-правно има на располагање три можности.

Првата можност е да ја отфрли иницијативата, ценејќи дека прашањето не е такво за Уставниот суд да постапува. Втората може да биде Судот да ја одбие, односно да не поведе постапка кога веќе ја ставил во фаза на одлучување, и третата, може да одлучи да поведе постапка отпосле, да оди и на соодветно укинување или поништување.

Од друга страна, како што вели, стравува дека со поставувањето воопшто на самото прашање за разгледување пред Уставниот суд, имајќи го предвид досегашното искуство од работата на овој судски состав, се оди токму на рушење на темелите на државата.

- Рушењето на тој референдум би значело рушење на тие темели и на опстанокот на државата, истакна Ивановски.

За иницијативата за оценка на уставноста и законитоста на одлуката за референдум вчера се произнесе и шефот на дипломатија Никола Димитров на прес-конференцијата со неговиот германски колега Хајко Мас. Според него, голема е одговорноста во овој момент, кое било тело, дури и Уставниот суд, клучот на одлучување да го земе од рацете на граѓаните.

Премиерот Зоран Заев, пак, во врска со постапувањето на Уставниот суд за одлуката за распишување референдум пред извесно време рече дека, според него, сѐ е во согласност со Уставот, но дека останува Судот да си го каже своето.

Шоу биз

24- годишна актерка загина за време на одмор на Тајланд – снимен е страшниот момент (ВИДЕО)

Руската актерка Камила Биелјацкаја (24) починала кога огромен бран ја одвлекол во морето во Тајланд.

Актерката е фотографирана како седи на јога душек на карпа и гледа над Тајландскиот залив. Неколку секунди подоцна била фрлена во разбрануваното море, однесена од голем бран.

Застрашувачката снимка покажува како актерката се бори и ја напаѓаат морските струи. Камила е од Новосибирск, а како турист со своето момче го посетувала вториот по големина остров на Тајланд.

Нејзиното тело било пронајдено за време на викендот, на еден километар од местото каде што ја однел бранот. Претходно на социјалните мрежи таа сподели со своите следбеници дека го сака ова место и дека често се враќа на него за време на нејзините посети на островот, кој го нарече „дом“ и „најдоброто место на светот“.

Еден човек влегол во брановите обидувајќи се да ја спаси, но безуспешно. Камила претходно објави за местото: "Оваа камена плажа е најдоброто нешто што сум го видел во мојот живот. Ти благодарам, вселено, што сум овде сега. Многу сум среќна. Среќна сум!"

Снимката ја покажува на местото каде што починала. Таа отишла до видиковец за да ги гледа брановите и била видена како пристигнува со црвен автомобил пред да оди сама до карпите.

Таа ја извадила подлогата од багажникот на нејзиниот автомобил пред да оди до место кое нуди панорамски поглед на островот. Подоцна душекот бил виден како лебди во водата кај Кох Самуи, еден од најпопуларните острови во Тајланд.

Спасувачките екипи се соочиле со проблеми поради бесните бранови и иако пристигнале само 15 минути откако таа била однесена во морето, не можеле да направат ништо за да ја спасат актерката.

Нејзиното момче заедно со сведоци дало изјави во локалната полиција во врска со трагедијата. „Овој инцидент е остар потсетник за опасностите што ги носат монсунските услови, а властите ги повикуваат посетителите да бидат крајно претпазливи и да избегнуваат карпести брегови за време на периоди на високи бранови“, се вели во тајландски извештај.

Македонија

Еден повреден во престрелка во паркот во Чаир

Во паркот на улица „Кемал Сејфула“ во Чаир денеска од огнено оружје било повредено едно лице. Случајот во СВР Скопје ги пријавиле од Универзитетската клиника по хируршки болести „Свети Наум Охридски“, каде бил пренесен повредениот.

- Денеска (02.12.2024) од ГОБ „Св.Наум Охридски“ во СВР Скопје е пријавено дека кај нив со повреда од огнено оружје бил донесен Џ.Х. од Скопје, кој според пријавеното, бил повреден во паркот на ул. „Кемал Сејфула“ во Скопје, информираат од МВР.

Полицијата информира дека се преземаат мерки за расчистување на случајот.

Фудбал

Германски клуб бил пред згаснување, неговите навивачи за два дена собрале милион евра

Љубителите на фудбалот во Германија се од посебен вид, а тоа го покажа уште еден случај во текот на претходната недела.

Имено, четвртолигашот Либек беше на работ на згаснување, се додека неговите поддржувачи не изреагираа.

Клубот од северот на Германија минатата недела објави дека е пред банкрот и дека треба да собере милион евра за да преживее за помалку од 48 часа. Секој би рекол - невозможна мисија.

Но...

Навивачите на Либек веднаш започнаа акција и во експресно време ги собраа потребните пари и собраа доволно за да го спасат клубот од згаснување. На настанот во Либек вчера вечер, претседателот на клубот, Дитер Гидел објави дека повеќе од 4.000 навивачи донирале пари и дека се собрани милион евра кои го спасиле клубот.

По 18 одиграни кола во четвртата лига на Германија, Либек е десетти на табелата во Регионалната лига Север со 25 бода, што е седум повеќе од зоната за испаѓање.

притисни ентер