Македонија

Дополнителна ликвидност од 130 милиони евра за малите и средни претпријатија

Сто триесет милиони евра евтини кредити од ЕИБ и ЕБОР им стојат на располагање на малите и средните претпријатија. Кредитната линија од ЕБОР веќе е достапна, а за оние од ЕИБ ќе можат да аплицираат од октомври.

Ова го најавува министерот за финансии Драган Тевдовски во интервју за МИА, во кое истакнува дека интерес има од фирмите и за двата инструмента, а најважно е, како што вели, што ќе можат да се користат средствата и за рефинансирање на постојните кредити, односно ако веќе вложиле во опрема или други инвестиции ќе можат да ги заменат тие со поевтини кредити

- Оваа недела потпишавме договор со Европската инвестициска банка за 100 милиони евра дополнителна ликвидност на мали и средни претпријатија, што ќе можат да ги користат од средината на октомври. Тие ќе треба да аплицираат кај деловните банки. За нас е важно што се обезбедува пристап до допoлнителен капитал или евтини кредити за малите и средни претпријатија кои се основа, р’бетот на економијата. За нас е важно тие да имаат пристап до евтини кредити за да можат да растат и за да се развиваат, истакнува Тевдовски.

Тој додава дека покрај овие 100 милиони евра има дополнителна можност за малите и средни претпријатија во износ од околу 30 милиони евра, од кои пак веќе 10 милиони се активни преку Охридска банка.

Во интервјуто посочува дека од компаниите има интерес да користат повторно од овие средства и да ги вложат во нови проиводствени капацитети кои ќе имаат нови вработени

Шоу биз

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.

Аугсбург заврши 11-ти со 39 бодови./МИА

притисни ентер