Тенис

Франција во финалето на „Дејвис купот"

Бранителот на титулата Франција има недостижна предност од 3:0 во победи против Шпанија и си обезбеди место во финалето на „Дејвис купот“, неофицијалното светско тимско првенство во тенис за мажи.

36-годишните ветерани Жулиен Бенето и Никола Мау победија во натпреварот во парови против Марсел Гранојерс и Фелисијано Лопез со 6:0, 6:4, 7:6 (7) на терен во салата во Лил.

Французите, кои почнаа силно и зедоа девет од првите десет гема, имаа посериозни тешкотии само во третиот сет, во кој триумфираа по тајбрејк.

Во другото полуфинале САД го намали заостатокот на 1:2 во победи на гостувањето кај Хрватска во Задар по драматичен успех на Мајк Брајан и Рајан Харисон над Иван Додиг и Мате Павиќ со 7:5, 7:6 (6), 1: 6 , 6: 7 (5), 7: 6 (5) по 4:43 часа игра.

Домаќините, шампиони на турнирот во 2005 година, се обидуваат да се пласираат во финалето по втор пат во последните три сезони.

Соединетите Американски Држави не играле за трофејот од 2007 година, кога го освоија по рекорден 32-ри пат.

Регион

Албанската полиција запленила фалсификувани чекови во вредност од еден милион долари

Уапсени двајца Италијанци.

На граничниот премин Хан Хоти, на албанско-црногорската граница, албанската полиција запленила фалсификувани чекови во вредност од милион долари.

Уапсени се двајца италијанските државјани во чиј автомобил биле откриени фалсификуваните чекови.

Фалсификуваните чекови се одземени како материјален доказ заедно со возилото, 1700 евра, печати и два мобилни телефона и се предадени на Обвинителството при Основниот суд од општата надлежност Скадар за понатамошни дејствија. /МИА

Фудбал

Легендарната бразилска фудбалерка Марта заминува во пензија

Најдобриот стрелец во историјата на Бразил во машки и женски фудбал, 38-годишната Марта, одлучи да се пензионира оваа година.

Марта, која од 2017 година настапува за американскиот клуб Орландо Прајд, изрази надеж дека пред повлекувањето од фудбалот ќе може да настапи на претстојната Олимпијадата во Париз.

„Ако одам на Олимпијадата, ќе уживам во секој момент, бидејќи, без разлика дали ќе бидам во Париз ова ми е последна година со репрезентацијата, изјави Марта во интервју за Си-Ен-Ен.

„Од 2025 година Марта повеќе ќе ја нема во репрезентацијата. Многу сум смирена поради тоа бидејќи со голем оптимизам гледам на развојот на спортот што го имаме во однос на младите спортисти“, додаде таа.

Марта, позната како „Кралица Марта“, е најдобар стрелец на сите времиња во Бразил со 116 гола на 175 натпревари. Таа е и најдобар стрелец на женските мундијали со 17 голови. /МИА

Свет

Франција и Германија потпишаа договор за заеднички проект за вооружување

Проектот МГЦС се очекува да ги замени германските тенкови Леопард два и француските борбени тенкови Леклерк.

Францускиот министер за одбрана и неговиот германски, Себастијан Лекорну и Борис Писториус на денешната средба во Париз потпишаа договор за заеднички проект за вооружување во вредност од една милијарда евра, кој вклучува развој на главен борбен тенк од следната генерација.

Министрите потпишаа меморандум за развој на Главен копнен борбен систем (МГЦС), кој има за цел да ги замени сегашните борбени тенкови во Франција и во Германија.

Проектот МГЦС се очекува да ги замени германските тенкови Леопард два и француските борбени тенкови Леклерк. /МИА