Почитувани гледачи, во вторничното издание на „Само Вистина“ за тоа во кој свет живее опозицијата а во кој власта и дали Северна Македонија ќе биде подобро место за живеење на просечниот македонски граѓанин, вечерва жежок пратенички дуел со Павле Богоевски и Иван Стоиљковиќ.
Богоевски еден од најистакнатите шарени револуционери, го поддржува македонско-грчкиот договор. Тој е на став дека за прв пат во историјата на Република Македонија се нуди најфер и најдобра шанса, историски гледано, за обезбедувањето на иднината на сите граѓани.
Претседателот на Демократската партија на Србите во Македонија Стоиљковиќ како долгогодишен партнер на ВМРО-ДПМНЕ, остана лојален и во опозиција. Тој е на став дека српската заедница ќе го бојкотира референдумот, како што вели „немаме намера да бидеме кумови во овој политички процес“.
Зошто многумина борци против „режимот“ се незадоволни од Владата? Кои шест пратеници на опозицијата ќе бидат дел од 2/3 мнозинство за поддршка на Преспанскиот договор? Емоции или разум, знаат ли Македонците што треба да направат на 30-ти?
Ќе се намалат или двојно ќе се зголемат „децибелите“ на поддржувачите на референдумот или пак на апстинентите? Станавме ли „клинички случај“ за Европското семејство? За новото сонце на слободата или старата рак-рана на македонскиот народ, гледајте го вечерашното издание на „Само Вистина“ за единството на нацијата попречено од интересите на поделеноста вечерва во „Само Вистина“ со Павле Богоевски и Иван Стоиљковиќ, на Канал 5 Телевизија.