Откако ќе се регистрираат електронски ќе треба да ја однесат годишната даночна пријава во Управата која треба да им ја достави на граѓаните најдоцна до 30ти април, а потоа тие ќе треба да ги потврдат или коригираат податоците најдоцна до 31 мај. Доколку тоа не го сторат ќе се смета дека Управата подготвила точна даночна пријава.
„Oвие даночни обврзници и физички лица имаат обврска да се регистрираат на системот е-персонален данок или e-pdd.ujp.gov.mk, за да можат да комуницираат со УЈП, односно УЈП да ја достави пополнетата годишна даночна пријава преку системот е-персонален данок на доход, а од друга страна даночните обврзници и физички лица да ја потврдат или коригираат“, изјави Мухамед Авдиќ, раководител во УЈП
Со оглед на фактот што и пензионерите ќе мора да се регистрираат електронски, но многумина не знаат да ги користат или воопшто немаат пристап до новите технологии, Управата преку различни методи ќе им излезе во пресрет...
„Оние физички лица кои немаат можност да се регистрираат сами, можат да ополномоштат лице од своето семејство, помлад кој се разбира во оваа технологија. Само да му дадат полномошно пред нотар и со тоа да дојде во УЈП или ако не сакаат да дадат полномошно да дојдат двајцата во УЈП и да се идентификуваат“ – додаде Авдиќ.
Од управата објаснуваат – електронската регистрација се прави само еднаш. Апелираат граѓаните да ја сторат навреме.
Досега се регистрирале 13 илјади граѓани. Очекуваат да пристигнат повеќе од 400 илјади даночни пријави.
Инаку досега граѓаните кои имаа приходи само по основ на плата и пензија немаа обврска да поднесуваат годишна даночна пријава.