Македонија

Екипа на Канал 5 утрово во 5 часот се појави во Стенковец

Последни подготовки на аеродромот Стенковец  за тенкирањето на течноста која треба да ја испуштат два авиона над Скопје со цел да се уништат „заспаните комарци“ во раните утрински часови над главниот град. 

Во 5 часот наутро се е подготвено за старт.

Авионот полета со течноста, а ние со тимот на двајца пилоти, меѓу кои и една од нив дама Стефанија Димеска и Коце, а ние полетеваме по нив.

Од денешното видео направено од канал 5 се прскаше над Скопје над целиот град. Денеска се прска 7,5 илјади хектари површина, исто толку и вчера испрскале, соопштуваат од Град Скопје. Стручните лица ни објаснија дека кога се прскало за ларви се прскало само во областите каде имало вода, а за веќе пораснати комарци се прска над целиот град.

Додека снимавме од воздух од време на време поради отворениот прозорец на авионот се чувствуваше мирисот на течноста што ја испушташе авионот што леташе под нас.

Двата авиони во два наврати денеска го прскаа градот. Дилемата околу бучноста на авионите и која е разликата помеѓу старите и новите е во тоа што новите создавале помала бука.

Кон челништовото на Град Скопје имаше големи критики дека прскањето многу доцнело.

Ретко кој имаше среќа да нема траги по телото од гладните инсекти. И докторите од институтот за јавно здравје реагираа дека планот за прскање треба да се направи порано од документација, а во сорaботка со УХМР можело да се дознае и за временските услови кога дозволуваа уште за време кога комарците биле ларви.

Од градот со образложение дека врнежливата пролет и дождливиот старт на летото го одложиле прскањето.

За утре и задутре најавени се нови прскања против комарци.

Со надеж дека по доаѓањето на мракот средствата против комарци нема да бидат главен реквизит во прошетките, но и во домовите на скопјани.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер